San Mateo 1

1Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham. 2Te snich'an Abraham, Isaac, te snich'an Isaac, Jacob, te snich'an Jacob, Judá soc te yermanotac, 3te yal-snich'nab soc te Tamar te Judá, ha Fares soc Zara, te snich'an Fares, Esrom, te snich'an Esrom, Aram, 4te snich'an Aram, Aminadab, te snich'an Aminadab, Naasón, te snich'an Naasón, Salmón, 5te yal-snich'an soc Rahab te Salmón, ha Booz, te yal-snich'an soc Rut te Booz, ha Obed, te snich'an Obed, Isaí, 6te snich'an Isaí, ha te ajwalil David. Te snich'an te ajwalil David, Salomón te ha yal te yihnam Urías, 7te snich'an Salomón, Roboam, te snich'an Roboam, Abías, te snich'an Abías, Asa, 8te snich'an Asa, Josafat, te snich'an Josafat, Joram, te snich'an Joram, Uzías, 9te snich'an Uzías, Jotam, te snich'an Jotam, Acaz, te snich'an Acaz, Ezequías, 10te snich'an Ezequías, Manasés, te snich'an Manasés, Amón, te snich'an Amón, Josías, 11te snich'an Josías, Jeconías soc te yermanotac. Ha yorahil a te ic'otic bahel ta chuquel ta Babilonia. 12Ta patil te ic'otic bahel ta Babilonia, te snich'an Jeconías, ha te Salatiel, te snich'an Salatiel, Zorobabel, 13te snich'an Zorobabel, Abiud, te snich'an Abiud, Eliaquim, te snich'an Eliaquim, Azor, 14te snich'an Azor, Sadoc, te snich'an Sadoc, Aquim, te snich'an Aquim, Eliud, 15te snich'an Eliud, Eleazar, te snich'an Eleazar, Matán, te snich'an Matán, Jacob, 16te snich'an Jacob, José, ha te smamalal María te la yayintes Jesús, ha te Cristo te sbihile. 17Te jaycaj ts'umbalil ta spisil c'alal Abraham ha to ta David, ay chanlajuncaj (14); c'alal David ha to te bin ora ic'otic bahel ta chuquel ta Babilonia, ay chanlajuncaj (14); c'alal ic'otic bahel ta chuquel ta Babilonia ha to c'alal ayin Cristo, ay chanlajuncaj (14). 18Te bin ut'il ayin te Jesucristo, hich ay: C'alal macbil yu'un José te María te snan te Jesús, c'alal ma to ba yic'oj a, chicnaj te hahchemix yal ta scuenta te Ch'ul Espíritu. 19Te bin ut'il toj yo'tan te José te smamalal, ma ba la sc'an la yac' ta q'uexlal te smacbil antse, ha yu'un la snop te muquen ya yihquitay. 20Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu. 21Ya x'ayin yal, soc ya me awa'be sbihilin JESÚS, como ha ya scoltay yu'un smulic te pueblo yu'un, xchi sc'oblal. 22Ta spisil ini hich c'oht ta pasel scuenta yu'un hich ya xc'oht a te bin yaloj te Cajwaltic ta scuenta te jalwanej, te hich la yal: 23Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.) 24Te José, c'alal cux yo'tan yu'un te swayich, hich la spas te bin ut'il halbot yu'un te ch'ul a'bat yu'un te Cajwaltic, la yic' yihnamin te María. 25Pero ma ba la sta sba soc ha to c'alal ayin te sba-ale, soc la ya'be sbihilin JESÚS.


Copyright
Learn More

will be added

X\