Hebreos 6

1Ha yu'un ac'a hiluc cu'untic te bintic shahchibal ay ta nopbeyel sc'oblal Cristo, behbehucotic me ta muc'ubel bahel, ma me jcha'pastic xan te yich'o-ip, ha te suhtesel-o'tanil yu'un a'teliletic te ya x'ac'awan ta lajel, te sch'uhunel Dios, 2snopbeyel sc'oblal ich'-ha', scajanel c'abal ta stojol yan, te cha'cuxajel yu'un mach'atic chamenic, soc castigo scuenta sbahtel q'uinal. 3Hich me ya jpastic, teme hich ya sc'an te Diose. 4Te mach'atic sacub q'uinal ta stojolic, te la ya'iybe sbuhts' te mahtanil yu'un ch'ulchan, te a'bot yich'ic te Ch'ul Espíritu, 5soc te la ya'iybeyic yutsil te sc'op Dios soc te yip te yach'il bahlumilal te talel yac, 6teme ya xcha'yahlic, ma xhu'ix ta suhtesbeyel yo'tanic, como ha'ic nix la scha'aq'uic xan ta lajel ta cruz te Snich'an Dios soc la yaq'uic xan ta labanel ta comonsitil. 7Te lumq'uinal te ya yuch' te ha'al te bayel buelta ya xco tal tey a, soc te ya yac' ts'unub awaletic te ya xtuhun yu'un te mach'atic la schahpanic te lume, ya yich' bendición yu'un Dios. 8Yan te lumq'uinal te ya xcol ch'ix soc ha'mal tey a mayuc bin ya xtuhun a, soc quechel yich'bel bohlc'optayel soc ya me yich' chiq'uel. 9Aunque hich ya calcotic, te ha'ex te c'uxex ta co'tancotic, jna'ojcotic te lec xan ac'oblalic soc te ayex ta scuenta te colele. 10Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora. 11Pero ha ya jc'ancotic te tuhlutuhlex hich nix yac awo'tantayic spasel c'alal to ta slajibal ora, scuenta yu'un hich me ya xc'oht ta acuentahic a te bin jun awo'tanic yac amahlibelic, 12scuenta yu'un ma ba ya xch'ajubex, ha yac anopbeyic yo'tan te mach'atic te ta scuenta sch'uhunel yo'tanic soc te jun yo'tanic yaquic ta mahlab, ya yich'ic te bintic yaloj ta jamal te Diose. 13Como te Dios, c'alal la yalbe te Abraham te ay bin ya ya'be, te bin ut'il mayuc yan mach'a toyol xan ay te ya yal ta jamal ta scuenta, la yal sba ta jamal ta scuenta stuquel, te hich la yal: 14Ya me ca'bat bayel bendición soc ya me cac' p'ohluc ats'umbal, xchi. 15Te bin ut'il te Abraham jun yo'tan la smahliy, la sta te bin halbote. 16Te ants-winiquetic ay bin ya yalic ta jamal ta scuenta te mach'a toyol xan ay yu'unic, soc te bin la yich' halel ta jamal ya yac' ta na'el te ha melel, hich ya xlaj c'op abi. 17Ha nix hich te Diose, te bin ut'il la sc'an te jamal ya ya'be sna'ic te mach'atic ya xbaht yich'ic te bin halbil yu'un te ma xyanij te bin snopoj ta yo'tan, la yal ta jamal te ha melel. 18Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique. 19Te smuc'ul-o'tanil ini ha ancla c'ohem yu'un te jch'uhleltic, te stalel ay soc ma syuc' sba, te ya x'och bahel c'alal ta yutil te stsalul pac' ta templo, 20ta banti nahil och bahel cu'untic te Jesús ta jcuentatic, te yich'oj ya'tel ta muc'ul sacerdote sbahtel q'uinal, hich te bin ut'il te Melquisedec.


Copyright
Learn More

will be added

X\