1 San Pedro 5

1Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale: 2Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic. 3Ma me xacuy abahic ta ajwalil ta stojol te mach'atic ayic ta acuentahic, ha me xawa'beyic yil ta scuenta te bintic yac apasique. 4Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje. 5Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi. 6Ha yu'un pehc'ana me abahic ta stojol sc'ab Dios te bayel yu'el, scuenta yu'un ha ya stoybeyex ac'oblalic te c'alal ya sta yorahil yu'une. 7A'beya ta stojol spisil te bintic yac amel awo'tanic yu'un, como ayex ta canantayel yu'un. 8P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin. 9Ma me xawac' yochintayex, ayuc me yip sch'uhunel awo'tanic, como ana'ojic te hich nix ay swocolic te awermanotac ayic ta swohlol bahlumilal. 10Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic. 11¬°Ac'a yich' halbeyel sc'oblal te yutsilal soc ayuc me yu'el scuenta sbahtel q'uinal! Hichuc. 12Ta scuenta te Silvano, te quermano te jun yo'tan, la jts'ihbabeyex cha'oxp'ahl c'op yu'un ya ca'beyex yip awo'tanic soc yu'un ya cal ta testigo-c'op te ha te smelelil yutsil yo'tan Dios ini, te jun awo'tanic ta stojol. 13Xcoltanuquex laj yu'un te iglesia te ay ta Babilonia, te pajal tsahbilex soc, ha nix hich xcoltanuquex laj yu'un te jnich'an Marcos. 14Talel c'axel xapatbe aba awo'tanic ta scuenta uts'uyel yu'un sc'uxul-o'tanil. Lamaluc me q'uinal ta apisilic te ayex ta stojol te Jesucristo. Hichuc.


Copyright
Learn More

will be added

X\