1 San Juan 5

1Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane. 2Hich ya jna'tic a te c'ux ta co'tantic te al-nich'anetic yu'un Dios: teme c'ux ta co'tantic te Dios soc teme ya jch'uhumbetic te mandariletic yu'une, 3yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une, 4como spisil mach'a ayinem ta scuenta Dios, ya stsal te bahlumilale. Te bin stsaloj te bahlumilal, ha te sch'uhunel co'tantique. 5¿Mach'a a te ya stsal te bahlumilal? Ha te mach'a ya sch'uhun te ha Snich'an Dios te Jesús. 6Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile. 7Como ay oxeb te ya yalic ta testigo: 8ha te Espíritu, te ha' soc te ch'ich'; junax bin ya yalic ta yoxebalic. 9Teme ya quich'tic ta cuenta te testigo-c'op yu'un te ants-winiquetique, c'ax to xan hich ay ta ich'el ta cuenta te testigo-c'op yu'un Dios, como ha te testigo yu'un Dios te yalbe sc'oblal te Snich'ane. 10Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane. 11Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane. 12Te mach'a ay ta yo'tan te Nich'anil, ay scuxlejal; yan te mach'a ma ba ay ta yo'tan te Snich'an Dios, mayuc scuxlejal stuquel. 13La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal. 14Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic. 15Soc teme jna'ojtic te ya ya'iyotic teme ay bin ya jc'ambetic, jna'ojtic te quich'ojtiquix te bin la jc'ambetique. 16Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel. 17Ha mulil spisil te bintic ma tojuc ta pasel, pero ay mulil te ma ba scuenta lajel. 18Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje. 19Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale. 20Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal. 21Cal-jnich'nab, tsahtaya me abahic yu'un te loc'ombahetique. Hichuc.


Copyrighted Material
Learn More

will be added

X\