1 San Juan 1

1Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic. 2Chicnaj te cuxlejal soc la jquilcotic, ya calbecotic sc'oblal ta testigo-c'op soc ya calbeyex sc'oblal te cuxlejal te sbahtel q'uinal ay, te sjoquinej te Tatil soc te chicnaj ta jtojolcotic. 3Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo. 4Ha ya jts'ihbabeyex ini scuenta yu'un ts'acal ya xc'oht a te stse'elil awo'tanique. 5Ha ini te bin la yal ca'iycotic te Jesucristo soc te ya calbeyexcotic awa'iyique: Ha sacal q'uinal te Diose, jc'axel mayuc yihc'al q'uinal ta scuenta stuquel. 6Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope. 7Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane. 8Teme ya caltic te mayuc jmultic, ya jlo'loy jbahtic, ma ba ay ta co'tantic te smelelil c'ope. 9Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel. 10Teme ya caltic te mayuc jmultic, ha yac ta lot te Dios ta jc'optic, soc ma ba ay ta co'tantic te sc'ope.


Copyright
Learn More

will be added

X\