ROMANOS 5

1Chavay ni Dios kintalaqtsʼinan tacha lajʼoxin lapanakni va por lhakapuʼanau. Xlhiyucha oxamaktaun juntau kun Dios por yu makal kiJalhachimoʼonukʼan Jesucristo. 2Vachu va por yucha lay katanuyau la ixjamapayninti ni Dios taʼan ox kintalaqtsʼinan taʼan lhiyanau. Vachu lhiʼachantajuyau ni kamispayau ixʼoxixtu ni Dios. 3Jantu vamun yuʼ lhiʼachantajuyau. Vachuʼ lhiʼachantajuyau mas maqanlqajnanau. Kʼatsayau ni maqanlqajnati makay para lay kamaqantaulau. 4Incha lay maqantaulau yucha masuy ni va la pʼas kilhakapuʼatkʼan. Incha la pʼas kilhakapuʼatkʼan yucha makay para apalay kapakxanʼiu yu Dios naul kaʼalinaʼ. 5Incha pakxanʼiyau, yucha jantu kalhimaxanau, laqsaval va chuncha kunaʼ. Chuncha kʼatsayau va por kintaxtaqnitan ni Espíritu Santo y yucha kintamakʼatsaniyan ni Dios ayaj kintapaxkayan. 6Tejkan istsʼanqay kintapʼastakʼan y jantu lay ixʼaqtayjukanau keʼemankʼan, va exnicha ni Cristo nil por kijnankʼan mas jantu ixtoʼoyayau ni Dios. 7Va laycha jantu matichun kanil por aqayntaun mas ox kaval. Ka va lay kanil por aqayntaun incha ayaj ox laqtsʼin. 8Pero ni Dios va inchine masul ni ayaj kintaʼachaniyan. Tejkan vananaj maqtaqalhinin ixjuntau ex ni Cristo nil por kijnankʼan. 9Chavaycha laqtsʼinkanau tacha lajʼoxin lapanakni por ixjakʼalna ni Cristo tejkan maqnikal. Xlhiyucha kʼatsayau ni kintamalaqtaxtuniyan ixlhilukuj ni Dios. 10Tejkan tʼalaxkaynin ixjuntau kun Dios, yu Istsʼal nil por kijnankʼan ex oxamaktaun juu kun Dios. Chavaycha oxamaktaun juntau, xlhiyucha apalay ox kʼatsayau ni kintamalaqtaxtuyan va por kujchoqotacha. 11Jantu vamun yuʼ. Vachu ay makayau ni Dios por yu makal kiJalhachimoʼonukʼan Jesucristo. Va por yucha chavaycha oxamaktaun juntau kun Dios. 12Yu talaqalhin puʼalil yu makal qayntaun lapanaki yu ixjunkan Adán. Va xlhiyucha alil lhinin. Chuncha tachun ni lapanakni va yucha lhiniʼoyau, va por tachun maqtaqalhininau. 13La maqancha ixʼalin ixtalaqalhinkʼan ni lapanakni mas jantukaʼ istsʼoqkʼan ixlhachimoʼon Dios. Pero tejkan jantukaʼ istsʼoqkan, ex jantukaʼ ixmakakan kuenta yu talaqalhin. 14Tejkan ixtʼajun ni Adán tus tejkan ixtʼajun ni Moisés, ni lhinin ixlhitʼajun tapʼasta mas jantukaʼ ixtamispay lapanakni yu lhinaunkan. Tanil mas ixtalaqalhinkʼan jantu kaval tacha ni Adán yu jantu kaqalasmaklhi ni Dios. Chuncha ni Adán masuy ni maqskʼiniy kamil aqayntaun. 15Pero ixtalaqalhin ni Adán jantu chun kaxajchal tacha yu valiʼiy kintaxtaqniyan Dios. Chuncha yu makal qayntaun lapanaki lhixajchal ni pumalhuu lapanakni katanil. Pero kintamapayniyan aqayntaun lapanaki yu junkan Jesucristo. Xlhiyucha apalay lhuu talhaval ixjamapayninti ni Dios yu kintaxtaqniyan kimpumalhuukʼan. 16Yu ixtalaqalhin ni Adán jantu lhixajachal tacha yu xtaʼa ni Dios. Tejkan puxkaulaqtsʼinkal ni anchanu talaqalhin yucha xajchal maqanlqajnati. Pero mas lhuu kintalaqalhinkʼan ni Dios va kintamapayniyan. Chuncha xajtachal para kintalaqtsʼin tacha lajʼoxin lapanakni kajuu. 17Chuncha va por ixtalaqalhin qayntaun lapanaki yu lhinin lhitʼajun tapʼasta. Ex por yu makal Jesucristo apalay kalhitsukuyau tapʼasta la ketsukuntikʼan tachun ni kijnan yu laqaʼiyau yu ay ixjamapayninti ni Dios. Yucha kintaxtaqniyan para kintalaqtsʼin tacha lajʼoxin lapanakni. 18Ex chuncha ixtalaqalhin ni anchanu lapanaki lhixajchal ixmaqanlqajnatkʼan tachun ni lapanakni. Vachu va chuncha yu ox ixjatsukunti yu aqayntaun, yu Jesucristo, yucha lhixajchal para tachun kalaqlaqtsʼinkal tacha lajʼoxin lapanakni kataval. 19Vachu por ni anchanu lapanaki yu jantu ixqalasmatʼa ni Dios, xlhiyucha la pumalhuu taval maqtaqalhinin. Pero yu aqayntaun lapanaki yucha ox ixqalasmatʼa ni Dios, xlhiyucha pumalhuu taval tacha lajʼoxin lapanakni. 20Ixlhachimoʼon ni Dios va tsʼoqkal para katasul ni va lhuu ixlaqtaqalkʼan ni maqtaqalhinin. Pero tejkan talhaval ixlaqtaqalkʼan ni maqtaqalhinin, ex apalay talhaval ixjamapayninti ni Dios. 21Ex chuncha ni talaqalhin lhitʼajun tapʼasta para kaʼalil lhinin. Vachu va chuncha ixjamapayninti ni Dios lhitʼajun tapʼasta para kaxajchaʼau tacha lajʼoxin lapanakni. Chuncha alil ni jatsukunti yu jantu aqtaun kamiʼoyaʼ, va por yu makal kiJalhachimoʼonukʼan Jesucristo.

will be added

X\