APOCALIPSIS 13

1Ni kitʼin xakyal laka kukuj taʼan ixkilpaʼ ni lakamar. Ex klaqtsʼil ni takuklhi laqataun ay maqtaliʼ. Va laqatujun ixʼaqtsul ixjunita, ixlhitʼajun maqakau ixʼaqaloqoti. La ixʼaqaloqoti ixʼalin laqakau korona. Ixlakpajukʼal laqxtoqnu chivinti yu jantu ox lhichiviniy Dios. 2Ni maqtaliʼ yu klaqtsʼil va tacha laqataun tigre ixtasuy, la ixchʼajaʼ tus tacha ixchʼajaʼ oso ixtasuy, la ixkilna tus tacha ixkilna león. Ex ni ay tsapul maqxtaqnil ixtapʼasta ali ixpalhachimoʼon para kalhachimoʼonul. 3Ex klaqtsʼinil laqataun ixʼaqtsul ni maqtaliʼ. Ixtasuy tacha kalaqpacheʼekal tus kanil, pero astan palay junchoqol. Ex ni lapanakni tus taun talhilal y tachun chʼantaun tatʼaval. 4Tatoʼoyal ni ay tsapul, va yucha maqxtaqnil ixtapʼasta ni maqtaliʼ. Vachu tatoʼoyal ni maqtaliʼ. Tatatsoqoqtanil, va tanaul: —¿Taʼayucha ay tacha yucha? ¿Taʼayucha lay makay lhilukuj kun yucha? 5Vachu ni ay tsapul xtaqnil lakatin ni maqtaliʼ para ay kamakakal y jantu ox kalhichivinil ni Dios. Va xtaqnil tapʼasta para kalhachimoʼonul 42 malkuyuʼ. 6Chuncha aqtaylcha juniy chivinti yu jantu ox lhichiviniy Dios, jantu ox lhichiviniy ixtaqaʼuti Dios. Jantu ox ixlhichiviniy taʼan Dios toʼoyakan, vachu jantu ox ixlhichiviniy tachun yu ancha tatʼavilanal ni Dios laktʼiyan. 7Xtaqnikal lakatin kamakanil lhilukuj ixlapanakni Dios tus kalaqmaqalhajal. Vachuʼ xtaqnikal lhuu tapʼasta para kalhichimoʼol taʼoqxlaqchux lapanakni, talakachux putaulan, mas va tisuncha ixlhichivinkʼan, mas va tisuncha palhachimoʼon. 8Tatoʼoyal ni maqtaliʼ tachun ni lapanakni lakamunukpaʼ yu jantu katsʼoqʼulakal la ixlibro ni Sasʼatʼa borrego yu maqnikal. Yu talhitʼajun jatsukunti ancha jatsʼoqʼulakanta mas tus tejkan jantukaʼ ixʼalin lakamunukpaʼ. 9Yu talhitʼajun ixpaqasmaknikʼan va kataqasmaklhi yu inchineʼ. 10Yu talhaʼan lapanakni lakapachʼin yuʼuncha vachuʼ kataʼanaʼ lakapachʼin. Yu japumaqninin espada yucha vachuʼ kapuniyaʼ espada. Yu laqsaval ixlapanakni Dios tajunita, yuʼuncha tsʼanqay katamaqantaulal yu katapasayaʼ, va katataylhaanil la ixlhakapuʼatkʼan. 11Astan klaqtsʼil alaqataun maqtaliʼ ixpataxtuta lakatʼun. Ixlhitʼajun maʼatʼuy ixʼaqaloqoti tacha ixʼaqaloqoti sasʼatʼa borrego. Ixchiviniy tacha yu ay tsapul. 12Yu ixtapʼasta va aqstanchun tacha yu pʼunaj maqtaliʼ, ancha chʼantaun ixtʼayal. Ni anu maqtaliʼ laqatapʼasta jalakmakal ni lapanakni lakamunukpaʼ ni katatoʼoyal yu pʼunaj maqtaliʼ. Yucha yu laqpacheʼekal y ixtasuy tacha kaniyaʼ pero palay junchoqol. 13Yu ataun maqtaliʼ vachuʼ ixmakay lajʼay axtoqnuʼ yu jantu aqtaun laqtsʼinkan. Lay ixmaʼeltajuy jikmi laktʼiyan para katamachil lakatʼun la ixtalakavantikʼan tachun ni lapanakni. 14Chuncha xtaqnikanta tapʼasta para kamakal lajʼay axtoqnuʼ la ixlakaʼukxpuʼ yu pʼunaj maqtaliʼ. Xlhiyucha ox jalakmakanul ni lapanakni lakamunukpaʼ. Jalaklhijunil katamakanil laqataun antivaj chuncha tacha tasuy yu pʼunaj maqtaliʼ yu ixlaqpaqcheʼekal pero jantu kanil. 15Vachuʼ xtaqnikal tapʼasta para lay kamaqloʼol ni antivaj yu ixtʼatasuy yu pʼunaj maqtaliʼ. Tus lay kachivinil ni antivaj y kamaqniʼol tachun yu jantu katatoʼoyal. 16Yucha lhinaul kalakmuntimukʼakal laqatamin jatsʼoqnuti la ixmajkanajkʼan tachun ni lapanakni, mas yu lakstʼuniy ali yu lajʼay, yu maʼalinin ali yu kilpatanin, yu oqxtamatin ali yu jantu oqxtamatin kataval. 17Yu jantu kalhitsukuyaʼ ni jatsʼoqnuti jantu lay kaʼiyaʼ u kastʼayaʼ tuʼuchun. Ni anu jatsʼoqnuti va ixnumero u ixtaqaʼuti ni maqtaliʼ. 18Maqskʼiniy jatapastakʼati para kʼamalaʼasitʼi yu inchineʼ. Taʼayuʼ yu mispay, va kamalaqasil ixnumero ni maqtaliʼ. Va xanumero lapanaki. Ni anchanuʼ numero va 666.

will be added

X\