HEBREOS 8

1Chavaycha tachun yu aniy naunputun va inchineʼ. Alin yu xaʼay ukxtin, yucha kinkurajkʼan yu vilchal la ixlhijakanaj yu ay Dios laktʼiyan. 2Ancha tapatsay laqa chaqaʼ taʼan laqsaval toʼoyakan Dios. Jantu valiʼiy lapanakni yu katamakal ni anchanu chaqaʼ, va kiJalhachimoʼonukʼan Dios yu makal. 3Qayntamin xaʼukxtin kura lakʼulakanta para kamoqslal lapaxkan. Ex chuncha vachuʼ ni Jesucristo paxtoqniy kamaqxtaqlhi lapaxkan. 4Chavay incha va katiʼukxuntayal ni Jesús aniy lakamunukpaʼ jantu katapatsal tacha kuraj. Aniy yu kuras tamoqslay lapaxkan tacha lhinajun ixlhachimoʼon Moisés. 5Chuncha ni chaqaʼ taʼan tatapatsay ni kuras kintamasuniyan tsʼuniy tacha junita ancha laktʼiyan. Tejkan ni Moisés va laycha ixʼaqtaynil makanaʼ ni chaqaʼ taʼan toʼoyakan Dios, ex ni Dios lhijunil: “Ox kʼamakʼatʼi kuenta ni va aqstanchun kʼamakʼatʼi tacha yu ikmasunin laka aspajun.” 6Chavaycha ni Jesucristo apalay ox ixlhitapatsa xajantu yu ixtapaxtoqniy ni xaʼukxtinin kuras. Yucha kintamapasaniyan yu apalay ox chivinti yu Dios jatʼatamakaul ixlapanakni. Chavaycha va apalay ox yu Dios najun kamakayaʼ. 7Ixjalhachimoʼon Dios yu pʼunaj jatʼatamakaul ixlapanakni va istsʼanqaniy tuʼuchun. Xlhiyucha chavaycha jatʼatamakaul ixlapanakni aputaun lhachimoʼon. 8Dios naul ni lapanakni va ixtatsʼanqaniy tuʼuchun la ixlhitapatskʼan. Va naul: Ni Dios najun: Kaminaʼ julchan tejkan klaktʼatamakaunaʼ sastʼi chivinti kun kilapanakni yu tavilanal xalakatʼun Israel y vachuʼ yu tavilanal xalakatʼun Judá. 9Jantucha kunaʼ tacha yu chivinti yu maqancha klaktʼatamakaul ixpayankʼan tejkan klakmaxtuchal xalakatʼun Egipto. Yuʼuncha jantu katataylhaʼal kun kilhachimoʼon. Xlhiyucha jantucha kakmakal kuenta ixputsukukʼan, najun ni Jalhachimoʼonuʼ Dios. 10Ex naunchoqoy ni Jalhachimoʼonuʼ Dios: Anchanu julchan klaktʼatamakaunaʼ sastʼi chivinti ni lapanakni yu tavilanal xalakatʼun Israel para kaklaqʼaqtayjul. Klakmanuniyaʼ kilhachimoʼon la ixjatapastakʼatkʼan, klaqtsʼoqmukʼaniyaʼ la ixjalhanutkʼan. Ex ni kitʼin ixDioskʼan kajkʼunaʼ, yuʼuncha kilapanakni katajunaʼ. 11Jantucha matichun kamalaniyaʼ ixtʼamachaqaʼ. Jantucha kajunaʼ para kamispal ni Dios. Tachun kintamispaʼoyaʼ, mas yu apalay lakatʼuniy lapanaki, mas yu apalay ay kaval. 12Kakmalaqmixiniyaʼ ixlaqtaqalkʼan, jantucha kakmakayaʼ kuenta ixtalaqalhinkʼan. 13Chuncha ni Dios najun va sastʼi ni chivinti yu chavaycha jatʼatamakaul ixlapanakni para kalaqʼaqtayjul. Yucha naunputun yu ataun lhachimoʼon jantucha paxtoqniy y yu jantucha paxtoqniy kamiʼolcha.

will be added

X\