COLOSENSES 4

1Uxiknankʼan yu ukxtinin untʼatʼik va ox kʼamakʼatʼik chuncha tacha yu laqsaval tapaxtoqniy miʼoqxtamatkʼan. Kʼatsʼayatʼik ni vachuʼ alin miʼukxtinkʼan laktʼiyan. 2Ox kʼatʼaylhipʼintʼik tʼachivinin Dios kun tachun mijatapastakʼatkʼan y kʼaxtʼaqnitʼik lhimalaqpuchuncha. 3Vachuʼ kaskʼintʼik Dios por kijnankʼan para chuncha kiJalhachimoʼonukʼan kintamalaqltiʼanin kilakatinkʼan. Ex lay kaklaqputeʼeu ni chivinti yu ixmaqsaqmaʼakanta yu lhichiviniy Cristo. Va xlhiyucha iktanun laka pachʼin. 4Vachu kʼaskʼintʼik para ox kaklhichivinil yu klaqputeʼey, tacha kimpaxtoqniy kakchivinil. 5Ox kʼatʼiʼukxuntʼayatʼik kun yu jantu talhakapuʼan. Ox kʼalakpʼastʼaknantʼik para jantu valiʼiy katsʼanqal mijulchankʼan. 6Kʼalaktʼachʼivinintʼik kun chivinti yu ox kalhixajchalcha, yu katalhipaʼinil. Ex chuncha kʼamispʼayapitik tacha maqskʼiniy kʼalhiʼaltʼaychʼoʼotʼik qayntamin. 7Tachun yu iktapasay kitʼin ancha katamakʼatsaniyan ni Tíkiko yu kʼachaniy tacha kilaqaj y yu kiʼaqtayjunuʼ. Yucha ox taylhaʼan y chʼantaun iktapatsaniyau ni kiJalhachimoʼonukʼan. 8Va yucha klamalaqachaniyau para kʼakʼatsʼatʼik tacha kʼalintaucha para katamaʼayajnin melhanutkʼan. 9Vachu katʼaʼantachal ni Onésimo yu kintʼalaqajunkʼan yu ox taylhaaniy y yu kʼachaniyau. Yucha va mintʼamachaqakʼan junita. Yuʼuncha katamakʼatsaniyan tachun yu iktapasayau aniy. 10Tamastakʼayan ni Aristarco yu kintʼatachʼin y vachuʼ Marcos ixpuxniunti Bernabé. Uxiknankʼan unkʼantʼatʼikcha tacha maqskʼiniy kʼamakʼanitʼik. Incha ancha katalaqchaʼan ox kalaʼaʼitʼik. 11Vachu tamastakʼayan Jesús yu vachuʼ junkan Justo. Mas va lhuucha alin yu israelitas pero vamun yuʼuncha kintatʼatapatsay para kalaqputeʼekal tacha lhachimoʼonun ni Dios. Yuʼuncha ox kintamalakaʼulata. 12Vachu aniy tamastakʼayan Epafras yu ixʼoqxtamati Cristo y mintʼamachaqakʼan junita. Yucha va tacha skʼincha Dios kun tachun ixtapʼasta para apalay kaʼaynʼal milhakapuʼatkʼan y para kʼamaqxtʼaqkʼantʼik tachun yu najun Dios. 13Kitʼin klajunau ni ijkʼatsay ni Epafras va pastakʼuy por uxiknankʼan y por tachun yu talhakapuʼan laka putaulan Laodicea ali laka putaulan Hierapolis. 14Vachuʼ aniy tamastakʼayan Lucas yu doctor junita yu achaniyau y vachuʼ Demas. 15Uxiknankʼan vachu kʼamastʼakʼatʼik yu talhakapuʼan Jesucristo laka putaulan Laodicea. Vachu kʼamastʼakʼatʼik Nimfas y tachun yu talhakapuʼan yu tataqxtoʼa la ixchaqaʼ. 16Tejkan kʼapʼutʼeʼeʼoyapitik ni aniy karta kʼalakmapʼasanitʼik yu talhakapuʼan laka putaulan Laodicea para chuncha vachuʼ kataputeʼel. Vachu kʼapʼutʼeʼetʼik ni karta yu ancha talhitʼaunachal. 17Kaʼunapitik ni Arkipo para ox kamakaʼol ni lhitapatsa yu xtaqnil ni Jalhachimoʼonuʼ Jesucristo. 18Kitʼin kPablo klamastakʼaʼoyau. Aniy klatsʼoqniyau kintaqaʼuti kun la kimakaʼ. Kapʼastʼaktʼik ni kitʼin va ktachʼin kunita. Katamapaynin ni Dios. Chuncha kavalcha.

will be added

X\