1 PEDRO 4

1Ni Cristo maqanlqajnal la ixlakatunaj por kijnan. Ex xlhiyucha vachu va chuncha kaval mijatapastakʼatkʼan tacha yucha. Qayntaun lapanaki yu maqanlqajnantacha la ixlakatunaj jantucha maqtaqalhininputun. 2Chuncha jantucha kʼamakʼatʼik axtoqnuʼ tacha yu tamakaputun yu valiʼiy lapanakni. Va kʼamakʼapʼutʼuntʼik yu lhinajun Dios. 3Chavaycha tapasatacha ni julchan tejkan ixmakʼayatʼik yu tamaqamay yu jantu talhakapuʼan. Ixmakʼayatʼik yu ixmakʼapʼutʼunatʼik la milakatunajkʼan. Ayaj ixmaqtʼaʼalhinanatʼik, ixtʼaʼapʼayatʼik. Ixpʼinatʼik kʼataninin taʼan va taxtuj ixlayatʼik, ixtʼaqxtʼoʼatʼik taʼan la ox ixtʼaʼapʼayatʼik. Ixtʼoʼoyayatʼik antivas yu jantu tsʼuniy ox kataval. 4Chavaycha jantucha laktʼaʼuxapʼinatʼik yu jantu talhakapuʼan taʼan ayaj tamakay axtoqnuʼ yu jantu ox. Xlhiyucha tus vak tamaqatsʼanqayan, va talaktuʼuyan. 5Pero yuʼuncha kataxtaqyaʼ kuentas kun Dios. Yucha va listujcha para kalakmukʼanil ixlaqtaqalkʼan ni lapanakni, mas yu takujta o mas yu tanitacha. 6Xlhiyucha ni ox chivinti vachu laqputeʼenikal lapanakni yu chavay tanitacha. Yuʼuncha va ixlakmukʼanikanta laqtaqal por yu ixtamakata la ixlakatunajkʼan. Pero va ixlaqputeʼenikantacha ni ox chivinti para lay katakujchoqol la ixlhitsukunukʼan tacha najun ni Dios. 7Lakamintacha ni julchan tejkan tachun kamiʼoyaʼ. Xlhiyucha ox kʼalakpʼastʼaknantʼik, va katsʼukʼutʼikcha skʼinin Dios. 8Yu apalay maqskʼiniy va ox kʼalapʼaxkʼatʼik. Yu japaxkanti pumalaqmixikan lhuvaj talaqalhin. 9Ox kʼalalaʼaʼitʼik la minchaqakʼan kun achati, jantu katʼalʼauntʼik. 10Ni uxiknankʼan por qayntamin xtʼaqnikʼantʼik tapʼasta para pulhuu lhitapatsa yu lay pʼutʼapʼatsʼaniyatʼik ni Dios. Ex chuncha ox kʼalapʼuʼaqtʼayʼuchʼoʼotʼik. 11Chavay incha matichun xtaqnikanta para lay ox kachivinil, ex yucha maqskʼiniy kalaqputeʼel yu najun Dios. Incha matichun xtaqnikanta para lay ox kaʼaqtayjunul, yucha maqskʼiniy kaʼaqtayjunul kun ixtapʼasta Dios. Chuncha tachun yu makʼayatʼik va por yucha la ay kamakakal ni Dios la metsukuntikʼan por chʼantaun untʼatʼik kun Jesucristo. Vamun yuʼ paxtoqniy ay kamakakal, yucha lhitʼajun tachun tapʼasta mas va tavanancha kaval, jantu aqtaun katamaktayaʼ. Va chuncha kavalcha. 12Uxiknan yu klapaxkayau, jantu vak kakʼatsʼantʼik por yu maqanlqajnati yu lhitʼapʼasayatʼik, mas kaval tacha jikmi. Va chuncha tapaxtoqniyan. 13Va kʼalhiʼachʼantʼaʼutʼik ni tʼamaʼanlʼajnanatʼik ni Cristo. Ex chuncha kʼalhitsʼukʼuyapitik lhuu achati tejkan kaminchoqoyaʼ y katasuyaʼ ixʼayaxtu. 14Tejkan talhilaktuʼuyan ni lapanakni por lhakʼapʼupʼinatʼik ni Cristo va kʼalhiʼachʼantʼaʼutʼik. IxʼEspíritu ni Dios kun chux ixʼayaxtu va alintacha kun uxiknan. [Yuʼuncha talaktuʼuy Dios pero uxiknan la ay makʼayatʼik.] 15Incha majkʼatsʼayatʼik ex jantu kaval por kamaqninintʼik, kaʼalhavanantʼik, kʼalaktʼuʼununtʼik, o kʼatʼapʼaknutʼik taʼan jantu tapaxtoqniyan. 16Incha majkʼatsʼayatʼik por mispʼakʼanatʼik tacha ixlapanakni Cristo, ex jantu kʼalhimaxanantʼik. Va ay kʼamakʼatʼik ni Dios por mispʼakʼanatʼik tacha ixlapanakni Cristo. 17Va chilcha ni julchan tejkan Dios kintamukʼaniyan maqanlqajnati para kaqasmaknau. Ex incha chuncha kintaxtaqniyan ni kijnan yu lhakapuʼanau, ¿tas kunacha para lapanakni yu jantu taqalasmatʼa yu ox ixchivinti Dios? 18Ayaj lhitaʼay talaqtaxtuy mas ni lapanakni yu ox tatoʼoyay Dios. ¿Ex tas katapasayacha yu jantu tatoʼoyay ali yu tamaqtaqalhinin? 19Ex chuncha incha Dios najun ni kamajkʼatsau, ex katamaqxtaqniu la ixtamakaʼ ni Dios yu kintamakan, yucha lay kʼalhakʼapʼupʼinin. Maqskʼiniy kataylhaʼau makanan yu lajʼoxi.

will be added

X\