1 Isaka funɛ lul nibaala nara banaasiwa. Ba sɔna funɛ ya Tola, Puwa, Jasuf awa Simrɔn. 2 Tola ka fun lul nibaala nara banɔra. Ba sɔna funɛ ya Uzi, Refaya, Jɛriɛl, Jamai, Ibsam awa Samuɛl. Baa waa funɛ ya Tola zɔɔnɔ walɛ ta nyuu tima kaa vɛɛn ya lanjimasa banawara kpak sɔn. Kankoor Devid saha ti, ba niisisa funɛ iiu a tel nara tusuk fumlɛ daalɛ awa kɔksa anɔra. 3 Uzi nibaal funɛ ya ki bɛgimnɛ baa yir Israhia. O ka fun si lul nibaala nara banaasi, ba sɔna fun ya Mikɛl, Obadaya, Jowɛl awa Isia. Israhia wa o bisa nara banaasi ta maga funɛ ya lul nihɛɛtiwa. 4 Ba funɛ kpak haanasa awa bisi kinkannɛ, chendaha ba funɛ kpa nara tusuk fumtora daanɔra a du lanjima tum ni. 5 Isaka walɛ banawara funɛ nyɛn lanjima tum ni chen maga funɛ lagmi ba funɛ ya nara tusuk fumŋmɛnaasa daanɔpɛwa. 6 Bɛnjaman nibabichɛsa funɛ ya Bɛla, Bɛka awa Jɛdaɛl. 7 Bɛla fun lul nibaala nara banyuun, ba sɔna funɛ ya Ɛzbɔn, Uzi, Uziɛl, Jɛrimɔf awa Iri. Ba maga funɛ ya ba zɔɔnɔ ti nihɛɛtiwa kaa fun vɛɛn ya lanjimasa banawara sɔna zene kinkan. Ba mun nibinsa banawara funɛ mag lanjima tum buksi funɛ ya nara tusuk fumlɛ daalɛ awa fumtora daanaasiwa. 8 Bɛka ka fun lul nibaala digto. Ba sɔna funɛ ya Zɛmira, Jowas, Ɛleeza, Ɛlinai, Ɔmri, Jɛrɛmɔf, Abija, Anatɔf awa Alɛmɛf. 9 Mu mun ti nibabichɛsa banawara ba fun sɔbi ba mag lanjimasi tuma funɛ ya nara tusuk fumlɛ awa kɔksa alɛɛwa. 10 Jɛdiaɛl be nibaal funɛ ya ki bɛgimnɛ baa yir Bilhan. Bilhan nibabichɛsa ka fun ya nara banɔpɛ. Ba sɔna funɛ ya Jɛwus, Bɛnjaman, Ɛhud, Kɛnaana, Zɛtan, Taasis awa Ahisaha. 11 Ba maga funɛ ya lul nihɛɛtiwa ali ba zɔɔnɔ ti ni kaa vɛɛn ya lanjimasa banawara kpak sɔn. Ba niisisa nibaala funɛ tel nara tusuk fidaanɔpɛ awa kɔksa alɛu a mag lanjima zuuli. 12 Ir niisisa funɛ ya Suf tima awa Hup tim ta. Dan waa funɛ lul nibabichɛl bɛgimnɛ baa yir un Husim. 13 Naftali nibabichɛsa funɛ ya nara banaasiwa, ba sɔna funɛ ya Guni, Jɛsa, Jaziɛl awa Silɛm. 14 Manasɛ funɛ kpak Aram tim bere a ya samna o wa un fun lul nibaala nara balɛ. Ba sɔna funɛ ya Asriɛl awa Maki. Maki ka fun lul Giliad. 15 Maki fun dɛu haanasa a nyɛ Hup tima awa Sup tima ni. Makir towe sɔn funɛ ya Maaka. O nibabichɛl naa laa sak bulɛ tiin chen sɔn funɛ ya Zɛlɔfɛhad. Nihabichɛl funɛ ya ki bɛgimnɛ. 16 Maaka naa ya Makir haan chen fun lul nibaala nara balɛ ba du ba sɔna Pɛrɛs awa Sɛrɛs. Pɛrɛs ka fun lul nibaala nara balɛ baa yir Ulam awa Rakem. 17 Ulam ka fun lul nibaal baa yir un Bɛdan. Giliad naa funɛ ya Makir be kaa ya Manasɛ niha chen niisisa funɛ nɛɛnɛ. 18 Giliad towe Hamɔlesɛf funɛ lul nibaala nara batorwa baa yir Isdɔd, Abiɛza awa Mala. 19 Sɛmida ka fun lul nibabichɛsa banaasi. Ba sɔna funɛ yaa Ahiam, Sɛkɛm, Liki awa Anɛm. 20 Ifrɛɛm niisisa funɛ nɛɛnɛ ali ba saara ni, Sutɛla, Bɛrɛd, Tahaf, Ɛleeda. 21 Ifrɛɛm funɛ kpak nibaala nara balɛɛwa a gbaari Sutɛla ni. Ba sɔna funɛ ya Ɛza awa Ɛliad banawara ba fun kpu ali saha naa ba funɛ duŋni Gaf tim nuhɛ chen. 22 Ba nyana Ifrɛɛm funɛ wi ba lu dama niu wuzu damata ka o niinbisa yaa fun waa sɔɔni o bambi. 23 Doonee o wa o haan fun bu chɔ o kpak lo a lul nibabichɛla. Ba fun du o sɔn Bɛria aku wumukse naa funɛ tu ba ni chen. 24 Ifrɛɛm fun lul nibabichɛla a du o sɔn Sɛɛra. Waa funɛ sa tɔsa anawara nyɛn Bɛf-Horɔn mun awa nyuha ni chen awa Uzen-Sɛɛra. 25 Ifrɛɛm fun bu lul nibaal a du o sɔn Rɛfa. O niisisa funɛ ya Rɛsɛf, Tɛla, Taham, 26 Ladan, Amihud, Ɛlisama, 27 Nan awa Jɔsuwa. 28 Tɔsa naa ba fun nyɛn chen funɛ ya Bɛtɛl awa tɔsa anawara go un chen a la tel tɔha naa nyɛn nha bar yɛli lug ni baa yir Naaran chen hali aa la Gɛza nha bar cheli lug ti awa tɔsa anawara go un chen ni. Tɔsa anawara funɛ gbaari chen funɛ ya Sɛkɛm awa Aya awa tɔsa anawara go a chen ni. 29 Manasɛ niisisi ta funɛ nyɛn tɔsa anawara baa yir Bɛf-San, Taanak, Mɛgido awa Dor awa tɔsa anawara go a chen ni. Chen tɔsi taa nɛɛ Josɛf niisisi ta fun nyɛn. 30 Asa niisisa funɛ nɛɛnɛ, o funɛ lul nibaala nara banaasiwa. Ba sɔna funɛ ya Imna, Isva, Isvi, Bɛria awa nihabichɛl bɛgim baa yir Sɛra. 31 Bɛria ka fun lul nibaala nara balɛ, ba sɔna funɛ ya Hɛba awa Malkiɛl. Malkiɛl funɛ baŋ tɔha naa baa yir Birsef chen. 32 Hɛba ka fun lul nibabichɛsa nara batora baa yir Jaflɛt, Soma awa Hotam awa nihabichɛl bɛgim baa yir Suwa. 33 Jaflɛt ka fun lul nibaala nara batora ba yir Pasak, Bimhal awa Asvaf. 34 O niinbe Soma ka fun lul nibaal nara batora. Ba sɔna funɛ ya Ahi, Roga, Jɛhuba awa Aram. 35 O niinbe Helem ka fun lul nibaala nara banaasi. Ba sɔna funɛ ya Zofa, Imna, Sɛlɛs awa Amal. 36 Zofa niisisa funɛ ya Suwa, Hanɛfa, Suwal, Bɛri, Imra, 37 Bɛza, Hɔd, Sama, Silsa, Itran awa Bɛɛra. 38 Jɛta niisisa funɛ ya Jɛfunɛ, Pispa awa Ara. 39 Ula niisisa ka funɛ ya Ara, Haniɛl awa Rizia. 40 Nan nibinsi naa maga nawaal funɛ ya Asa. Ba funɛ ya ba zɔɔnɔ nihɛɛtiwa kaa vɛɛn ya laal ni cheme kinkan. Asa niisisa nibaala banawara funɛ mag lanjima zuuli chen funɛ ya nara tusuk fumlɛ daanɔrwa.
