TITO 2

1Uwe hevbudza esi si longolokago ni sihevbudzo nya lisine. 2Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela. 3Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi, 4gasi vanyamayi nya vaphya va kodze gu dzi vegisa, va haladza vama vawe ni sanana sawe; 5va kodze gu dzi phara ni gu dzi sayisa, va yingela vama vawe, gasi vathu va si ganeli guvivba khu Mahungu ya Nungungulu. 6Laya madzaha ma dzi vegisa nayo. 7Uwe nuwe gu vbwetega u khale giwonelo nya mithumo nya yadi ga satshavbo; guhevbudzani yeyedza lisine, u yeyedza gululama khu mavbanyelo yago. 8Ganela silo nya lisine, gasi a si manegi muthu nya gu gu kawuke, vafela gu khala dzitshoni valala vathu khu gu hamuga gilo nya guganele khu mahungu yathu. 9Dzikhumbi dzi na ninge githawo ga vafumeli vawe, dzi gire silo nya sadi nya gu va tsakise, dzi si phikizani navo, 10ambari gu va bela. Aholu, dzi na yeyedze gu khidzo dzi tumbegide ga satshavbo dzi girago, gasi gu rungudzwa sihevbudzo hi hakhidego khu ga Nungungulu, Muvbanyisi wathu. 11Kholu, Nungungulu a hi tulede guti wuhigo waye, afela gu vbanyisa vathu vatshavbo. 12Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu. 13Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo. 14Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi. 15Hevbudza silo sesi satshavbo, u laya ni gu kawuka khu tshivba yatshavbo u ningidwego U nga dzumeli ni moyo a gu yeyisa.

will be added

X\