GUTULEDWA 8

1Gikhati Nvutana yi nga namulago gifungo nya livbandre na sivili, gu di gira tsadego ndzadzini gipimo nya gyadi. 2Khavbo avbo, nyi di wona dzingilozi dzile nya livbandre na dzivili dzi guromo mbeli ga Nungungulu, na dzi gu ningwa livbandre na mivili mipundru. 3Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va gi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu. 4Wutshi nya libani wu di gwela khu mandzani nya girumwa gumogo ni milombelo nya sihathwa wu hongola ga Nungungulu. 5Khavbo avbo, girumwa gi di dzega gifugwana nya libani, gi tadza khu magala nya nilo wa vbagiluvelotunu, gi rinya tigoni. Gu khugela avbovbo, gu di dzuma mabara, gu lasa, bwelo khavbo gu manega girevareva. 6Dzingilozi dzile nya livbandre na dzivili dzi di dzi dongisela gasi gu womba mipundru dzi nga bani dzi pharile mandzani. 7Yi di womba ngilozi nya guphele. Khavbo avbo, gu di thega maralala ni nilo tigoni, na si patidwe ni novba. Gu divbya gipandre nya wuraru nya litigo ni misimbo yakone, mwasi watshavbo nya guvbanye wu di tsagamiswa khu luvbya. 8Yi di womba ngilozi nya wuvili. Gilogyo nya gufane ni gigomo nya gikhongolo nya gungangamele nga nilo gi di rinywa linene. Khavbo avbo, gipandre nya wuraru nya yiphwa yi di vbindrugedza yi gu khala novba. 9Gipandre nya wuraru nya sivangwa si vbanyago phwani si difa ni gipandre nya wuraru nya dzingalava dzi di mbemba. 10Ngilozi nya wuraru yi di womba niyo pundru waye, nyeledzi nya yikhongolo yi di thega khu ndzadzini, na yi gu dzura kha nga mwenge. Yi thegede gipandre nya wuraru nya mitsongo ni sifefe nya mati. 11Nyeledzi yoyo ya gu ranwa gupwani khiyo "Guvava." Gipandre nya wuraru nya mati ma di vbindrugedza ma gu vava. Vathu nya vangi va fude khu kotani nya mati, ma nga vbindrugedza ma gu vava. 12Girumwa nya wuna gi di womba pundru, khavbo avbo, gipandre nya wuraru nya lidambo nigyo nya ngima ni dzinyeledzi si di thapedwa niso; si gu tshimega. Gipandre nya wuraru nya mihani nigyo nya wutshigu si di khala gidemani. 13Nyi di wona ngilozi na yi gu vbuvba ndzadzini, nyi yipwa na yi gu huwelela khu tshivba, khiyo: "Wowe, wowe! Libango la vale va vbanyago mafuni, gikhati gu na pwalago gudzuma nya mipundru nya dzingilozi dza dztharu dzi nga tshadego gu guwomba."


Copyright
Learn More

will be added

X\