GUTULEDWA 12

1Gi di tumbuluga giwoniso nya gikhongolo ndzadzini: Nyamayi na ambade lidambo, na gandrile ngima vbavbatshi nya migondro yaye. Hungoni gwaye adiri ni gihugu nya gulugwe khu likhumi na dzimbili dzinyeledzi. 2Nyamayi yoyu a di sigide, a di gu dilela khu gu lumwa, nari vbafuvbi nya guhadza gu hefemula. 3Khavbo avbo, gi di tumbuluga gimbe giwonegiso ndzadzini: mwamilambo nya khongolo ngudzu, nya gungangamele nga nilo, a gu ni livbandre na mivili mihungo, ni likhumi dzikheho, ni livbandre na sivili sihugu nya wufumu mihungoni yatshavbo nya livbandre na mivili. 4Ngila waye wu di vbiyela gipandre nya wuraru nya dzinyeledzi dza ndzadzini, wu gu dzi rinya mafuni. Mwamilambo a dita ema mbeli ga nyamayi a nga bani a gu saniseka khu gulumwa, gasi gu mu hodzela gyanana, avbo a hefemulago. 5Nyamayi a di hefemula gyanana nya gikhwathana igyo gi na gu fumago mayigo yatshavbo khu ndronga nya gikete. Aholu, gyanana gi di khusedzwa gi gu yiswa vbafuvbi ga Nungungulu vbagikhalotunu gwaye nya wufumu. 6Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi mazana ni mazana mavili ni livbandre na limwedo magumi (1260) matshigu. 7Khavbo li nga wuga litunga ndzadzini. Migeli ni dzingilozi dzaye a di dwana ni mwamilambo, a nuye mwamilambo a di tsarama a dwana gumogo ni dzingilozi dzaye. 8Ambari ulo mwamilambo ni dzingilozi dzaye kha va dugelela. Va di padwa, va gu tutumiswa, wu futwa wulanga wawe ndzadzini. 9Khidzo a nga tshipiswa khidzo mwamilambo, mamba nya guhegule, yi ranwago pwani khiyo dhemoni, mwendro Sathane, mupembi nya litigo latshavbo. Rinyidwe mafuni gumogo ni dzingilozi dzaye. 10Khu hwane nya iso nyi dipwa lito nya gute khu ndzadzini li huwelela khu tshivba khilo: "Gi vbohile gikhati nya guvbanyiswe, nya tshivba ni Wufumu wa Nungungulu wathu ni Mufumu wa Kristo waye. Kholu va mupade muthuledzi wa vandriyathu, uye a nga bani a gu va poyila wutshigu ni mihani mbeli ga Nungungulu wathu. 11Vandriyathu va mu pade khu tshivba nya novba wa Nvutana ni wufakazi wawe nya gu timisele; kholu kha va felela guvbanya gwawe, kala va gu dzumela gufa. 12Khu guralo nengelani mu tsaka, ndzadzini, enu mwatshavbo mu vbanyago umo. Aholu libango lomo ino gwanu enu mu vbanyago tigoni ni linene, kholu Sathane tshigide vbakari gwanu na tade khu likhulo nya likhongolo ngudzu, kholu a dzitigo nya gukhuye gikhati gyaye gidugwana ngudzu." 13Gikhati mwamilambo a nga dzipwa na dzudzugidwe vbavbatshi mafuni, a di pheledza gu tutumisa nyamayi wule a nga velega gyanana nya gikhwathana. 14Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu sayiswa avbo gipimo nya myaga miraru ni gipandre nari hwindzo ni hwindzo ni mwamilambo. 15Nyoga yi di gamba khu kanani talo nya mati nga tsongo, gasi gu langaladza nyamayi, ma gu mu ndrindra khu mwedzi. 16Ambari ulo, litigo li di emela nyamayi. Li di hama likana laye li gu midza tsongo wu nga gambwa khu mwamilambo. 17Na tandregide, mwamilambo a di tala khu likhulo aya wugela sivelegwa sa nyamayi, a gu vathu vatshavbo vale va vegisago milayo ya Nungungulu, va landrisago wufakazi wa Jesu. 18Mwamilambo a di ya tsarama khu funguni wa phwani.


Copyright
Learn More

will be added

X\