FILEMONI 1

1Eni Pawulo, gibotshwa gya KristoJesu, gumogo ni ndriyanthu Thimoti, hi ngu lovela Filemoni, gigodwa ni muphasedzeli wathu, 2ni ndriyathu Apiya, ni Arkipo, githumi gikwathu ni libandla li tshanganago ndrangani gwaye: 3Wuhigo ni gurula mu na ningwe khu Nungungulu Babe wathu ni Pfhumu Jesu Kristo. 4Kha nyi garali khu gu bonga Nungungulu, na nyi gu gu alakanya gikhati gyatshavbo milombeloni gwangu, 5Kholu, nyi pwide mahungu nya gukhodwe ni lihaladzo u gu nalo ga Pfhumu Jesu Kristo ni ga sihathwa satshavbo. 6Gukhodwa u hengelago gumogo ni ethu, gu na ninge mihandro, kala uti silo satshavbo nya sadi esi Jesu Kristo a girago vbakari gwathu. 7Nyi nengede ngudzu nyi salala khu kota nya lihaladzo lago, kholu myonyo nya sihathwa yi rude khu kotani yago, wandruye. 8Khu guralo, ambari nyi gu ni fanelo khu ga Jesu Kristo, nya gu gu rume esi u yelago gu gira, 9khu lihaladzo nyi ngu gu lomba, eni Pawulo, nyi gu wa kharati, nyi gumbidego, olu nyi khadego gambe gibotshwa gya Jesu Kristo. 10Nyi ngu gu lomba khu gyanana gyangu Onesimo, nyi gi velegedego pasoni. 11Uye gale a di si phasi gilo ga uwe, olu a na ni giphaso ngudzu ga uwe ni ga eni. 12Nyi mu rumede nya luphye gwago, uwe mu hakhe gambe kha nga gyanana gya ndrani gwangu. 13Nyi di dzinide gu khala naye gasi gu nyi thumela a tshikedza wulanga wago pasoni momu nyi guromo khu kotani nya Ivhangeli. 14Aholu, kha nya gola gu gira gilo nyamba hegula khu gu dzumedziswa khu uwe, gasi wuhindzi wago wu si khali wa gu gurumedzwa, aholu wu khale nya gudzine gwago. 15A gu dzina saye a di hambana nago gikhati gidugwanana, gasi ufele gu mu mana u khala naye gikhati gyatshavbo. 16Nasiri gambe gu mu gira kha nga khumbi, aholu mu hakhe kha nga ndriyago nyi mu golago ngudzu eni, aholu ngudzu ngudzu uwe, a gu ndriyago khu wuthu ni ga Pfhumu. 17Khu guralo, wa gu nyi wona nga pari yago, mu hakhe nga khwatshi kheni. 18A gu bani na gu ghohede mwendro mangava, si vege tengoni gwangu. 19Eni Pawulo, khu gyandza gyangu nyi ngu lova gu kheni nyi na livba satshavbo. Kha nyi ganeli gu kheni u na ni nandru gwangu, nandru wakone khuwe wurumba wago. 20Khidzo, wandruye, nyi di gu gola gu kheni u nyi tangadzise linani ga Pfhumu. Tangadzisa monyo wangu ga Pfhumu. 21Nya gu gu lovela esi khu gu tumba gu nyi yingela gwago; nyi ngu dziti gu kheni u na gira guvbindra esi nyi lovidego. 22Nyi dongisele gambe wulanga nya guta khala, kholu nyi ngu tumba gu kheni khu tshivba nya milombelo yanu nyi na tshudwa, nyi wuya gambe gwanu. 23Epafrasi nyi gu naye pasoni momu, khu kotani ya Kristo, a ngu gu losedzela, gumogo ni 24Marko, Aristarko, Dhemasi, ni Luka, vaphasedzeli vangu. 25Wuhigo wa Pfhumu yathu Jesu Kristo wu na khale ni uwe.

will be added

X\