VAHEBERU 2

1Khu kharato, hi na thele kota ngudzu khu lisine hi li pwidego, gasi hi si ndreyi ga ilo. 2Gutadzisegile gupwani mahungu hi tivisidwego khu sirumwa sa Nungungulu makhongolo ngudzu; ava va nga mba ma landrela ni gumba ma yingela va hakhide tsayiso yawe. 3Ahi ethu, hi na vbulugisa guwani, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, va ta hi tivisa ethu gu khavo lisine. 4Nungungulu tadziside wufakazi wawe khu gu gira siwoniso ni siliwugiso, yeyedzile tshivba yaye, a kabanisela siningwa nya Liphuvbo nya gu Age, khu magirelo nya guhambanelane, kha nga guhaladza gwaye. 5Nungungulu kha ninga sirumwa saye tshivba nya gufumele litigo li nga gutago, eli hi ganelago khilo. 6Aholu, womo wulanga Milowo nya gu Age yi ganelago khiyo: "Oh, Nungungulu, ginani muthu nya gukala u mu alakanya uwe? Ginani muthu nya mafu, gukala u dzi garadza khu uye? 7U mu giride, u mu vega vbavbatshi nya sirumwa sago gikhati gidugwanana, 8u mu khusedzile u gu mu ninga gidhumo ni tshivba nya gufumele silo satshavbo." A gu pwani Nungungulu a mu ningile "Tshivba nya gufumele silo satshavbo" gu yeyedza gu pwani gimwalo ni gimwegyo gi si fumedwigo khu uye. Aholu ethu hi si gu woni gu khethu khu lisine muthu a ngu fumela silo satshavbo. 9Aholu ga Kristo, hi ngu wona muthu a nga vegwa gikhati gidugwanana vbavbatshi nya sirumwa sa Nungungulu, olu a khusedzidwego a gu ningwa gungangamela ni gidhumo, khu gufa a gu manego. Nungungulu, khu wuhindzi waye, dzinide guvbindrugedza gufa ga Jesu a gu gira guvbanya nya vathu. 10Khu lisine, a diri fanelo ya Nungungulu, Pfhumu ni Muvangi nya silo satshavbo, gu gira Jesu a khala muthu nya guvbelele khu sitshaniso, ni gu yisa wudhumoni sanana saye nya singi, kholu Jesu khuye a si yisago guvbanyani. 11Jesu a agisago vathu sighoho sawe, ni ava va agisidwego vatshavbo Babe khuye wa moyo. Khidzo kharato, Jesu a si khaligo dzitshoni gu va rana khuye vandriyaye. 12Uye a ngu ganela khuye: "Oh, Nungungulu, nyi na pwadza lina lago ga vandriyangu nyi na embelela wudhumo wago vbakari nya tshangano." 13A ngu ganela gambe khuye: "Ga Nungungulu nyi na vega gutumba gwangu gwatshavbo." A engedza gambe khuye: "Kheni oyu ni sanana Nungungulu a nyi ningidego." 14Sanana a si thulago khu vathu nya givili ni novba. Jesu a dzi girile idzo saye ni avo afela gu pala, khu gufa gwaye, Sathane a nga bani ari ni tshivba nya gusonge. 15Kharato, tshude vale va nga vbanya nga dzikhumbi gikhati gyatshavbo nya guvbanye gwawe, khu gu thava gufa. 16Uye kha tela guta phasedzela sirumwa sa Nungungulu, aholu, guta phasedzela situgulwana sa Abrahama. 17A di fanela gu khala idzo saye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi si gu tsetseledwa sighoho nya vathu. 18Olu, uye a ngu dzi kodza gu phasedzela ava va lingwago, kholu uye nuye lingidwe a gu mana gusaniseka.


Copyright
Learn More

will be added

X\