VAHEBERU 1

1Gale Nungungulu ganede dzinyondro nya dzingi ga vakokwe vathu khu maganelelo nya guhambanelane khu magana ya vaprofeti. 2Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo, a gu mu ninga tshivba nya gufumele silo satshavbo. 3Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya tshivba yatshavbo. 4Mwamana khongolo guvbindra sirumwa sa Nungungulu. Khavbo avbo, Nungungulu a mu ningide lina nya likhongolo guvbindra yawe. 5Khu lisine, gimwalo girumwa ni gimwegyo Nungungulu a gi embedego khuye: "Uwe u gyanana gyangu,muhuno nyi gu velegide." Gambe Nungungulu gima kha ganela ga girumwa khuye: "Eni nyi na khala Babe wago,uwe u gu khala gyanana gyangu." 6Gikhati Nungungulu a nga rumelago Mwamana waye wa moyo, a di ganela gambe khuye: "Sirumwa satshavbo sa Nungungulu si na mu khozele". 7Nungungulu, na gu thula sirumwa saye a di ganela khuye: "Nungungulu a gu rumela sirumwa saye kha nga maphuvbo,ni sithumi saye kha nga malavbelavbe nya nilo." 8Aholu, na gu thula Mwamana, a di khuye: "Uwe u Nungungulu, mufumu wago wu na simama kala gupindruga.U ngu fumela litigo lago khu gululama. 9U ngu gola gululama u nyenya guvivba.Khu guralo, Pfhumu Nungungulu wago,a gu todzile khu mafura nya gunengele,a gu khusedza vbatshani nya dzipari dzago." 10A engedza gambe khuye: "Uwe Pfhumu, guphela u di vanga litigo, dzindzadzi, 11aholu sigiro nya mandza yago satshavbo si na vbela,gasi uwe u na simama kala gupindruga;si na kuwuluga kha nga guambala. 12U na si fumba kha nga gifenengelo,u si vbindrugedza kha nga guambala; aholu, uwe u na simama gu khala idzo saye,gima khu na nga gumba." 13Nungungulu gima a si gu ganeli ga girumwa gu khuye: "Khala khu nyamudye gwangu kala nyi gu vega valala vago vbavbatshi nya migondro yago." 14Gasi sirumwa sa Nungungulu ginani? Maphuvbo basi ma thumelago Nungungulu. Sa gu rumwa guya phasedzela vale va hakhago guvbanyiswa.

will be added

X\