VAGALATIYA 6

1Vandriyangu, mwa gu wonani gu khenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a gu wuya ndzilani nya lisine. Aholu girani isoso khu gu dzi vega vbavbatshi, mu gu dzi wonela gasi mu si lingwi nenu. 2Phasedzanani khu gyanu, mu na tadzisa kharato nayo wa Kristo. 3Kholu muthu a gu dzi alakanya gu khuye gilo, nasiri gilo, a ngu dzi pfhadza abune. 4Muthu ni muthu a na phele khu guwona mithumo yaye. Ya gu manega yiri yadi a na ni fanelo nya gu dzi zundze khu mithumo yaye nya yadi, aholu a nga dzi pimanisi khu mithumo ya vakwawe, 5kholu, muthu ni muthu gu vbweta a rwale abune rwalo waye. 6Oyu a hevbulago guti Ivhangeli ya Kristo a na kabana siningwa saye nya sadi ni oyu a hevbudzwago khuye. 7Mu nga dzi pfhadzini sanu; kholu Nungungulu khandri wa gu hagana khuye. Muthu ni muthu a na vbwera esi a nga yalago. 8Oyu a yalago gudogorela nya tumbunuko nya wuthu, khu nayo nya tumbunuko a na vbwera guhina. Gasi oyu a yalago mithumo nya Liphuvbo la Nungungulu, a na vbwera guvbanya nya gupindruge. 9Hi nga garali khu gu gira esi nya sadi. Kholu, ha gumba rereka, hi na vbwera khu gikhati gyakone. 10Khu kharato, olu hi ngarigo ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani. 11Wonani gugula nya dziletra nyi mi lovelago khu gyandza gyangu. 12Ava va vbwetago gu dzi khusedza khu tumbunuko nya wuthu, khavo va mi gurumedzago guhana wugwera. Va gu gira isoso khu gu thava gu saniswa khu kotani nya gihambano gya Kristo. 13Kholu ambari ava va nya guhana wugwera, kha va wu landri nayo. Va gu vbweta khavo mu hane wugwera vafela basi gu dzi gugumugisa khu gu vega gifungo milini gwanu. 14Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano litigo li fude ga eni, kha nga aneni nyi fudego ga litigo. 15Kholu guhana ni gumba hana wugwera kha si phasi gilo; aholu, egi gi phasago basi khu gu vbindrugedza mavbanyelo, hi khala vathu vaphya. 16Gurula ni wuhindzi gu na khale ga enu mwatshavbo mu landrisago mavbanyelo yaya, gumogo ni libandla latshavbo la Nungungulu. 17Gukhugela olu, kha nyi vbweti gu garadzwa khu muthu, kholu, givilini gwangu nyi na ni sivanga si yeyedzago gupwani nyi githumi gya Jesu. 18Vandriyangu, wuhigo wa Pfhumu Yathu Jesu Kristo wu na khale ga enu mwatshavbo. Amen.

will be added

X\