2 VATESALONIKA 2

1Khu mahungu nya guwuye ga Pfhumu yathu Jesu Kristo, ata manana ni ethu, 2hi ngu mi lombani, vandruye, mu nga kanganyisegi, mu nga vbeli mapimo va gu mi embelani khavo, litshigu la Pfhumu li vbohile. Ambari a gumanega muthu a ganela ni gu hevbudza khu lina la Nungungulu a tiyisa khuye isoso si lovidwe vbalidangalilatunu gwangu, 3mu nga dzumelini gukanganyiswa khisoso. Litshigu lolo kha li na ngata gu si gu manegi guwugela nya guhegise; a na dugelela muwugeli, oyu a dongisedwego gumbemba. 4Khuye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni nyumba ya Nungungulu, a dzi gira uye nungungulu. 5Kha mu dundrugi gu khenu nyi mi embedeni silo sesi gikhati nyi nga bani nyiri iyo gwanu, gani? 6Gambe mu ngu dziti nya gukhenu gyomo gilo gi himbedzago gumba girega isoso olu. Kholu muwugeli a na dzi yeyedza khu gikhati gyaye. 7Khu guralo dzitshivba nya sihalo nya guvivbe dzi ngu thuma. Gasi satshavbo si girege, gu vbwetega a mbemba oyu a himbedzago. 8Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye. 9Muwugeli a nata na tade khu tshivba ya Sathane, a na yeyedza tshivba nya yikhongolo khu siliwugiso ni sigiro nya malipha. 10A na thumisa guvbanya gwatshavbo nya guvivbe, gasi gu kanganyisa ava va dzimedego, va nga mba dzumela gu hakha lisine li nga vbweta gu va vbanyisa. 11Khu guralo, Pfhumu a di va diga va fumwa khu tshivba nya gukanganyise, eyi yi va yisago gukhodwani nya malipha. 12Va na lamudwa kharalo vale va si khodwigo lisine, va gola gu gira guvivba. 13Khu kotani gwanu, hi ngu bonga Nungungulu gikhati gyatshavbo, vandruye, sigodwa sa Pfhumu, kholu a di mi hathani mu khala va nya guhegula gu hakha guvbanyiswa ni gu dzumela lisine khu tshivba nya Liphuvbo. 14Khidzo Nungungulu a mi ranedego idzo, khu Mahungu nya Yadi hi nga tshumayela, mu ya hengela wudhumoni wa Pfhumu yathu Jesu Kristo. 15Khu kharato, vandruye, emani mu tiya, mu sayisa sihevbulo nya tumbunuko, esi hi nga mi hevbudzani khu magana, ambari khu malangalila yathu. 16Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu. 17A na tadze myonyo yanu khu gutumba, a mi ningani gu simama wuwadini nya mithumo ni guganela gwanu.

will be added

X\