2 JOHANE 1

1Eni lidhota nya Libandla, nyi ngu losa Libandla li hathidwego ni vatshavbo va lumbago ilo. Nyi ngu mi golani khu lisine. Nasiri eni basi, aholu ni vatshavbo vale va li tigo lisine, va ngu mi golani. 2Ethu hi ngu mi golani kholu lisine lomo gwathu, gambe li na simama gwathu kala gupindruga. 3Wuhigo ni wuhindzi ni gurula gwa Nungungulu Babe ni ga Jesu Kristo, Mwamana wa Babe wu na khale ni ethu khu lisine ni lihaladzo. 4Nyi nengede ngudzu khu gu dziti gu kheni simbe sanana sago si ngu vbanya khu ndzila nya lisine nga edzi hi hakhidego khidzo nayo wa Babe. 5Olu, uwe Pfhumugadzi, nyi ngu gu lomba gu kheni hi haladzane khu gyathu. Kha nyi gu loveli nayo nya wuphya, aholu, khuwo wule hi wu hakhidego gukhugela guhegulani. 6Lihaladzo khu guvbanya nu gu yingela milayo ya Nungungulu. Kha nga mu pwidego gukhugela guhegulani, nayo khuye oyu, simamani gu haladzanani khu gyanu. 7Vakanganyisi nya vangi va phalalegide tigoni gwatshavbo, avo va gu hevbudza gu khavo Jesu Kristo gima kha nga dzi gira muthu. Oyu a ganelago kharato, mukanganyisi, nala wa Kristo. 8Dzi woneleni, gasi mu si luzi thumo mu wu giridego, aholu mu hakha tshatshazelo nya guenele. 9Oyu a si emigo ndrani nya gihevbudzo gya Kristo, aholu, a engedzela simbe, mwalo Nungungulu. Aholu, oyu a emago gihevbudzoni momo, khuye a gu ni Babe ni Mwamana. 10Muthu a guta iyo gwanu nyamba resa gihevbudzo gya Kristo, mu nga mu hakhi dzindrangani gwanu, ni gu mu losa mu nga mu losini. 11Kholu, oyu a losago muthu nya guralo, a ngu hengela naye mithumoni gwaye nya guvivbe. 12Nyi na ni silo nya singi nyi vbwetago gu mi embela, aholu, kha nyi dzini guya khu gu lova khu lidangalila, kholu nyi nata iyo gwanu nyita mi holela, nyi nata ganela nanu eni, wurumba wangu, gasi lifela gu tadzisega litsako lathu. 13Ava va lumbago Libandla nya vandruye li hathidwego nilo khu Nungungulu va ngu mi losedzela.

will be added

X\