1 THIMOTI 4

1Aholu Liphuvbo nya gu Age li ngu ganela lisine, li gu khilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane. 2Va na landrisela ava va hevbudzago malipha khavo lisine, ava mapimo yawe ma fudego. 3Va embela vathu gu khavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu. 4Kholu satshavbo esi Nungungulu a nga si vanga khyadi, gimwalo ni gimwegyo gi yelago gu nyenywa. Ha gu si hakha, hi na bonge Nungungulu. 5Kholu sa gu agiswa khu mahungu ya Nungungulu ni milombelo. 6Wa gu hevbudza vandriyathu mahungu yaya u na khala muphasedzeli nya gutumbege wa Jesu Kristo. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego. 7Nyenya mitsheketo nya guvivbe ya vagale, u dzi garadza khu gu vbanya gukhodwani. 8Kholu wa gu olovela guvbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ogu gu natago. 9Mahungu yaya ma tiyile ngudzu, ma ngu yela gu tumbwa. 10Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago. 11Hevbudza ni gu leletela silo sesi. 12Kha gu vbwetegi ni moyo a gu yeyisa khu gu khuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi. 13Simamisa gu hevbulela vakhodwa Milowo nya gu Age, u va tiyisela ni gu va hevbudza kala nyita iyoyo. 14U nga divaledwi khu giningwa u gi hakhidego, egi u nga ningwago khu litshigu lile vaprofeti nya libandla va nga ganela, u gu handzegwa mandza khu madhota. 15Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago. 16Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

will be added

X\