1 JOHANE 5

1Muthu watshavbo a khodwago gu khuye Jesu khuye Mesiya, gyanana gya Nungungulu. Oyu a haladzago babe, a ngu haladza gambe ni sanana sa babe yoyo. 2Ha gu haladza Nungungulu ni gu sayisa milayo yaye, khavbo hi dzitigo gu khethu hi ngu haladza gambe sanana sa Nungungulu. 3Kholu guhaladza Nungungulu khu gusayisa milayo yaye; milayo yaye kha yi garadzi gu yi landrisa, 4Kholu, sanana sa Nungungulu si ngu dzi kodza gupala litigo. Ethu, khu gukhodwa gwathu hi pade litigo. 5Khu mani a yelago gu pala litigo? Khu wule basi a khodwago gu khuye Jesu Kristo Mwamana wa Nungungulu. 6Guta gwa Jesu Kristo gu wonegisidwe khu mati ni novba; nasiri khu mati basi, aholu khu mati ni novba. Liphuvbo nya gu Age li ngu fakaza gu khilo silo sesi lisine, kholu Liphuvbo lisine. 7Dzomo dzifakazi dzitharu: 8Liphuvbo, ni mati, ni novba. Dza dzitharu dzi hungide gumogo. 9Ethu hi ngu dzumela wufakazi nya vathu, aholu, wufakazi wa Nungungulu wu na ni lisima ngudzu. Owu khuwo wufakazi Nungungulu a wu giridego khu mahungu ya Mwamana waye. 10Oyu a khodwago ga Mwamana wa Nungungulu a na ni wufakazi wowu ndrani nya monyo waye. Aholu, oyu a si khodwigo ga Nungungulu a ngu gira Nungungulu nga moyo nya malipha, kholu kha khodwi khu wufakazi wu nga girwa khu Nungungulu a girela Mwamana waye. 11Khu guralo, wufakazi khowu: Nungungulu na hi ningide guvbanya nya gupindruge, a hi ningide guvbanya gogu khu ga Mwamana waye. 12Oyu a gu na ni Mwamana a na ni guvbanya, oyu a gu mwalo Mwamana wa Nungungulu mwalo guvbanya. 13Eni nya gu mi lovelani esi, enu mu khodwago ga Mwamana wa Nungungulu, gasi mu dziti gu khenu mu na ni guvbanya nya gupindruge. 14Ethu hi na ni gutiya mbeli ga Nungungulu, kholu, ha gu lomba gilo maningano ni gudzina gwaye, hi na ni lisine nya gukhethu a ngu hipwa. 15Olu hi dzitigo gu khethu a ngu hipwa ha gu mu lomba, hi ngu dziti gambe gu khethu a ngu hi ninga satshavbo esi hi mu lombago. 16Muthu a gu wona ndriyaye na gu gira gighoho gi si mu yisigo gufani a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo. 17Guvivba gwatshavbo gighoho, aholu, somo sighoho si si yisigo gufani. 18Hi ngu dziti gu khethu sanana sa Nungungulu kha si nga gu simama gughoha kholu Mwamana wa Nungungulu a ngu si vhikela. Sathane kha dzi kodzi gu si khuha. 19Ethu hi ngu dziti gu khethu hi vathu va Nungungulu, ni gu khethu litigo latshavbo lomo vbavbatshi nya tshivba ya Sathane. 20Hi ngu dziti gambe gu khethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge. 21Vanavangu, dzi woneleni ga vanungungulu nya malipha.

will be added

X\