1VAKORINTO 5

1Gu pwade ndruma khu mahungu nya wubhayi wu guromo vbakari gwanu, wubhayi nya guthise wu si tidwigo ambari khu va nya mayigo; gu pwani moyo wanu dzegide mwangadzi wa babe waye. 2Ambari ulo mu tade khu matshandza, wulanga nya gu garadzegeni khu silo soso, mu tutumisa muthu a girago ndzilo nya nga iyoyo. 3Eni ambari nyi gu mwalo vbafuvbi, nyi womo vbakari gwanu khu hefemulo, gambe nyi mu lamude muthu a girago silo soso nya guthise ngudzu. 4Olu girani tshangano enu gumogo ni hefemulo wangu, gasi khu tshivba ya Pfhumu yathu Jesu, 5hi ningele mwama yoyo ga Sathane, gifela gu pfhungunudwa givili gyaye, mwendro saye wu na vbanyiswa hefemulo waye litshigu Pfhumu a natago. 6Gu dzi zundza gwanu khandri gwa gilo. Ina mwa gu hangwa khu gu khenu melana wudugwana wu ngu gugumugisa wuguvbi watshavbo, gani? 7Dzudzugani hwindzo mela wa gale nya gighoho, mufela gu khala vathu vaphya, nya guvbelele khu wuwadi; mu na khala sibaba nyambana mela, kholu Kristo, Nvutana yathu nya Phasika, songidwe. 8Khavbo avbo, hongoleni hi gire buzo yoyu, nasiri khu mela wa gale, nasiri khu mela nya livengo ni guvivba, aholu khu mela nya ndruda ni lisine. 9Nyi mi embede khu lidangalila nyi nga mi lovela gu kheni mu nga thangi wupari ni vathu nya sibhayi. 10Kha nyiri kheni mu hambane ni vathu vatshavbo va gu sibhayi mafuni, mwendro va nya lidiwo, ni dzimbafa, ni va nya guphasela sithombe nya vanungungulu nya malipha; nari guralo mu di hadza gu rura mafuni momu. 11Gasi eni nyi mi lovede gu kheni mu si thangini wupari ni wule a gu khuye mukhodwa ga Kristo nari muthu nya wubhayi, nya lidiwo, nya guphasele vanungungulu nya malipha nya guvale, ni guleva ni guba. Vathu nya nga avo mu nga hodzelani navo, ambari gu khala navo meza mweyo. 12Kha si lumbi eni gu lamula vathu va guromo vbavandze nya libandla la Pfhumu. Nungungulu khuye a na va lamulago. Enu mu fanede gu lamula ava va guromo ndrani nya libandla. 13Muthu yoyo nya guvivbe a na tutumiswe vbakari gwanu.

will be added

X\