1VAKORINTO 13

1Ambari nari gu pwani nya gu kodza gu ganela malimi yatshavbo nya vathu ni ayo nya dzilozi dza Nungungulu, nyambana lihaladzo, magana yangu ma gu fanana ni ligwaha nya pundru wu dzumago, mwendro ni nyangendre a wombago. 2Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo. 3Ambari nyi gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo. 4Lihaladzo li na ni gutimisela ni wuwadi. Lihaladzo li mwalo lidiwo, li mwalo matshandza ni gu dzi gugumugisa. 5Lihaladzo kha li giri esi nyamba yela, kha li dwaneli gu dzi tsakisa, kha li khali likhulo, mwendro gu vbisega khu kota nya gupimise guvivba li giredwago. 6Lihaladzo kha li nengeli muthu a gu gira esi nyamba yela, aholu la gu nengela khu gu wona lisine. 7Lihaladzo li ngu rwala satshavbo, li gukhodwa satshavbo, li gu tumba gikhati gyatshavbo ni guhunisela satshavbo. 8Lihaladzo gima kha li vbeli. Wu na vbindra wuprofeti, malimi ma na fuva, ni guti gu na vbela. 9Kholu wuprofeti ni guti gwathu kha si vbeleli. 10Gikhati gu na vbohago esi nya guvbelele, si na fuva satshavbo esi nyamba vbelela. 11Eni na nyi ngari gyanana nyi di ganela kha nga gyanana, nyi pimisa kha nga gyanana, nyi alakanya kha nga gyanana. Na nyi dandride nyi khala mwama, nyi di diga mavbanyelo nya wanana. 12Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo khu Nungungulu. 13Olu gu nga emide esi sa siraru: Gukhodwa, Gutumba ni Lihaladzo. Ga esi sa siraru gikhongolo khu lihaladzo.


Copyright
Learn More

will be added

X\