1VAKORINTO 12

1Vandruye, kha nyi vbweti mu hangwa khu mahungu nya siningwa nya Liphuvbo. 2Mu ngu dzitini gu khenu na mu si gu hakhi gukhodwa, mu di gu khozela vanungungulu nya malipha, nya dzimbeveve. 3Khu kharato, khalani na mu gu pima gu khenu mwalo muthu a ganelago khu tshivba nya Liphuvbo la Nungungulu khuye: "Jesu a na vadwe"; Gambe mwalo muthu a dzi kodzago gu ganela khuye: "Jesu Pfhumu" amba kutsedzedwa khu Liphuvbo nya gu Age. 4Siningwa si hambane, aholu, Liphuvbo limwedo; 5Mathumelo ma hambane, aholu Pfhumu mweyo basi; 6Yomo mithumo nya guhambane, aholu Nungungulu Moyo basi. Khuye a ningago vathu vatshavbo tshivba nya guthume. 7Siningwa nya Liphuvbo nya gu Age sa gu wonegiswa ga moyo ni moyo, gasi gu phasedzela vatshavbo. 8Womo a ningwago gu ganela khu mapimo, mumbe a ningwa gu ganela mahungu nya guti. Satshavbo sa gu ningwa khilo Liphuvbo la limwedo. 9Khilo gambe Liphuvbo la limwedo li ningago mumbe gukhodwa, mumbe tshivba nya guhawulugise madwali; 10mumbe a gu ningwa tshivba nya gugire siliwugiso, mumbe a ningwa gu ganela khu lina la Nungungulu, mumbe a ningwa gupima avba li guromo Liphuvbo la Nungungulu; mumbe a gu ningwa guganela malimi nya guhambanelane, mumbe a ningwa gukodza gu tshamusela malimi. 11Aholu, Liphuvbo khilo la limwedo basi li girago silo sesi satshavbo; khilo li kavedzelago ga moyo ni moyo siningwa khedzi li golago khidzo. 12Kha nga givili gi gu gimwegyo basi aholu gi manega ni sivbango nya singi si wumbago givili gimwegyo basi, khidzo gambe kharato ni ga Kristo. 13Ethu hatshavbo: Vajudha ni ava va si gu Vajudha, dzikhumbi ni va nya gutshulega hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo. 14Khu lisine, givili khandri givbango gimwegyo basi, aholu singi. 15Ngondro wa gu ganela khuwo: "Olu eni nyi si gu mandza kha nyiri wa givili" malipha, wa gu lumba givili. 16Ndzeve ya gu khiyo: "Olu eni nyi si gu liso kha nyiri wa givili"; malipha, ya gu lumba givili. 17Nari pwani givili gyatshavbo maho basi, hi di hadza gupwa kharini? Mwendro nari pwani gyatshavbo ndzeve, hi di hadza gupwa khu ginani gununga? 18Nungungulu vegide vbagivilitunu sivbango satshavbo, gimwegyo ni gimwegyo wulanga waye, edzi si nga mu tsakisago khidzo. 19Nari pwani givili gyatshavbo givbango gimwegyo basi, na giri hayini givili? 20Givili gi na ni sivbango nya singi aholu gimwegyo basi. 21Maho kha ma dzi kodzi gu embela mandza khayo: "Kha hi gu vbweti". Hungo kha wu dzi kodzi gu embela mawundru khuwo "Kha nyi mi vbweti." 22Sivbango si wonegago gu khwatshi si mwalo tshivba, khiso si vbwetegago ngudzu. 23Givilini, sivbango sile hi gu khethu si mwalo wuzundzo, khiso hi si thelago ngudzu kota, hi si fenengedzela khu wuzundzo. Esi hi pwago khiso dzitshoni, khiso hi si sayisago khu githawo guvbindra simbe. 24Gasi sivbango si guromo gukhadzisegani, kha si keneledwi khu gilo, kholu Nungungulu a nga wumba givili a di vega githawo nya gikhongolo ga sivbango sile nya gusolege. 25Giride kharato gasi gu si manegi guhambana givilini, gasi givbango ni givbango gi thela kota khu gikwawe, kha nga edzi gi dzi sayisago khidzo gyabune. 26Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo. 27Enu mu givili gya Kristo. Moyo ni moyo wanu givbango gya Kristo. 28Nungungulu vegide muthu ni muthu wulanga waye ndrani nya libandla: Guphela khu Vapostoli, gu handzamedza vaparofeti; nya wuraru khu vahevbudzi; gu bela va nya gugira siliwugiso ni gu hawulugisa madwali, ni va nya gusayisa sisiwana, ni vathangeli, ni va nya gu ganela malimi nya guhambanelane. 29Ina vatshavbo va na khala Vapostoli, ni vaprofeti ni vahevbudzi, gani? Ina vatshavbo va na ni tshivba nya gugire siliwugiso, gani? 30Khandri vatshavbo va ningidwego tshivba nya guhawulugise madwali, ni gu ganela malimi nya guhambanelane ni gu ma tshamusela. 31Khu kharato, dzi garadzeni khu gu vbweta siningwa nya lisima ngudzu. Ndzila nya yadi guvbindra dzatshavbo kheyi nyi vbwetago gu mi yeyedza olu.

will be added

X\