KÛGWÛRÎRWA 22

1Na mûraîka ûyu naacookire ambonia muuro wa rûûyî rwa mwoyo. Rûûyî rûru rwaumîîte gîtîîni kîa ûnene kîa Ngai na Kagondu, rûkembûkîîte ta kîyici. 2Muuro ûyu wagendeete gatîgatî ka barabara ya taûni înu. Na wakîra rûteere rwa muuro ûyu ikwarî na mûtî wa mwoyo, waciaraga maita îkûmi na maîrî wakîra mwanka, iita rîmwe wakîra mweri. Na mathangû ma uu maarî ma kworia antû ba mîgongo yonthe ya nthîgûrû. 3Kîrumi kîathira. Gîtî kîa ûnene kîa Ngai na Kagondu gîgaatûûra taûni înu, aruti ngûgî ba Ngai bakîmûgongaga. 4Bakoona Ngai na meetho. Na ûkeegua riîtwa rîake rîandîkîîtwe moothiûni maao. 5Gûtiituga kaîrî. Gûtirî rîo bakeenda werû bwa taa kana bwa riûa. Mwathani Ngai akabamûrîkîra, na bakaathana tene na tene. 6Mûraîka ûyu aambîîra, "Mantû mamu i ma gwîtîgîka na i ma mma. I Mwathani, Ngai mwene irundu bia iroria aantûmîîte niû mûraîka wake, mbonia aruti ngûgî baake mantû mara meengeerie gûkarîka, gûtarî kîrigîîria. 7"Mwathani ariuga, 'Na mma ga nkûbwîra, imbengeerie kûûya! Kîthaarimo i kîrî ûra akeegua ûroria bûbû bûrî îbukuuni rîrî, aburikie nkorooni yake.' " 8I niû Njoana ndeegiirue mantû mama na ndamoona. Nkûmeegua na ndamoona, ndaturia maru ngonga mûraîka ûra aambonagia mo. 9Îndî warîra nkiuga mmûgonga, mûraîka ûyu aambîîra, "Arî, ûtikangonge! Niû ndî mûruti ngûgî ta woû, kana ta aruanyûkwe iroria, na bara barikîîtie nkorooni ciao mîgambo îno îrî îbukuuni rîrî. Gonga Ngai!" 10Na kaîrî aambîîra, "Ûtikaithe ûroria bûbû bûrî îbukuuni rîrî, n'ûntû kagiita karî akubî. 11Ûra akûrûtha ûthûûku nathi na mbere kûrûtha. Ûra atarî mûtheru nathi na mbere kûrûtha mantû matarî matheru. Ûra mwagîru nathi na mbere kûrûtha mantû maagîru. Na ûra mûtheru nathi na mbere kûrûtha mantû maatheru." 12Mwathani ariuga, "Na mma ga nkûbwîra, imbengeerie kûûya! Na mbûyîîte na kîewa gîa kwaa woora ûmwe wacienu kûringana na ngûgî ya woora muntû. 13I niû Alfa na Omega, Mbere na Nyuma, Mwanjîîrio na Mûthia. 14"Kîthaarimo i kîrî bara bakaraga bathambîîtie nguo ciao kaingo baûmba kûthûngîra taûni na mîîrîga, baagîrîte kûrîa matunda ma mûtî wa mwoyo. 15Bara barî ome ya taûni înu n'antû baathûûku, arogi, amaramari, aûragani, arombi ngai cia ûrongo, na eendi ûrongo. 16"I niû, Yiesû, ntûmîîte mûraîka wakwa abwîra mantû mama n'ûntû bwa makanica. Niû ndî wa rûrîîyo rwa mûciî wa Ndaundi, na i niû nthata îra yonekanaga îthararîîte mûno rûkîîrî gûgîkea. 17"Kîrundu na mwiki bariuga, 'Ncû!' Na ûra akeegua ûgu n'we nauge 'Ncû!' Ûra arî na bûûta naaye. Ûra akwenda nanyue rûûyî rwa mwoyo, kîewa kîa ûtheri. 18"Na ka mbûkaanieni, muntû ûra akeegua ûroria bûbû bûrî îbukuuni rîrî, ûra akoongeera nwa mbi kîrî mîgambo îno, Ngai nakaamwongeera inyamaara bira biandîkîîtwe îbukuuni rîrî. 19Na ûra akaagaûra nwa mbi îbukuuni rîrî, Ngai nakaagaûra gîcuncî gîake gîa taûni îra ntheru na kîa mûtî ûra wa mwoyo, bira biandîkîîtwe îbukuuni rîrî." 20Ûra augîîte mantû mama, ariuga, "Wabu, imbengeerie kûûya nthûti." Aameni. Ncû, Mwathani Yiesû! 21Ûtugi bwa Mwathani Yiesû bûrookaraga na antû ba Ngai bonthe. Aameni.

will be added

X\