MAARIKO 7

1Abarisai bamwe na aarimû bamwe ba watho ba kuuma Njerusaremu beethîranîra Yiesû. 2Boona arutwa bamwe ba Yiesû bakîrîa irio na njara irî na mûgiro n'ûntû bataithambîîte. 3Abarisai na Ayaundi batirîa irio batambîîte kûthamba njara baithiria mûgiro kûringana na kîîwîthîre gîa akûrû baao. 4Bakauma thokooni batirîa gîntû bataambîîte kûthamba njara mbere. Na barî na mawîthire mangî ma mîthemba na mîthemba mara bathingataga ta kûthambagia ikombe, nyûngû, mbakûri [na ûrîrî]. 5Abarisai babu na aarimû babu ba watho baûria Yiesû, "I mbi n'ûntû arutwa baaku batakûthingata kîîwîthîre gîa akûrû beetû? I kî n'ûntû bakûrîa bataambîîte kûthamba njara mbere?" 6Yiesû abacookeria abeera, "Isaaya naaroriirie mantû meenu bwega, biû eebwithia baba! Aandîkire auga, 'Antû baba baankumagia na tûnyua akî, nkoro ciao irî kûraaya mûno naani. 7N'ûtheri bangongaga, mantû mara barutanaga i maathana magûtuîgwa n'antû.' 8Bûtiganaga na maathana ma Ngai bûkathingata kîîwîthîre gîa antû." 9Yiesû abeera, "Bûrîona ta mantû meega mamu bûrûthaga, rîra bûregaga maathana ma Ngai kaingo bûthingata kîîwîthîre kîenu? 10Musa aandîkire auga, Ngai augire, 'Tîîyaga abaagu na nyûkwe.' Na aacooka kaîrî aandîka, 'Ûra akaaruma îthe kana gina aagîrîtwe aûragwa.' 11Îndî ûrutaniini bwenu biû buugaga, muntû nwa arege gûteethia îthe kana gina na arî na gîntû abateethia na kîo, bunka akabeera gîntû gîku i 'Kurubani', kana i gîa kûrutîra Ngai. 12Na kûringana na ûrutani bwenu bûtiîtîgîîrîîtie muntû ta ûyu ateethia îthe kana gina kaîrî. 13Kûringana na kîîwîthîre kîenu bûtionaga ntheto ya Ngai îrî gîtûmi. Na kûrî mantû mangî maingî ta mamu bûrûthaga." 14Yiesû aacooka eera kîrîndî, "Nthikîîriani bwinthe bwîgue na bûciûre bûra nkuuga. 15Gîntû kîra kîthûngagîra kîrî muntû kiumîîte ome gîtiûmba kûmwîkîra mûgiro. Îndî bûra buumaga kîrî muntû i bu bûûmba kûmwîkîra mûgiro. [ 16Ûra arî na matû neegue.]" 17Yiesû akuuma kîrî antû aathi aathûngîra nyomba. Arutwa baake bamûûria abeere bûra eendaga kuuga na ngerekano înu. 18Yiesû abaûria, "Anga wana biû nwabu bûrî baarige ûûgû? Ka bûtaiyî atî, kîra kîthûngagîra kîrî muntû kiûmîîte ome gîtiûmba kûmwîkîra mûgiro 19n'ûntû gîtithûngagîra nkorooni, i nda kîthiyaga na nyumaani gîkauma gîgateegwa kîorooni?" (Kwoogu irio bia mîthemba yonthe ibiagîrîte. Yiesû naabitheriirie.) 20Yiesû aathi na mbere, auga, "Bûra buumaga ndeni ya muntû, i bu bûûmba kûmwîkîra mûgiro, 21n'ûntû nkorooni ya muntû i ku kuumaga mantû ta meeciiria maathûûku, ûmaramari, wamba, ûûragani, 22ûthûngîîri, wîrirîîria bûûthûûku, moothûûku, wenania, mantû ma îgi, rûriitho, gûtuyanîîra, wîkumia, na ûtaku. 23Mantû mamu monthe maathûûku maumaga ndeni ya muntû. Na i mo mamwîkagîra mûgiro." 24Yiesû akuuma naagu aarî, aathi gûntû kwarî akubî na taûni cietagwa Turo na Sindoni. Agûkinya noogo aathûngîra nyomba. Ateenda muntû nwa ûmwe amenya ara aarî, îndî gûtaûmbîkana. 25Ikwarî na mûka ûmwe kaarî gaake kaathûngîrîtwe i kîrundu kîîthûûku. Mûka ûyu akwîgua Yiesû aagwetwa, aathi warîo amûturîria maru agu magûrûûni. 26Mûka ûyu ataarî Mûyaundi. Aaciarîrîtwe gûntû gweetagwa Boinîcia. Mûka ûyu aûria Yiesû eengatie kîrundu gîku kîîthûûku kîathûngîrîte kaarî gaake, kiume. 27Yiesû amwîra, "Gatwana twambe tûrîe, tûbae. Ti bwega kûgerera kurû irio bia twana." 28Mûka ûyu amwîra, "Bûbu bu n'ûmma, Mwathani. Îndî wana kurû nirîyaga tûng'enyua tûra tûgwîyaga rungu rwa meetha twana tûkîrîa." 29Yiesû eegua ûgu amwîra, "N'ûntû bwa ûgu wauga, mwekûrû, kîrundu kîra gîkûthûngîrîte kaarî gaaku gîkuuma, înûka." 30Mûka ûyu aacooka mûciî. Agûcooka eethîra kaarî gaake kamaami ûrîrî, kîrundu kîra gîakathûngîrîte kiumire. 31Yiesû akuuma Turo aagendeera Sindoni, eendama aathi bwa îria rîa Gariiri, aathi gûntû gweetagwa Ndikaporis. 32Antû bamwe baareeta gîpûra kîarî maamu. Baûria Yiesû aigîîre muntû ûyu njara, amworie. 33Yiesû aarutaruta muntû ûyu kîrî antû baathi gataaria. Amwîkîra biara matû, aacooka aatuîra mata njara, amûtongithia rûrîmî. 34Aacûûba îgûrû, aanogokeera. Auga, "|iEbatha.|d" Kuuga ûgu i kuuga, "Rugûka." 35Akuuga ûgu, warîo matû ma muntû ûyu maarugûka, kîra kîathaîkîîte rûrîmî rwake kîatharûka, muntû ûyu aatua kwaria atarî na thîîna. 36Yiesû aakaania antû babu baamûreetire, abeera batikeere antû mantû mamu. Îndî ûgu bungwa aabakaaniirie kûrûtha i bu baarûthire mûno. 37Antû bakwîgua mantû mamu baarigara mûno. Bauga, "Nakûrûtha mantû meega n'ûntû nagûtûma antû batireegagua batua kwîgua, na bara batiraaragia batua kwaria."

will be added

X\