2 NJOANA 1

1I niû Mûkûrû ngûkwandîkîra woû mwekûrû athuurîîtwe i Ngai na aana baaku. Mbwendeete mûno na wendo bwa mma. Na ti niû ninka mbwendeete, bwendeetwe i bonthe bara baiyî ûmma. 2Na ûmma bûbû bûgaatûûra kîrî tiû tene na tene. 3Ûtugi, kîao na ûkiri bwa Ngai Baaba na bwa Yiesû Kîrîstû, Mwana wake, bigaakaraga naabi ûmmaani na wendooni. 4Indakenire mûno rîra ndamenyire aana bamwe baaku ibatûûraga ûmmaani ta bûra yathana rîra tweerwe i Baaba riugîîte. 5Ka ngûkwîra, mwekûrû, twendanageeni. Kwoogu ntigûkwandîkîra yathana rîîyerû, nwa warîra tûtûûraga na rîo kuuma kîambîrîîria. 6Wendo na bu n'atîrî, tûkare tûkîathîkagîra maathana ma Ngai. Yathana rîake ta bûra bweegiirue kuuma kîambîrîîriani, i bûtûûrage bwendanîîte. 7Kûrî na eenania baingî baumîrîte nthîgûrû bakuuga Yiesû Kîrîstû ataarî na mwîrî ta wa muntû. Antû ta babu n'eenania na aregi Kîrîstû. 8Kwoogu bwîmenyeere bûtikaaye gûta kîra bwîcereretie kaingo bûkeewa kîewa kîenu kîûyûri. 9Muntû ûra atakaraga na ûrutani bwa Kîrîstû, ûra arî na ûrutani bûngî, ûyu atirî na ngwatanîro na Ngai. Îndî ûra akaraga na ûrutani bwake arî na ngwatanîro na Îthe na Mwana. 10Muntû akaaya kûûya na ûrutani bûngî bûtikaamûthookie mîciî yenu kana kinya bûmûkeethia. 11Ûra akaamûkeethia akeegua akîgwatanîra n'we mantûûni maake maathûûku mara arûthaga. 12Ndî na mantû maingî mûno ma kûbwîra, îndî ntikwenda kûbwîra monthe na baarûa îno. Ndî na wîrîgîîro bwa kûûya kûbûriûngîra na tûkaaranîria kaingo tûkenanîra kûrû tûrî amwe. 13Ûgûkeethua n'aana ba mwaranyûkwe ûra athuurîîtwe i Ngai.

will be added

X\