Tito 3

1Pja tjšê Jesús tjšõkwo kjragaga uunkong kong ga “Bi pjšupga, e bangkjrako, tjšapgaga kjok ðgwega wšeniyo, e bangkjrako bakoe. Ðëye še šok bomi kong ši košëmia. Pjãy šöng ðëbo pjšú shäryë kjok orë pogo wšo. Obšë šãywëy owa ë kong ðëme. Shji ëngkjwë obšë tjok ðëme. Pjãy wotjšîk obšë tjok pjšú dey. Pjãy šöng wotöshko îyado oba uunkong kong” šëp ba kong eni îyado. 3Dënashko ga shji ëmdë ga kä ðëm baîya dik bakoe. Sbö košoroy ðëme. Shji jeno šönge. Eshko ga shji wotjšîk ðëbo owa shäryë ðë pogoshko ga shji ðet šöng e shäryë. Shkë dba ga shji ðëbo owa shäryë eröe. Shji wotjšîk owa obšë kong ba ðëbo kjîshko. Shji îywaba shjiktëng, shji ëng îywõ shjiktëng bakoe. 4Gueniyo eshko ga Sbö bi döga, ba wopjšú ši pina bi kong, ga îy ga shji woyde ara. 5Jesucristo, e bi döga. Ba kjîshko ga bi go ba Sëya ichara Sbörë, ber kësbang bi tjok wšo. Eni ga shji döra, gueniyo ðëbo pjšú shäryoroy kjîshko ðëme. Shji songe še, ga shji döra e kjîshko. Owa pjang bi go ši šöna beno drete. Ga shji kjšopswara ba Sëyarë beno tjagšën, shji weno eshko kjwšë jã wšeni. 7Sbö wopjšú ši kjîshko ga shji iara beno pjšo bek ba bokso. Shäryara eni, shji ie ber šöng së îyado ba tjok wšo. Koshëy šöng ši e. 8Tjšõkwo šër shäng bop kong ëre, e eni jšõe. E kjrako. Ga woydër ga tjšõkwo ëre šëp oba kong îyado, nopga mär šöng Sbö go ši ðëbo pjšú shäryë îyado wšo. Tjšõkwo ëre, e pjšú, oba uunkong kjimtokšo. 9Gueniyo ga shji ëngšë kar kar obšë tjok ðëbo tjwšõ ðëm kjîshko ðëme. Kjone kjone ëngšë kar kar ðëbo weno tjšapgaga tek dënashko so kong ši kjîshko, kjok ðgwekkšo tara Moisésdë ši kjîshko, ðëbo obšë obšë kjîshko bakoe. Gueniyo pja opzrëk eshko ðëme. E tjwšõ ðëm, ëye kjimte e go ðëm bakoe. 10Jesús tjšõkwo kjraga shäng kjšara tjšê obšë kong kar kar ëng shdök wšo wšeni ga poshdum pjšara, pjšogšo pjök. E irgo ga jšõ še ðëm wšeni ga wšokjrëp tjwe bomi tjok ame. 11Miydëy e go ga wotjšîk ðëbo owa shäryë. Ðëye shärye shäng ši go ga miydëy ga e shdungko. 12Tja wotjšîk jek Nicópolis kjokyo, tja ber sök eshko kjok owa dbaryoshko wšo šër. Artemas ichër jek bop wšokjrë, ðëm ga Tíquico. Äär shäng bop shwoy ga woydër ga pja tek ba tjok bor îk eshko mašinge. 13Bi pjeyoga šöng eshko do pjök. Kjšara ko Zenas, e parkë no wšikaga kjok ðgwekkšo go. Kjšara obi ko Apolos. Opshik toe še wšeni ga kjimtozong. Ðëye woyde dö ši wšês ba kong. 14Woyde ga bi pjeyoga opping ðëbo pjšú shäryë, obšë kjimtë, epga ber šöng tjwšõ tjok wšo. 15Nopga šöng bor tjok jûshko uunkong, “¿Pja yonde?” še šok bop kong. Bi pjeyoga tjšõkwo kjragaga šöng eshko ši kong, “¿Pjãy yonde?” šërwa ba kong bakoe. Rokër Sbö kong ga ba wopjšú ši kjîshko ga pja kjimte ara.

will be added

X\