Apocalipsis 7

1E irgo ga în ga Sbö parkagaga kjok dogo so tjeng dogšo pkëng (4), kojono šöng kjok pjir worbo kjringgwo pkëng (4) šishko, ga pjšuk tek eshko dwayo ši bänkira, kjok ðë, dšung ðë, kjor ðë, e pjiya ðëm wšo. 2Epga kong dbo twaraba, kjok ëre pjiya wšo, dšung bakoe. Ga în ga Sbö parkaga kjok dogo so kjšara obi tek tjwe shäng dšo wen tëm shwo šëkong dwayo, wšoshko Sbö Sök Îyado ši jyãgšo. Ga tjšêno parkagaga dogšo pkëng (4) šöng ši kong. Tjšê ga 3”Kjok ðë, dšung ðë, kjor ðë, e pjimi ðëm, äär jong ðëbo jyãgšo ioroy Sbö parkagaga šöng kës ši bokdo go guing” še. 4Eshko ga kur ga Israel tjëyoga iak šok ðëbo jyãgšo go ši dogšo sak dbäw dbäw pjšogšo sak dbäw kjingsho sak dbäw dbäw pjšogšo sak pkëng kjingsho sak dbäw dbäw pjšogšo pkëng (144,000). 5Judá tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Rubén tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Gad tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). 6Aser tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Neftalí tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Manasés tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). 7Simeón tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Leví tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Isacar tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). 8Zabulón tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). José tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). Benjamín tjëyoga iak šok dogšo sak dbäw dbäw pjšogšo sak kjwara kjingsho sak dbäw dbäw pjšogšo pjök (12,000). 9E irgo ga înor jek obi, ga în eshko pjšu sökkšo ši, Öng ši, e bokshto ga nopga šöng träk ðëm, shtëy ga äär ðëm wšeni. Tjëyoga obšë obšë uunkong šöng eshko. Nopga kjok obšë obšë uunkong so šöng eshko. Nopga tjšê tjšõkwo obšë obšë uunkong šöng eshko bakoe. Doyono šöng shwong pjšubšún go, kjšara kjšara wšoshko mek korga. 10Ga tjšêno dbo go. Tjšê ga “¡Borwa Sbö, e sök pjšu sökkšo kjwe kjing go! ¡No döga ši kjwe! ¡No döga ši Öng kjwe bakoe!” še. 11Sbö parkagaga kjok dogo so kojono šöng pjšu sökkšo ši, äya šöng së dogšo pkëng (4) ši, tjšapgaga ši, e pjšor kašëkong pjribri ši, e kjujono bokdo kjšay kšung go, ga Sbö poshrëra šok. 12Tjšê ga “¡Ber eni! ¡Borwa Sbö, e poshrërwa îyado, e iërwa ber kësbang, tjwšõ ara îyado, kjok miydë ara ši ber ba kong îyado, “Tjawa wopjšú ba tjok” šërwa îyado, dbo ara ši ber ba kong îyado bakoe! ¡Ber eni!” še. 13Eshko ga tjšapgaga šöng ši kjšara tjšê bor kong ga “¿Šöng shwong ko pjšubšún kjwe ë, kjone so, e miydëpde?” 14”Tjšapga, kjwepga ë miydër ðëme” šër ba kong. Kuya ga tjšê bor kong ga “Kjwepga to jek šöng song jšõ, ðëbo weno owa kësbang dbaryo, gueniyo ba shwong, e kwoshkwara Öng kjwe srëng ši go beno pjšubšúne. 15E kjîshko ga šöng Sbö pjšu sökkšo kjwe bokshto, ga beno šöng parkë ba u roy shkë dbae. Ga kjwepga daga beno Sbörë om go. 16Beno šöng pjši kuk ame, wodogro ame, suya dšorë ame, barwe kjok kjšikdë ame bakoe. 17Öng sök pjšu sökkšo jong kjweshko go kjwe ber ba daga, kjwepga söya äär di shji ie ber šöng së jšõkoyo wšeniyo buk šishko. Ga ba boryo kròya Sbörë, ber šöng sšar ame wšo” še.

will be added

X\