Apocalipsis 20

1Eshko ga în ga Sbö parkaga kjok dogo so to ter kjok dogo dwayo kjšara, wšoshko tjeng pjšëbgwo jong rong anmoyõ ši dökkšo, no shakkšo shäryak dröng sho go tjeng pjšara kësbang bakoe. 2Ga äya so Ööka kjoyo ši shara, ga pjrira, ber buk eni šu pjšogšo sak dbäw dbäw (1,000) wšo. E irgo ga dbura jer pjšëbgwo jong rong anmoyõ ši roshko, kjing bängzara yõtso, tjëyoga obšë obšë jyãpgwe ðëm, äär jong šu pjšogšo sak dbäw dbäw (1,000) wšo. Eshko ga döya jek pjšara obi, wop sira wšo. Äya ši, e Ä om go. 4Eshko ga în ga nopga sirkeno tjeng kjšöbö, pjšu sökkšo tjeng ši kjing go. Epga kong dbo twara Sbörë nopga ðgwek wšo. Dënashko ga nopga kä zaraba ara, Jesús roy šara kjîshko, Sbö tjšõkwo roy šara kjîshko bakoe. Äya owa ši poshrëra šok ðëm, ba jyãgšo ši poshrëra šok ðëm, bokdo, orkwo, e tak šok ba jyãgšo go ðëm bakoe. Nopga eniyo ši sëyaga înor tjeng eshko, nopga sirkeno tjeng ši shwoy. Eshko ga woshrara Sbörë iröng obi, ga beno šöng nopga ichë Cristo tjok šu pjšogšo sak dbäw dbäw (1,000). 5Nopga woshrara Sbörë bäm go ši epga. Ðamo woshrara ðëm, äär jong šu pjšogšo sak dbäw dbäw (1,000) ši pjitong guing. 6Woshrara Sbörë bäm go ši ber wopjšú, iak beno tjeng dboy Sbö kong bakoe. Nopga wošono tjeng ši wošon jek obishko ga ðëye wen ba kong ðëm, ber šöng syõshtaga Sbö kong, Cristo kong, ga nopga iche ba tjok šu pjšogšo sak dbäw dbäw (1,000) bakoe. 7Äär šu pjšogšo sak dbäw dbäw (1,000) šishko ga Ä döra ba shdûzšong shtoyo jong ši dwayo, 8ga opshino to shäng oba jyãpgwë kjok kjwang jîkong, tòya ëngkjwë wšo. Tjëyoga jyãpgwara ši ko Gog, Magog bakoe. Epga träk ðëm, ša sho tjeng dšung kjako wšeni. 9Eshko ga töno šöng kjok kjwang jîkong dwayo, ga Sbö nopga šöng ši kjokyo kopjrina šok pjribrie. Kjok woyde Sbörë ara ši eshko. Gueniyo ga iök ichara Sbörë šon kjok dogo dwayo, ga epga pjira drete. 10Eshko ga Ä, nopga jyãpgwaga ši shara, dbura jer akkwo ko azufre pjë jong ri ri shtoyo ši roy, ba pjeyoga äya owa ši, ba dboryaga ši, e dbura beno tjeng dënashko šishko. Shto, e kësbang, so dšung kjoyoe. Ga mya jîkong ši shdûya ber šöng eshko shkë dba, îyado wšo. 11Eshko ga în ga pjšu sökkšo jong kjwara kësbang, pjšubšún, kjing go ëbo sök kjšara. Eshko ga kjok uunkong töktong ba bokshto dwayo, kjok dogo, kšung bakoe. Beno îgöy ame. 12Ga în ga nopga wošono tjeng kës ši šöng pjšu sökkšo jong ši bokshto, nopga tjwšõ ara, nopga tjwšõ chira bakoe. Eshko ga kjibokwo tjeng ši roshwinaba. E irgo ga kjibokwo roshwinaba kjwara obi. Ëye ber sök së îyado Sbö tjok wšo ga ba ko, e tak pjang kjibokwo e go. Ga nopga wošono tjeng ši ðgweraba, ðëbo shäryara dö, tara beno tjeng kjibokwo tjeng kës roshko ši kjîshko. 13Nopga wošono beno tjeng dšung roy ga šöng eshko. Nopga wošono beno tjeng sakshko ga šöng eshko. Nopga wošono beno tjeng shinmoga shtoyo ga šöng eshko. Ga kjšara kjšara ðgweraba, ðëbo shäryara dö ši kjîshko. 14Ëye ber sök së îyado Sbö tjok wšo ga ba ko, e tak pjang Sbö kjibokwoyo ši go. Gueniyo ëye ko wšênaba tak pjang e go ðëm ga dburaba jer beno tjeng iök pjë jong ri ri shtoyo ši roy, shinmoga shtoyo ši tjok. Shto, e kësbang, so dšung kjoyoe. Nopga wošono tjeng ši wošon jek obi wšeni eshko.

will be added

X\