Apocalipsis 18

1E irgo ga în ga Sbö parkaga kjok dogo so ter shäng kjšara obi, kjok dogo dwayo. E dbo ara, ga kjok ëre kjing iara ba kãšã ara širë beno buk shjiye. 2Eshko ga tjšêno dbo go. Tjšê ga “¡E pjitonge! ¡Babilonia kjokyo tjwšõ ara ši pjitonge! Tjëyoga obšë obšë, ðëbo owa obšë obšë pina ba kong ši, e shäryara šok pjir, Sbö rayara šok bakoe. Pjšupga šöng kjok ëre kjing go kjšobi ši, e pono ba tjok wšeni. Ðëbo soynega kjok ëre so ši, e dbur shano ara, kjok eshko sopga dbur zano ara kjîshko. E kjîshko ga kjok eshko ši kworkwono beno buk Ä sëyaga shtoyo shara, sëyaga owa obšë obšë šöng eshko. Sënwa owa, woydëy ðëm wšeniyo, e usho shäryë šok eshko bakoe” še. 4Eshko ga kur ga ybö ter kjok dogo dwayo pjšara, tjšê ga “Bor nopga, pjãy opshis kjok kjweshko dwayo, ðëbo owa shärye nopga šöng kjweshkorë ši shäryëmi ðëm wšo, kjwepga shdûya Sbörëshko ga pjãy shdûya eni ðëm bako wšo. 5Nopga šöng kjweshko ši go owa ara, kjšay kjok dogo. Kjwepga shdûya Sbörë ara, ðëbo owa shäryara kës ši kjîshko” še. 6Eshko ga ybö ši tjšêno nopga shdunggaga ši kong. Tjšê ga. “Nopga kjwe ðëbo shäryono obšë kong owa sorë ga shäryozî ba kong eni pjšogšo pjök. Obšë shduna sorë ga nopga kjwe shdûzî eni pjšogšo pjök bakoe. 7Ðëbo shäryara ba kong om go ara, dbur zano ara, ber šöng wopjšú wšo. Eni ga ðëbo shäryozî ba kong owa bayo eni, ber šöng woydë ara wšo. Eerishko ga to šöng krë ara. Tjšê ga “Tjawa pjšu boy wšeni, tjawa äär ber syã wšeni ðëm, ðëye wen borwa kong owa wšo drete” še. 8Eni kuzong ga dbar kjwara ga ðëbo wen ba kong owa obšë obšë, kjone kjone wošon, kjone kjone sšar ara, kjone kjone pjši kuk ara bakoe. Epga shdûya Tjšapga Sbörë, ba dbo ara go, ga ba kjok buk kës ši suya iök go, ber dret wšo” še. 9Pjšupga šöng kjok ëre kjing go pono wašë ši tjok wšeni ši, ðëbo shäryara ba kong om go ara, dbur zano šok ara bakoe. Shäryara šok eni, ber šöng wopjšú baîya dik wšo. Eni ga kjok ši pjë jong ri rishko ga ba yõ sho jem ši îya šok ga sšar ara, kjšoshtë ara ba kjîshko. 10Eshko ga wašë ši shdûya Sbörë ara eni ši îya ga bangkjre šok ara. Ber šöng kjšoshtë ara pjolae. Tjšê šok ga “¡Babilonia sopga, pjãy tjwšõ ara, dbo ara, gueniyo pjãy shduna ara, ga pjãy pjitong mašinge! ¡Pjãy song jšõe! ¡Pjãy song jšõe!” še šok eni. 11Eshko ga ðëbo soynegaga kjok ëre so ši sšar ara, kjšoshtë ara, ðëbo tjwšêkoba eshko ame kjîshko. 12Dbur sho shõyšør, dbur sho pjšubšún, akkwo wošësowa tjwšõ ara wšeniyo obšë obšë, e tjwšêkoba eshko ame. Shwong ko pjšubšún, pjšú tjwšõ ara wšeniyo, shwong ko dingding shwëshwë, shwong pjšú wšeniyo ko seda, shwong ko srëzrþn, e tjwšêkoba eshko ame. Kjorkwang šõ pjšëbšë wšeniyo obšë obšë, ðëbo wošësowa obšë obšë shäryak ðëbo ko marfil go, shäryak kjorkwang tjwšõ ara wšeniyo go, shäryak dröng sho so kšung sho kjoyo go, shäryak dröng sho go, shäryak ak ko mármol go, e tjwšêkoba eshko ame. 13Dši mokyo obšë obšë, ðëbo šõ pjšëbšë suy wšo, dwšo poshtikkšo šõ pjšëbšë obšë obšë, poshtikkšo šõ pjšëbšë wšeniyo obšë obšë, kjiðgwo bo dyo dbo ara, kjyo pjšú wšeniyo, pjšung shosho pjšú wšeniyo, e tjwšêkoba eshko ame. Sögša, öng wšêp ushko so, kwomgša, jëkkšo dopshiga kwomgšarë wšeniyo, parkagaga tjwšêk šöng pjir wšeniyo, nopga obšë obšë, e tjwšêkoba eshko ame. 14Eshko ga ðëbo soynegaga ši tjšê šok ga “¡Babilonia sopga, ðëbo woydoromi ara ši, e pjitong drete. Ðëbo obšë obšë tjwšõ ara bomi kong ši, e pjitong dret bakoe. ¡Pjãy song jšõe! ¡Pjãy song jšõe!” še šok eni. 15Eshko ga epga shdûya Sbörë ara eni ši îya ðëbo ëre soynegaga šöng širë ga bangkjre šok ara. Ber šöng sšar ara, kjšoshtë ara pjolae. 16Tjšê šok ga “¡Babilonia sopga, pjãy doyono šöng shwong ko pjšubšún, pjšú tjwšõ ara wšeniyo go, shwong ko dingding shwëshwë go shwong ko srëzrþn go bakoe! ¡Pjãy obrikkwo wošësowa obšë obšë shäryak dbur sho shõyšør go, shäryak akkwo wošësowa tjwšõ ara wšeniyo obšë obšë go bakoe! Gueniyo ðëbo tjwšõ ara tjeng kës ši pjitong mašinge! ¡Pjãy song jšõe! ¡Pjãy song jšõe!” še šok eni. Eshko ga kjyong këskës sögaga, ba kägäyoga, nopga jëk šöng kjyong këskës go, e ber šöng pjola bakoe. 18Ga kjok ši pjë jong ri rishko ga ba yõ sho jem ši îya šok ga sšar ara ba kjîshko. Tjšê šok ga “Kjok obšë äär tjwšõ ara, kjok kjweni dik ðëme” še šok eni. 19Eshko ga kšung sho iara ba kä kjing go, šöng woydë ara ši šokšo, ga sšar ara, kjšoshtë ara. Tjšê šok ga “Babilonia sopga, pjãy dbur ara kjîshko ga kjyong këskës sogoga kës ši dbur shano ara. ¡Gueniyo pjãy pjitong mašinge! ¡Pjãy song jšõe! ¡Pjãy song jšõe! 20¡Gueniyo kjok dogo so, Sbö nopga, Sbö tjšõkwo roy šagaga Jesús ãska, Sbö tjšõkwo šagaga, pjãy shduna šok ara kuzong ga epga shduna Sbörë ara bakoe! ¡Pjãy šöng wopjšú e kjîshko!” še. 21Eshko ga Sbö parkaga kjok dogo so dbo ara wšeniyo kjšara apkwo kjrono kjwara kësbang, bayo dwša kjwokäkkšo apkwoyo wšeni, ga dbura jer dšung roy, ga tjšê ga “Apkwo dburor ši piktong dret, beno îgöy ame. Babilonia kjokyo ši pjir dret, ber îgöy ame eni bakoe. 22Kjorkwang shäryak jong kjiyo tjok tëy or go wšeniyo, dbonmo, wši, e tëba eshko ame, ga ëye të eshko ame bakoe. Ëye parkë eshko ame, ga oba parkë šöng ši pjšukyo kuy eshko ame bakoe. 23Iök shjiy eshko ame, ëye orkwosmok eshko ame bakoe. Dënashko ga ðëbo soynegaga kjok eshko so ši tjwšõ ara. Ga tjëyoga obšë obšë jyãpgwara ba nopgarë ba ybi sho ši go. 24Sbö tjšõkwo šagaga, Sbö nopga, nopga obšë, e zröraba ara kjok eshko” še.

will be added

X\