Apocalipsis 17

1Eshko ga Sbö parkagaga kjok dogo so dogšo kjäk (7), wšoshko tjeng di iokšo kjšara tek shrono shäng bor zšong, ga tjšê bor kong ga “Kjok buk kjrina, di arashko. Wašë sök kjšara eshko, to shäng opsoynek domerga obšë obšë kong wšeniyo. Pjšupga šöng kjok ëre kjing go ši pono ba tjok, ga ba nopga tjeng kës ši ichara ðëbo owa shäryë obšë obšë, ichara Sbö rayë bakoe. Eni ga pja tek bor tjok, wašë ši shdûya Sbörë ši îp wšo” še. 3Eshko ga tja go Sbö Sëya jšõkoyo, ga tja söra parkaga širë jek kjok dogro no ðëmshko. Eshko ga în ga wašë sök kjšara, äya sök kjšara ši kjing go. Äya ši kjšo srëzrþn, kägä kjwo kjäk (7), sjö kjwang sak kjwara (10) bakoe. Ba doyo ši go, ko jyã tak šok obšë obšë ðaw pogo, Sbö šãywokšo owa wšeni. 4Wašë ši doyono sök shwong ko dingding shwëshwë go, shwong ko srëzrþn go bakoe. Shwong ši go, ðëbo wošësowa smok šok ara, dbur sho shõyšør, akkwo wošësowa tjwšõ ara wšeniyo obšë obšë bakoe. Wšoshko di iokšo tjeng kjwara, shäryak dbur sho shõyšør go, ðëbo owa shäryara ši, ðëbo shäryako ðëm shäryara ši, e tjeng ba roshko. 5Ðëbo jyã tak pjang ba bokdo go, gueniyo ðë šokšo miydëba ðëme. Tak pjang eni: “Babilonia kjokyo tjwšõ ara ši tja. Wašëga to šöng opsoynek domerga obšë obšë kong wšeniyo pingga ši tja. Nopga ichaga ðëbo shäryako ðëm shäryë ši tja bakoe.” 6În ga wašë ši sök nešõ, srëng iono ara kjîshko. Sbö nopga to šöng Jesús roy šë oba kong zröra ši, e srëngyo iayde. În ga yëy šër erä. 7Eshko ga Sbö parkaga ši tjšê bor kong ga “¿Pja opshgawë ega? Wašë jek sök äya kjing go ši ðë šokšo šër bop kong. Äya kägä kjwo kjäk (7), sjö kjwang sak kjwara (10), e ðë šokšo šër bop kong bakoe. 8Äya înop ši dënashko ga sök së, gueniyo eeri ga sök ame. Gueniyo ðono ga wen tëm pjšëbgwo jong rong anmoyõ ši roy dwayo, ga to jongya shdûya, pjiya Sbörë wšo. E kjîshko ga nopga šöng kjok ëre kjing go ko tak pjang Sbö kjibokwoyo go ðëm wšeniyo kës ši, äya ši îya šok ga yëy še šok erä. Kjok shäryayde Sbörë ðëm obishko ga ëye ber sök së îyado Sbö tjok wšo ga ba ko, e tak pjang kjibokwo ëre go tjän. 9”Ðëbo ëre ðë šokšo miydëy wšo ga woyde ga shji kjok miydë ara. Äya kägä kjwo kjäk (7) ši, e dšup šok kjwo kjäk (7) šokšo, ga wašë ši sök ba kjing go. 10Ba kägä kjwo kjäk (7) ši, e pjšupga dogšo kjäk (7) šokšo bakoe. Pjšupga shkëng (5) jûni wošono tjän, kjšara sök eerishko, ga kjšara obi tjwayde ðëm obi. Shrono ga ber sök wop sira döe. 11Äya dënashko ga sök së, gueniyo eeri ga sök ame ši, e pjšu kjšara obi šokšo, e tjok ga äär dogšo kjwong (8). Pjšupga dogšo kjäk (7) kjšara woshrono iröng obi ši e, gueniyo to jongya shdûya, pjiya Sbörë wšo bakoe. 12”Sjö kjwang sak kjwara (10) înop ši, e pjšupga dogšo sak kjwara (10) wentë ðëm obi ši šokšo. Ðono ga kong dbo twëba, parkë ber šöng no pjšuyoga äya ši tjok wop sira bakoe. 13Eshkoshko ga wotjšîk šok kjrinaso, ga ba dbo ši twe šok äya ši kong, ba nopga tjeng kës ši iche wšo. 14Ga ëngkjwë šok Öng Wšêp Ushko So Ðgwokšë ši tjok. Gueniyo Öng ši, no kägäyoga uunkong kägäyo ši e, pjšupga uunkong pjšuyo ši e bakoe. E kjîshko ga epga zãya. Ba nopga rokara, kjrara, mär šöng ba go îyado ši šöng ba tjok eshko. 15”Wašë to shäng opsoynek domerga obšë obšë tjok wšeniyo ši înop sök di arashko. Di ši, e tjëyoga obšë obšë ši šokšo, nopga tjšê tjšõkwo obšë obšë ši šokšo bakoe. 16Sjö kjwang sak kjwara (10) šok äya go ši, wašë owa ši îywa šok shjiktëng, shdûya šok ara, ga ie šok ber shäng kjwor. E irgo ga sho ue šok, ga doyo suya šok iök go. 17Epga wotjšîno kjrinaso ši, ba dbo twara äya kong ši, e šaga Sbörë, šara eni tek dënashko kjîshko. Ga shärye šok eni, äär jong ðëye šara Sbörë ši shäryono pjir guing. 18”Wašë înop ši, e kjok tjwšõ ara šokšo, pjšupga šöng kjok ëre kjing go ichaga sök šishko” še.

will be added

X\