Apocalipsis 13

1E irgo ga în ga äya wen tëm sök kjšara obi, dšung roy dwayo. Äya ši kägä kjwo kjäk (7), sjö kjwang sak kjwara (10), pjšupga dšu iokšo iak jong kjwangna kjwangna ši kjing go. Ko jyã tak pjang kägä kjwara kjwara ši go, Sbö šãywokšo owa wšeni. 2Äya ši so dbong kjoyo, ba dre so äya kjšoshko so sok kësbang zok ara ši dre kjoyo, ba kjak so dbong kjak kjoyo bakoe. Eshko ga iara Äya so Ööka kjoyo širë beno sök ba pjšu sökkšo kjing go, ga kong dbo twara, oba iche wšo. 3În ga äya ši kägä kjwara zak jong ba skato, gueniyo pjano iröng. Îya nopga šöng kjok ëre kjing go širë ga yëy še šok erä, ga uunkong töno šok ba tjok. 4Äya so Ööka kjoyo ši poshrëra šok, dbo twara Äya ši kong kjîshko. Äya weno tëm dšung roy dwayo ši poshrëra šok bakoe. Tjšê šok ga “¿Ëye äär äya kjwe dikdo? ¿Ëye äya kjwe zangdo?” še šok eni. 5Äya ši iara Ärë krë ara wšo, tjšê tjšõkwo Sbö šãywokšo owa wšeni wšo, oba ichë mogšo sak pkëng kjingsho pjök (42) wšo bakoe. 6Eshkoshko ga Sbö šãywara owa jšõkoyo, Sbö ko, ba u, nopga šöng kjok dogo, e šãywara owa uunkong. 7E kong dbo twara Ärë to ëngkjwë Sbö nopga tjok wšo, ga epga zanae. Ga kong dbo twara Sbörë, kjok shto obšë obšë uunkong sopga, tjëyoga obšë obšë uunkong, nopga tjšê tjšõkwo obšë obšë uunkong, e iche wšo. 8Nopga šöng kjok ëre kjing go kës ko tak pjang Öng Wšêp Ushko So Ðgwokšë zröraba ši kjibokwoyo go ðëm wšeniyo, Äya ši poshrëra šok. Kjok shäryayde Sbörë ðëm obishko ga ëye ber sök së îyado Sbö tjok wšo ga ba ko, e tak šok kjibokwo ëre go tjän. 9Ëye kwomgwo tjok ga woyde ga kuya yõtso. 10Ëye shakoba, sökoba kjok shto obšë wšo ga shakoba, sökoba kjok shto obšë. Ëye zrökoba dröng go wšo ga zrökoba dröng go. Miydëy tjšõkwo ëre go ga ðëbo wen Sbö nopga kong owa ëmdë ga woyde ga kuya kjang, Sbö raye ðëm bakoe. 11E irgo ga în ga äya wen tëm sök kjšara, kšung roy dwayo. Äya ši sjö kjwang pjök, so öng wšêp ushko so ðgwokšë sjö kjoyo, gueniyo tjšê äya so Ööka kjoyo ši dik. 12Era parkono Äya zak pjano ši dbo go, ga nopga šöng kjok ëre kjing go kës ši iara ba poshrëk. 13Eshko ga ðëbo îydëba ðëm wšeniyo shäryara kësbang obšë obšë ara, kjrina ši, iök ichara ter kjok dogo dwayo shrono kjok ëre kjing go oba bokshto. 14Ðëbo eni ši shäryara äya bäm îyo ši kong. E go ga nopga šöng kjok kjing go ši jyãpgwara uunkong. Ga epga iara äya bäm îyo ši jyãgšo shäryë kjšara, ie šok ber kësbang, tjwšõ ara wšo. Äya bäm îyo ši kjupäshko ga zaraba dröng go, gueniyo wošono ðëm, pjano iröng obi. 15Äya weno tëm kšung roy dwayo ši kong dbo twaraba, äya jyãgšo shäryara nopgarë ši iche tjšê wšo. Eshko ga ëye äya jyãgšo ši poshrëra ðëm ga ichara zrökoba wšo. 16Ga nopga iara uunkong ðëbo jyãgšo ie ba bokdo go, ðëm ga ba orkwo këšëkong go. Nopga tjwšõ ara wšeniyo, nopga tjwšõ chira wšeniyo, nopga dbur ara wšeniyo, nopga song wšeniyo, parkagaga tjwšêk šöng pjir wšeniyo, nopga eni ðëm wšeniyo, e iara uunkong ba shäryë eni. 17Eni ga ëye ðëbo jyãgšo ši iak šok ðëm ga ðëye tjwšêya ga ä, ðëye soyneya ga ä bakoe. Ðëbo jyãgšo ši, e äya ko ši šokšo, ba ko ši shtoroy ga äär bayo kjöm ši šokšo bakoe. 18Ba ko ši shtëy ga äär bayo kjöm ši miydëy wšo ga woyde ga shji kjok miydë ara. Ëye kjok miydë ara ga shte ga pjšú, ga äär ber sak dbäw pjšogšo tjer kjingsho sak tjer kjingsho tjer (666). Era domer kjšara ši šokšo.

will be added

X\