MATEO 28

1Woshtozšong dbaryo ši pjitonge. Wêshko kjok shröng, sondëshko ga wašëga do pjök ko María Magdala so, María obšë ši, e jek šok jongya sak ši îk. 2Eshko ga Sbö parkaga kjok dogo so ter shrono shäng eshko kjšara. E kjîshko ga yo ian pjang kjok eshko dbo träk ðëme. Ga Sbö parkaga ši jek öötong shäng sakshko ga ak iak beno jong ba bängzakkšo ši dira, kjara beno jong ba sor go, ga sirkeno sök ba kjing go. 3Sbö parkaga ši kãšã ara so ðgwšëng kjoyo, shwong ko pjšubšún so pjäng sho kjoyo bakoe. 4Îya ëngkjwagaga šöng širë ga sëya ðëm, kjšo dete erä, ga dgono jek rish rish tjeng töshko, beno wošono šöng wšeni. 5Eshko ga Sbö parkaga ši tjšê wašëga ši kong ga “Ðëye bangkjrëmi ðëme. Miydër ga pjãy tek šöng ëre Jesús, zröraba pjang kjšös go ši doyo wšêga. 6Gueniyo ga e buk na ðëme. E woshrono iröng obi, šara om go sorë ši eni. Pjãy tek iak beno buk ši shtoyo îmia. 7Înomi ga pjãy nom mašing ba oppinggaga šöng ši shwoy, ga pjãy tjšê ba kong ga “Jesús, e woshrara Sbörë iröng obi. E jek Galilea kjokyo bomi bäm go. Îmi eshko” šëmi ba kong eni. Ðëye šër bomi kong wšo ši e” še. 8Eshko ga kjok bangkjre šok ara, gueniyo šöng wopjšú bakoe. Eni ga jek zron jong jongya Jesús oppinggaga šöng šishko, roy söya šok ba kong wšo. 9Eshko ga Jesús ëng wšêno ba tjok ga tjšê ba kong ga “Miga” še. Îya šok ga tek ba zšong bäng, ga dre popjšura šok, poshrëya wšo. 10Eni ga Jesús tjšê ba kong ga “Ðëye bangkjrëmi ðëme. Pjãy nom tjšê bor pjeyoga kong ga “Pjãy nom Galilea kjokyo. Jesús îmi eshko” šëmi ba kong eni” še. 11E wopro ga ëngkjwagaga Jesús doyo daga ši kjone kjone jek öötong šöng Jerusalén kjokyo roshko, syõshtaga kägäyoga îk. Öötong šöng eshko ga ðëye shäryono kës ši šara šok ba kong pjire. 12Kuya šok ga to šan judío tjšapgaga kjok ðgwega wšeniyo tjok, ðëye shärye wšo ši woyotjšîya jong kjrinaso wšo. E irgo ga dbur twara šok ëngkjwagaga ši kong arae. 13Ga tjšê šok ba kong ga “Ðëye înomi ši roy šëy ë kong ðëme. Pjãy to šöng tjšê oba kong ga “Shkëshko ga tjawa šöng pë wopro ga ba oppinggaga tek shrono šöng eshko, shinmo doyo buk ši šûyotkara, ga söra toe” šëmi oba kong eni. 14Roy kuya nopga kjok ëre so ichagaga širë ga tjawa šan ba tjok yõtso eshko. Pjãy woydë ðë kjîy ðëme” " še. 15Kuya ëngkjwagaga širë ga dbur ši kjrara, ga ðëbo shäryara, šara šok ba kong sorë ši eni. E kjîshko ga dbar eerishko ga judíoga omroy šë šöng eni. 16E irgo ga Jesús oppinggaga dogšo sak kjwara kjingsho kjšara (11) ši to öötong šöng Galilea kjokyo, dšup jong šara Jesúsdë ba kong ši go. 17Eshko ga Jesús îna šok, ga poshrëra. Gueniyo kjone kjone wotjšîk ga e Jesús ðëm dikjoyoe še. 18Eshko ga Jesús tek ba zšong bäng ga tjšê ba kong ga " “Tja kong dbo twara Sbörë, tja ber sök kjok dogo sopga, kjok ëre sopga šöng kës ši, e ichaga wšo. 19Eni ga pjãy jongya jong kjok kjwang jîkong, tja roy šëmi tjëyoga uunkong kong, epga ber šöng bor oppingga wšo. Ga Data Sbö ko go, Sbö Wa ëre ko go, Sbö Sëya ko go ga epga wëmia. 20Ga ðëye šoror bomi kong, shäryëmi wšo ši pimi ba kong pjir, shärye šok eni bako wšo. Ga tja ber shäng bomi tjok îyado, äär jong kjok pjir dbaryo šishko”

will be added

X\