MATEO 27

1Wêshko kjok shröng ga syõshtaga kägäyoga, judío tjšapgaga kjok ðgwega wšeniyo, Jesús zröya šok sorë ši, e ðgwera šok pjire. 2E irgo ga Jesús orkwo pjrira, ga söra šok jek, ga twara Pilato kong. Pilato, e kjok eshko so ichaga. 3Jesús roy kura Judas, ba soynega širë, ga miydara ga Jesús, e zrökko. Eshko ga bangyo ba kong ara, ga dbur sho pjšubšún kjwo sak mya (30) ba potjwšêkkšo ši twara iröng syõshtaga kägäyoga, judío tjšapgaga kjok ðgwega wšeniyo kong, ga tjšê ba kong šok ga 4”Ðëbo owa shäryoror. Domer pjšo bek tworor bomi kong, zrömi wšo” še. Gueniyo kuya šok ga tjšê ba kong ga “E borwa kong ga ðëye drete. E miydaga ber pjarë om go” še. 5Eni ga dbur sho ši dbukza Judasdë shšäw, beno tjeng Sbö u dburyo jnezšong uyo ši roshko, ga to jek ey dwayo, ga opskunoe. 6Dbur sho ši töna syõshtaga kägäyogarë, ga tjšê ëng kong ga “Dbur sho ëre, e domer potjwšêkkšo, zrökoba wšo. E kjîshko ga iëy ber jong Sbö u ši dburyo jnezšong ga äe” še. 7Eni ga šanyotkara šok pjir ga kjok tjwšêna kjrina ko Kšung Sbiyo Shäryaga kjokyo, ber buk sakshko, oba shto obšë so kong wšo. 8E kjîshko ga kjok eshko kowaraba beno srëng kjokyo, ga eerishko ga kowëba jong eni obi. 9Eni ga tjšõkwo šara Sbö tjšõkwo šaga tek dënashko so Jeremíasdë ši beno jšõkoyo. Tjšêno beno eni: “Dbur sho pjšubšún kjwo sak mya (30) ši kjrara šok, e tjwšõ iara Israel tjëyogarë beno eni. 10Ga Kšung Sbiyo Shäryaga kjokyo ši tjwšêna šok dbur ši go,tja ichara Tjšapgarë sorë ši eni.” 11Jesús söra šok öötong shäng kjok eshko so ichaga Pilato bokshtoshko ga Pilato tjšê ba kong ga “¿Judío pjšuyo ši pjare?” “Šëp sök om go širo” še ba kong. 12Eshko ga Jesús rote syõshtaga kägäyoga, judío tjšapgaga kjok ðgwega wšeniyorë šöng ara. Gueniyo dboryara Jesúsdë ðëme. 13Eni ga Pilato tjšê ba kong ga “¿Pja rote šöng ara ši kugöp ðëmdo?” še. 14Gueniyo dboryara kjak kjwara ðëme. E kjîshko ga woyotjšîya Pilatorë arae. 15Äär šu pjšobi go ga Israel tjëyoga döktong tek Egipto kjokyo dwayo dbaryo shrëkkšoshko ga nopga bängzak tjeng no shdûzšong uyo roshko ši, enido ga raye Pilatorë kjšara. Woyde nopgarë kjone dey ga e rayayde. 16Eshko ga no bängzak shäng kjšara ko Barrabás, roy kësbange. 17Eni ga nopga shrono šöng arashko ga Pilato tjšê ba kong šok ga “¿Woydëmi ga ëye dör, Barrabásde, de Jesús, e kowëba no pjšuyo ichara Sbörë shrono shäng ši?” še. 18Miydara pjšú ga Jesús woydëba ara kjîshko ga ymoyotke ba wšoyogarë ara, ga söra šok ba kong e kjîshko. 19Pilato sök no ðgwezšong shtoyo wopro ga ba boy tjšõkwo ichono ba kong. Tjšê ga “Domer ðgwep sök ši, e pjšo beke. Kjupke shkëyo ga e yoyoînor owa anmoyõ. ¡E kjîshko ga wêyê, barwëy ðëme!” še. 20Gueniyo ga nopga tjeng ara eshko ši poshduna syõshtaga kägäyoga, judío tjšapgaga kjok ðgwega wšeniyorë arae. Tjšê ga “Rokozî ba kong ga Barrabás, e döyde bi kong dey šozî eni. Rokozî obi ga Jesúsda zrökko šozî eni” še. 21Eshko ga Pilato tjšê nopga šöng ši kong ga “¿Nopga do pjök ëre dör bomi kong kjone dey?” “¡Barrabás, e döpdë!” še šok ba kong. 22Kuya ga tjšê ba kong ga “¿Eni ga ðëye woydëmi ga shäryër Jesús, no pjšuyo ichara Sbörë shrono shäng šëba ši kong?” “¡Zrös pjang kjšös go!” še šok eni. 23Kuya ga tjšê ba kong ga “¿Ðë kjîy? Ðëbo owa shäryara ši šozî bor kong” še. Gueniyo nopga tjšê jek obi ga “¡Zrös pjang kjšös go!” še eni. 24Eni ga îya Pilatorë ga nopga ši tjšõkwo jong kjwaraso, nopga shdöktong ëngkjwë woydë wšeni, ðëye še ba kong, kjšopswë ber wotjšîk obšë wšo ga äe. E kjîshko ga di rokara sira, ga orkwo shkwono nopga ši bokshto. Tjšê ga “Kjwe ichër zrökoba wšo, gueniyo miydaga ber tjarë ðëme. Miydaga ber pjãydë om go” še. 25Kuya nopga širë ga tjšê ba kong ga “Wošono ga miydaga ber tjawarë, borwa wapgarë bakoe” " še. 26Eni ga Barrabás, e shira, ga rayarae. E irgo ga Jesúsda twara ba ëngkjwagaga kong, shpoya šok no shpokkšo go wšo, zröya šok pjang kjšös go wšo bakoe. 27Eni ga söra šok, öötong shäng Pilato u bongkjako. Shto eshko, e kowëba pretorio. Ga ëngkjwagaga töno tjeng uunkong eshko, ba zšong bäng pjribrie." 28Eshko ga Jesús shwong skwara šok, ãska wšêna šok kara pjšupga shwong wšeniyo ko dingding shwëshwë, ga pjuna šok ba do go. 29Ga shkö sho ywara šok kjwara, beno pjšu dšu iokšo wšeni, ga iara šok pjang ba dšu go, ga kong kjë twara kjwangna, ba orkwo këšëkong. Eshko ga tjšê šok ba kong dbo go ga “¡Judío pjšuyo, pja pjšú, pja tjwšõ arae!” še šok eni, ba joywokšo. 30Eshko ga go tröng twara, shpokza šok tjã tjã kjë ši go ara ba käshko bakoe. 31Joywara šok pjir ga ba shwong pjang ba do go ši skwara šok, ga ba shwong baîya ši pjuna šok jek iröng obi. E irgo ga söra šok to, zröya šok pjang kjšös go wšo. 32Jek šöng kjwšë irbo bäng go ga domer wšêna šok kjšara ko Simón, e Cirene so, ga ichara šok dbo go Jesús kjšös ši sök. 33E irgo ga jem öötong šöng kjokyo ko Gólgota. (E “No Kä Dbogšo dšupyo” šokšo.) 34Eshko ga kjiðgwo bo dyo dbo ara ropsrära šok ðëbo këä wšeniyo tjok, ga twara šok Jesús kong, ie wšo. Tjšîna sira, gueniyo iara ðëme." 35Eshko ga šöra šok pjang kjšös go irgo ga ëngkjwagaga tjeng ši tjöto šok ðëbo jyãgšo go, Jesús shwong ši ber ë kong îya šok wšo. 36E irgo ga sirkeno šöng eshko ba dë. 37Jesús šök pjangshko ši kopshko, kjibokwo iak pjang kjwara, e zröya šok ðë kjîy miydëba wšo. Kjibokwo tak pjang ši tjšê ga “Domer ëre ko Jesús. E judío pjšuyo.” 38Jesús šöra pjangshko ga nopga šû ä wšeniyo šöra šok do pjök kjšös go bakoe. Kjšara pjang or këšë, kjšara pjang or mišë, kjšösyo dboy dboye 39Eshko ga nopga jek šöng Jesús šök pjangshko ši kä wikza tjã tjã, joywe šok wšo. Ga šãywe šöng owa bakoe. 40Tjšê ga “Pja Sbö u shdök ber dret, ga äär dbargwo mya ga shäryëp ber ba shtoshko iröng obi šorop eni. Pja Sbö Wa jšõkoyo ga pja opdös om go, pja ter opšõs töshko kjšös kjwe go dwayo” še. 41Jesús joywe syõshtaga kägäyoga, no pinggaga kjok ðgwekkšo tara Moisésdë ši go, judío tjšapgaga kjok ðgwega wšeniyorë eni bakoe. Tjšê šok ëng kong ga 42”Oba obšëra döra, gueniyo opdök om go ga äe. Kjwe Israel tjëyo pjšuyo še. Woyde ga opšong töshko kjšös kjwe go dwayo. Enira tjawa mär ba go kjwe. 43“Tja mär Sbö go” šara. Enira woyde Sbörë ga döya. “Tja Sbö Wa” šara bi kong om go” " še. 44Nopga do pjök šû ä wšeniyo šök šok kjšös go Jesús pjšor kar kar ëmdë ga omšãywë šöng eni bakoe. 45Öötong dšo dšuw bek ga kjok ro zoktong kjok kjwang jîkong beno yêt erä. Beno eni äär jong dšo pjö šë wšeni. 46Dšo öötong eni ga Jesús tjšêno dbo go, tjšê ga " “Elí, Elí, ¿lama sabactani?” "še. (E “Bor Sbö, bor Sbö, ¿tja rayorop jûni ega?” šokšo.) 47Kuya nopga tjeng eshko širë ga tjšê ëng kong ga " “Sbö tjšõkwo šaga tek dënashko so Elías, e rokayde pjang” še. 48Eshko ga domer shäng kjšara jek tji tji, ga ðëbo ðukðuk di shak ara wšeniyo kjrara kjwara, pöra kjiðgwo bo dyo shpoä go, kjrochara kjor dbo go, ga poyona jem, shuya Jesúsdë wšo šara. 49Eshko ga ðamo šöng ši tjšê ba kong ga “Wêyê. Elías tjwe ba dökde îy” še. 50E irgo ga ay še Jesúsdë dbo go obi, ga wošonoe. 51Eshko ga Sbö u roshko ga shwong kësbang iak pjang eshko ši dwšëtong aas ter kjomo dwayo äär jong töshko, beno kjring pjök. Kšung iano jek shkik shkik, guëng woktong aas, 52ga sak roshwino ara. Eshko ga Sbö nopga kjone kjone wošono tjeng ši, e woshrara Sbörë iröng obi, beno šöng së, 53ga opshino ba sak roy dwayo. Ga Jesús woshrara Sbörë iröng obi irgo ga epga jek öötong opzrëno šöng kjok zrek ko Jerusalén ši roshko. Eshko ga îkoba šöng arae. 54Jesús šök pjang kjšös go ši bokshto ga ëngkjwagaga šöng kjšöbö ba dë, ba kägäyo shäng ba tjok. Yo ši kura šok, ga ðëbo shäryono ši îna šok uunkong. Eni ga bangkjrara šok tira ðëm, ga tjšê šok ëng kong ga “Shinmo šök pjang kjšös go kjwe, e Sbö Wa jšõe” še. 55Eshko ga wašëga tjeng kjšöbö, tek tjeng Galilea kjokyo dwayo Jesús tjok, ba kjimtë wšo. Eshko ga ðëye shäryëba Jesús kong ši îya tjeng pjola sit. 56E tjrëko tjeng dogšo mya, kjšara ko María Magdala so, kjšara, e Zebedeo boy, kjšara ko María. María, e Santiago, José mekë. 57Domer dbur ara wšeniyo shäng kjšara ko José, e Arimatea so. E oppino ara Jesús tjok. Kjok sëng ga 58jek öötong shäng Pilato shwoy ga Jesús doyo rokara ba kong, jneya wšo. Eni ga ba nopga ichara Pilatorë, Jesús doyo twë ba kong wšo. 59Eni ga kjrara Josérë, popgara shwong ko pjšubšún, pjšú wšeniyo go, 60ga söra jek öötong sak baîyashko. Eshko ga pjšëbgwo jong kjwara guëmkwota roshko, kara Josérë om go. Shinmo iaydëba eshko ðëm obi. Eshko ga doyo ši iara beno buk ba roshko, ga bängzara ak kësbang wšeniyo go, ga toe. 61María Magdala so, María obšë ši, e sirkeno beno šöng sak ši bokshto. 62Wêshko, woshtozšong dbaryo ga syõshtaga kägäyoga, fariseoga, e jek šok Pilato shwoy. Öötong šöng ba shwoy ga 63tjšê šok ba kong ga “Tjšapga, woyoshrërwa ga jyõgwang ši shäng së obishko ga tjšêno ga “Äär dbargwo mya ga tja woshre Sbörë iröng obi” šara eni. 64E kjîshko ga rokërwa bop kong sira ga nopga ichëp ba doyo buk sakshko ši dë, äär jong dbargwo mya. Eni ðëm ga ba oppinggaga tjwe ba šûyotkë kjwe. Eni kjwe ga tjšê šok oba kong ga “E woshrara Sbörë iröng obi” še kjwe. Eni ga jyõ ëre ber owa anmoyõ, jyõ šara bäm go ši kjinmo” še. 65Kuya ga tjšê ba kong ga “Jöšö. Ëngkjwagaga sözî kjšöbö, doyo buk kjone ši dëmi yõtso wšo, miydëmi sorë ši eni” še. 66Eni ga jek öötong šöng sak šishko ga jyã iara šok beno pjang ak jong ba bängzakkšo ši go, dökoba ðëm wšo, ga ëngkjwagaga ši iara beno šöng ba dë eshko.

will be added

X\