MATEO 21

1Jesús jek shäng jongya Jerusalén kjokyo ba oppinggaga tjokshko ga öötong šöng Betfagé kjokyo, e ber buk Olivos dšupyo pogšo go. Eshko ga ba oppinggaga jek šöng ba tjok ši rokara do pjök, 2ga tjšê ba kong ga “Pjãy nom kjok buk bi bokshto kjweshko. Kjweshko ga öng so kwomgša kjoyo dre töshko popga wšêmi sök kjšara kjro go, ba wa wšënggša tjok. Komi, ga tek sömi bor kong. 3Eshko ga ëbo ðëbo šë bomi kong wšenishko ga “Woyde Tjšapgarë” šëmi ba kong eni, ga iche tek bomi tjok jekdo” še. 4Shäryono eni, tjšõkwo šara Sbö tjšõkwo šaga tek dënashko sorë ši ber jšõkoyo wšo. Tjšêno beno eni: 5”Šëmi Sión sopga kong ga“Bomi pjšu tek sök dörö bomi shwoy wšêp,öng so kwomgša kjoyo dre töshko kjing go.Tjwe öng ðëbo shgokšo wa kjing go” šëmi ba kong eni.” 6Kuya šok ga shäryara eni. 7Öng ši söra tek shrono ba wa tjok. Ga ba shwong kop šëkong ši iara öng do pjök ši kokso kjing go. Eshko ga Jesús opyono sök öng ši kjing go. 8Eshko ga nopga jek šöng ba tjok ara. Kjone kjone, ba shwong kop šëkong skwara šok, ga kwoptara šok irbo bäng go. Kjone kjone, kjor korga zara, ga kwoptara šok irbo bäng go bakoe. 9Nopga jek šöng ba bäm go, nopga jek šöng ba irgo, öö še šok ara. Tjšê ga “David tjëyo kjwe pjšú jšõe. Kjwe ichara Tjšapgarë shrono kjok ëreshko. Kjwe kjimte Sbörë. Sbö sök kjok dogo, e pjšú jšõe” še. 10Jesús jek opzrëno Jerusalén kjokyo roshkoshko ga nopga tjeng eshko ši shdöktong uunkong ðaw pogo, ga tjšê ga “¿Kjwe ëro?” še. 11Nopga jek šöng Jesús tjok ši tjšê ba kong ga “Kjwe Jesús. E Sbö tjšõkwo šaga. E Nazaret so. Nazaret kjokyo, e Galilea kjokyo obi” še. 12E irgo ga Jesús jek opzrëno öötong shäng Sbö u zšong bäng, ga nopga šöng eshko ðëbo soynek, ðëbo tjwšêk ši ichara uunkong ey dwayo. Ba dbur bapkwo kjšopswozšong oba kong ši poskara beno tjeng töshko. Dunggwo soynega sökkšo ši poskara beno tjeng töshko bakoe. 13Ga tjšê ba kong šok ga “Sbö tjšõkwo tak pjang eni: “Bor u, e kowëba ber syõ uyo wšo. Gueniyo ioromi beno jong šû uyo”“ še. 14Eshko ga nopga kjok îgö ðëm wšeniyo, nopga jëk ðëm wšeniyo, e tek shrono šöng Jesús zšong bäng, ga poptara. 15Syõshtaga kägäyoga, no pinggaga kjok ðgwekkšo tara Moisésdë ši go, e šöng eshko. Jesús shäng ðëbo îydëba ðëm wšeniyo shäryë ši îna šok. Eshko ga öö še kjwozirgarë šöng Sbö u zšong bäng, tjšê ga “David tjëyo kjwe pjšú jšõe” še ši kura šok bakoe. Eni ga iirkë šok ara, 16ga tjšê šok Jesús kong ga “¿Ðëye še šok ši kup shängde?” “Ëng. Sbö tjšõkwo tak pjang eni: “Kjwozirga, chidaga, e ichorop bop poshrëk, ba tëkwo go.” ¿E šomirë ðëmdo?” " še ba kong. 17E irgo ga nopga ši beno šöng eshko, ga Jesús to opshino Jerusalén kjokyo dwayo, jek öötong shäng Betania kjokyo, ga pono beno buk shkër kjwara eshko. 18Wêshko kjok shröng ga Jesús to jek shäng iröng obi Jerusalén kjokyoshko ga pjši arae. 19Eshko ga kjor jong kjšara irbo ši sor go ko higuera. Îya ga jek äär ba zšong ga jong bo dret, korga tjok erä. Eni ga tjšê kjor jong ši kong ga " “Pja ber botjyë ame” še ba kong, ga kjor ši dano jekdo beno jong dogroe. 20Îya ba oppinggagarë ga beno šöng yëy še erä. Ga tjšê ba kong ga “¿Kjor kjwe dano jekdo sorë?” 21”Pjãy mär bor go jšõkoyo, ga bor dbo ara äär ðë go ðëme šëmi ðëm wšeni ga šër bomi kong jšõkoyo ga ðëye shäryoror ëre shäryëmi ga pjšú, ga pjãy tjšê dšup ëre kong ga “Dšup, pja opkjos jer dšung roy” šëmi ga shäryë eni bakoe. 22Pjãy ðëbo rokë syõ goshko ga woyotjšîmi ga twe Sbörë šëmi jšõkoyo ga wšêmi” " še ba kong. 23E irgo ga Jesús opzrëno jek öötong shäng Sbö u zšong bäng. Eshko ga oba pîya shäng wopro ga syõshtaga kägäyoga, judío tjšapgaga kjok ðgwega wšeniyo, e tek shrono šöng ba zšong bäng ga tjšê šok ba kong ga " “¿Ðëye shäryëp shäng ši shäryëp ega? ¿Pja ichaga ërë?” 24”Pjãy kong ðëbo kjakrokër bakoe. ¿Juan No Waga, e ichaga ërë no wë? ¿Ichaga Sbörëre, de norë? Tja dboryoromi ga tja ichaga ërë šër bomi kong bakoe” še ba kong.Kuya šok ga tjšê šok ëng kong ga “Ichaga Sbörë šoroy ba kong wšeni ga “¿Tjšõkwo kjroromi ðëm ega?” še bi kong. 26Gueniyo Juan, e Sbö tjšõkwo šaga še nopga uunkongdë. E kjîshko ga ichaga norë šëy ga ä bakoe. Nopga ši bangkjrëy ara kjîshko” še. 27Eni ga tjšê šok Jesús kong ga “Miydërwa ðëme” še. Kuya ga tjšê ba kong ga “E kjîshko ga tja ichaga ërë šër bomi kong ðëm bakoe” še. 28E irgo ga Jesús tjšê ba kong ga “Ðëye šër bomi kong ëre woyotjšîzîa. Domer shäng kjšara, wapga tjeng domerga do pjök. Pjšara ga tjšê ba wa kjšara kong ga “Pja nom parkë bor kjokshko, kjiðgwo bo ara šishko” še. 29Kuya ga tjšê ba kong ga “¡Tja jek parkë woydë ðëme!” še. Gueniyo döni ga wotjšîno obšë, ga to jek parkë. 30E irgo ga domer ši tjšê ba wa kjšara obi kong ga “Pja nom parkë bor kjokshko” še. Kuya ga tjšê ba kong ga “Jöšö, Data. Tja to parkë” še, gueniyo to jek ðëme. 31¿Kumi ga ba wa kjone dey ga ba data košara?” še. Nopga šöng eshko ši tjšê ba kong ga “Bäm go šira ba data košono” še. Kuya ga tjšê ba kong ga “Šër bomi kong jšõkoyo ga nopga dbur töngga Roma so kong, wašëga to šöng opsoynek domerga obšë obšë kong wšeniyo, e äär ber šöng Sbö sök no pjšuyo îyado šishko bomi bäm go. Juan No Waga shrono shäng irbo pjšo bek ši ping bomi kong, ga tjšõkwo kjroromi ðëme. Gueniyo ga nopga owa šër ši, epgara omtjšõkwo kjrono. Înomi eni ëmdë ga ðëbo owa shäryëmi šöng ši, e owa jšõe šoromi ðëm, ga rayoromi ðëm, ga tjšõkwo kjroromi ðëm obi. E kjîshko ga nopga owa šër ši kongda, Sbö, e ber ba pjšuyo, bomi bäm go. 33”Tja tjšê bomi kong ðëbo jyãgšo go. Kuzîa. Domer shäng kjšara kjok sogo. Pjšara ga kjiðgwo dwšayo dgara ba kjokshko, kjëryo tyara jong pjribri, kšung kjara ber kjiðgwo bo ðruzšong shtoyo wšo, ga u shäryara jong kjwara ba dwša ši dokšo. Pjir ga kjok ši poskwona parkagaga kjšöbö kong, potjwšêya î, ga to kjok shto obšë. 34”Öötong kjiðgwo bo kjrozšong dbaryo ga ba parkagaga ichara kjšöbö, kjiðgwo bo ber ba kong ši rokë parkagaga beno šöng ba kjok daga ši kong. 35Gueniyo ga ba parkagaga ichara tjwe šöng ši shara kjok dagaga šöng širë, kjšara shpora, kjšara zröra, kjšara šöra ak go. 36E irgo ga ba parkagaga ichara jek kjšöbö obi, ichara bäm go ši kjinmo. Öötong šöng kjok buk šishko ga ðëye shäryara kjok dagaga šöng širë bäm go sorë ga shäryara jek eni obi parkagaga ichara obi ši tjok. 37”E irgo ga ba wa ichayde shara. Wotjšîk ga “Miydër ga bor wa ërera bangkjre šok” še. 38Gueniyo öötong shäng eshko ga ba wa ši îya kjok dagaga šöng širë ga tjšê šok ëng kong ga “Ðono ga kjwe ber kjok ëre sogo. Zröroy wšeni ga kjok ëre kjrëy, ber bi kong wšo” še. 39Eni ga shara šok, shira kjok ši roy dwayo, ga zröra šok. 40”¿Eni ga kjok sogo ši tjwe iröng obishko ga ðëye shärye ba tjok šok šëmi?” še. 41Kuya šok ga tjšê ba kong ga “Parkagaga owa ši songe še ðëme. Zröya jekdo. Pjir ga parkagaga wšêya obšë, dwša bo kjrozšong dbaryo ga dwša ba kong bayo kjöme ši twe ba kong wšo” še. 42Kuya ga tjšê ba kong ga “Sbö tjšõkwo tak pjang eni:““Akkwo woydara u shäryagagarë šok ðëm ši,e iak beno buk bäm go,beno tjwšõ ara, obšë kjinmo.Shäryara Tjšapgarë eni,ga tjawa beno šöng yëy šërwa erä.”¿E šomirë ðëmdo? 43E kjîshko ga šër bomi kong ga pjãy kjrara Sbörë, e ber bomi pjšu wšo. Gueniyo pjãy omkošë ðëm kuzong ga obšë omkošë pjšú ši kjrayde, e ber ba pjšu shara wšo. 44Ëye šono akkwo ëre kjing go ga tar pjäs erä. Ga akkwo ëre šono ë kjing go ga e sho shguir ber tjeng šušue” še. 45Tjšêno ðëbo jyãgšo go ši kuya syõshtaga kägäyoga, fariseogarë ga miydara šok ga ba šayde shäng. 46Eni ga shaya šok woydë, bängzaya šok wšo. Gueniyo oba bangkjre šok ara, Jesús, e Sbö tjšõkwo šaga šëba kjîshko.

will be added

X\