MATEO 15

1Eshko ga fariseoga, no pinggaga kjok ðgwekkšo tara Moisésdë ši go, e kjone kjone tjwe šöng Jerusalén kjokyo dwayo, tek shrono šöng Jesús shwoy ga tjšê šok ba kong ga 2”¿Bop oppinggaga kjwe, bi tjšapgaga tek dënashko so sdëkwo bangkjre šok ðëm ega? Ië šokshko ga orkwo shkwë ðëme” še. 3Kuya ga tjšê ba kong ga “¿Bomi sdëkwo kjîshko ga Sbö kjok ðgwekkšo košëmi ðëm ega? 4Sbö tjšêno ga “Bomi dataga, bomi mekëga, e bangkjrozî, iozî ber tjwšõ ara.” Sbö tjšêno obi ga “Ëye ba data, ba mekë šãywono owa ga e zrökko.” 5Gueniyo ga ëye tjšêno ba data, ba mekë kong ga “Pja kjimtër ga äe. Bor ðëbo uunkong ëre tworor tjeng Sbö kong pjire” šara ba kong pjir ga 6ba data, ba mekë kjimte ame ga pjšúe šëmi eni. Eni ga bomi sdëkwo kjîshko ga Sbö tjšõkwo ioromi beno tjwšõ ðëme. 7¡Pjãy Sbö tjšõkwo söga jšõkoyo šëmi, gueniyo pjãy wotjšîk owa bomi pjšúshko! Ðëye šara Sbö tjšõkwo šaga tek dënashko so Isaíasdë bomi kjîshko ši, e jšõe. Tjšêno beno eni: 8”“Nopga ëre, tja poshrëya ba kjamo go,gueniyo tja woyotjšîya ba pjšúshko ðëme. 9Tja poshrëya šöng ši ðëno ðëm,nopga pîya kjok ðgwekkšo tak norë go erö kjîshko”“ še. 10Eshko ga nopga rokara tek ba zšong bäng, ga tjšê ba kong ga “Tja kuzîa. 11Nopga äär ber owa Sbö bokso šaga dši ue širë ðëme. Miga ber šöng eni ši šaga ba tjšõkwo še om go širë” še. 12Wop tjok ga ba oppinggaga tek shrono šöng ba zšong bäng ga tjšê ba kong ga “Ðëye šorop ši kjîshko ga fariseoga iirkono ara. ¿E miydëpde?” 13”Dwša dgara bor Data sök kjok dogo širë ðëm ga e skwako sšeng go. 14Kjwepga šöng wêyê. Kjok îgö šok ðëm, gueniyo šöng obšë kjok îgö ðëm wšeniyo wšosök. Eni ga no kjok îgö ðëm wšeniyo wšosöya no kjok îgö ðëm wšeniyorë ga šon tjeng pjöyîkong pjšëbgwo kjwaraso roy” še ba kong. 15Eshko ga Pedro tjšê ba kong ga “Ðëye šorop ðëbo jyãgšo go ši pjšoðgwes borwa kong sira” še. 16Kuya ga tjšê ba kong šok ga “¿Ðëye šër shäng ši ðë šokšo miydomirë ðëm obire? 17Dši uëy ši jer bi kjamo roy, äär ber tjeng bi bö roshko. Pjir ga tur bi roy dwayo. ¿E miydëmi ðëmdo? 18Gueniyo ga tjšõkwo šëy ši wen tëm bi pjšúshko dwayo, ga tur bi kjamo go. Nopga äär ber owa Sbö bokso šaga erë. 19No wotjšîk owa, no zrök, pë no orkwosmono ba tjok ðëm ši tjok, šûrkë, jyõrkë, obšë jyõyotkë, obšë šãywë owa, e wen tëm ba pjšúshko dwayo uunkong. 20Nopga äär ber owa Sbö bokso šaga ðëbo tjeng kës ërerë. Gueniyo ëye ber pjšo bek Sbö bokso, iono orkwo shkwono ðëm kjîshko ðëme” še. 21E irgo ga Jesús opshino to kjok eshko dwayo, jek öötong shäng Tiro kjokyo, Sidón kjokyo, e soshko. 22Wašë sök kjšara eshko Canaán so. Tek shrono shäng Jesús shwoy ga tjšê ba kong dbo go ga “¡Tjšapga, David tjëyo, tja songe šozong! Bor wa wašë, goshko Ä sëya kjšara, în ga songe” še. 23Kuya ga dboryara ðëme. Eni ga ba oppinggaga tjšê ba kong ga ““Pja nom na dwayo” šos wašë kjwe kong, tek shäng öö še ara bi irgo kjîshko” še. 24Kuya ga tjšê wašë ši kong ga “Tja ichara Sbörë Israel tjëyoga kong döe. Epga öng wšêp ushko so jeno šöng wšeni” še. 25Eni ga wašë ši tek shrono shäng ba zšong bäng ga kjök tono, tjšê ba kong ga “¡Tjšapga, tja kjimtozong!” še. 26Kuya ga tjšê ba kong ga “Bi wapga dši ši döy, twëy shjiti kong wšo ga äe” še. 27Kuya ga tjšê ba kong ga “Jšõe, Tjšapga. Gueniyo ba sogo iëshko ga dši pjšoyo šon ter töshko ga ue shjitirë ga pjšúe” še. 28Kuya ga tjšê ba kong ga “Pja mär bor go jšõkoyo. Woydorop sorë ši shäryë eni” " še. Ga ba wa ši poptono jekdo eshko. 29Jesús opshino to eshko dwayo, jek öötong shäng Galilea di bäng buk kësbang ši sor go. Eshko ga to jem öötong sök dšup go. 30E irgo ga nopga shrono šöng träk ðëm sök šishko. Swšopga söra šok ara, nopga jëk ðëm wšeniyo, nopga kjok îgö ðëm wšeniyo, nopga orkwo owa, dre owa wšeniyo, nopga tjšê ðëm wšeniyo, nopga swšo obšë obšë bakoe. Eni ga söra šok Jesús zšong bäng, ga poptarae. " " 31Eshko ga nopga swšo ara wšeniyo, e poptono, nopga tjšê ðëm wšeniyo, e tjšêno, nopga orkwo owa wšeniyo, e orkwo poptono, nopga dre owa wšeniyo, e dre poptono, nopga jëk ðëm wšeniyo, e jëktong, nopga kjök îgö ðëm wšeniyo, e kjok îno bakoe. Îya šöng širë ga beno šöng yëy še erä, ga Israel tjëyo Sbö poshrëra šok ara. 32E irgo ga ba oppinggaga rokara Jesúsdë tek ba zšong bäng, ga tjšê ba kong ga " “Nopga kjwe šöng bor tjok na öötong dbargwo mya, ga ðëye uako ðëme. E kjîshko ga songe šër. Jek ichër šöng ba ushko ië ðëm ga äe. Wopjir irbo kjwe” še. 33Kuya šok ga tjšê ba kong ga “¿Nopga träk ðëm kjwe sèy sorë? ¿Kjok no ðëmshko ëre dši wšêy kjone?” še. 34Kuya ga tjšê ba kong ga “¿Pjãy pjšung shosho suk pjir tjeng kjwobi?” “Tjeng kjwo kjäk (7), mã chilawa tjeng kjwöbö bakoe” še šok ba kong. 35Eni ga nopga ši ichara Jesúsdë wšar uunkong töshko. 36Pjir ga pjšung shosho suk pjir kjwo kjäk (7) ši, mã ši, e kjrara, ga tjšê Sbö kong ga “Tjawa kong dši tworop ëre. Tjawa ber wopjšú bop tjok e kjîshko” še. E irgo ga dši ši tora, twara ba oppinggaga kong. Ga pjšorgara šok nopga tjeng kës ši kong. 37Nopga uunkong iono beno šöng bö tjung, wopjšúe. E irgo ga dši worbo töna ba oppinggagarë šok shing roshko, beno tjeng shing kjwo kjäk (7), tjung tjunge. 38Domerga iono uunkong dogšo sak dbäw dbäw pjšogšo pkëng (4,000). Wašëga, kjwozirga, e shtak ðëme. 39E irgo ga nopga briktong pjir ga Jesús opyono kjyong roshko, ga to ey dwayo, jek öötong shäng Magdala kjokyo.

will be added

X\