Marcos 3

1Woshtozšong dbaryo obšë ga Jesús opzrëno jek judíoga syõ uyo jong kjok eshko ši roshko. Domer shäng kjšara eshko orkwo kjwara sšosšoe. Fariseoga šöng eshko bako, Jesús dë, swšo ši popte woshtozšong dbaryore îya šok wšo, rote e go wšo. 3Eshko ga Jesús tjšê swšo ši kong ga “Pja kojõs shäng nopga šöng kës ëre tjrëko” še. 4E irgo ga Jesús tjšê fariseoga ši kong ga “¿Woshtozšong dbaryo ga ðëye shäryëy obšë kong ga pjšú? ¿Ðëbo pjšúre, de ðëbo owa? ¿Ëre dbaryo ga kjšara buk ba ðëmdo shinmotkë wšo ga ðëye shäryëy? ¿Wêyêre, de kjimtëy?” še. Kuya šok ga beno tjeng kjing erä. Dboryara šok ðëme. 5Eshko ga šöng ba zšong bäng pjribri ši îna, ga iirkorgö ba kong, swšo ši songe še šok ðëm kjîshko. Ga tjšê swšo ši kong ga “Pja orkwo roshwîzong” še. Kuya ga orkwo roshwino, ga poptono beno pjšúe. 6Gueniyo ga fariseoga opshino jek šok ey dwayo, ga öötong ëng töno šok Herodes pjšoyoga tjok. Eshko ga tjšê šok ëng kong ga “¿Jesús, e zröy sorë ga pjšú?” še. " še. 7Dbar kjwara ga Jesús opkjono jer öötong shäng ba oppinggaga tjok di bäng buk kësbang ši kjako. Nopga to jek ara ba tjok. Jesús roy öötong kjok shto obšë obšë, ga nopga shrono šöng ara ba îk, Galilea sopga, Judea sopga, Jerusalén sopga, Idumea sopga, kjok buk Jordán diyo kjwo kašëkong sopga, Tiro sopga, Sidón sopga bakoe. " 9Jesús shäng nopga poptë ara, e miydaraba kuzong ga swšopga shrono šok ara ba zšong bäng, porwe šok wšo. E kjîshko ga ba oppinggaga ichara kjyong wšêk kjšara, nopga tjwe arashko ga jem tyë kjyong ši roy wšo, ðikoba ðëm wšo. 11Eshko ga nopga goshko Ä sëyaga tjeng kjšöbö. Jesús îya šokshko ga tjwe šöng ba zšong bäng, ga kjök torgö, öö še šok, tjšê ba kong ga “¡Pja Sbö Wa!” še. 12Kuya ga tjšê ba kong ga “Tja ë šëmi ë kong ðëme. ¿Kuromire?” " še. 13E irgo ga Jesús to jem dšup jong kjwara eshko bigdo go. Eshko ga nopga rokara tek ba zšong bäng kjšöbö, 14ga kjrara dogšo sak kjwara kjingsho pjök (12), ber šöng Sbö tjšõkwo roy šaga ba ãska wšo, ber tjeng jëk ba tjok wšo, iche Sbö tjšõkwo roy pjšú shdök kjok shto obšë obšë wšo, 15Ä sëyaga tjeng oba goshko ši iche dbo twara ba kong ši go wšo bakoe. " 16Domerga kjrara dogšo sak kjwara kjingsho pjök (12) ši ko šok eni: Simón, e koiara beno Pedro; 17Santiago, e Zebedeo wa; Juan, e Santiago kjšarayo, pjöyîkong ši kowaraba Boanerges (e epga so kjrik kjoyo šokšo); 18Andrés; Felipe; Bartolomé; Mateo; Tomás; Santiago, e Alfeo wa; Tadeo; Simón, e zelote; 19Judas Iscariote, e Jesús soynega. 20E irgo ga jesus jer dšup ši dwayo, ga opzrëno jek u roshko. Jesus ĩkoba shrono šöng ara kuzong ga Jesus, ba oppinggaga, e kong dbar ië šok wšo ëmdë jga drete. 21Eni ga ššëye shärye shäng ši roy kuya ba pjeyoga epenga širë ga woyotjšĩya šok ga E skwêrkono dikjoyoe še. E kjĩshko ga tjšê šok ëng kong ga “Shji to wšokjrë” še. 22No pinggaga kjok ðgwekkšo tara Moisésdë ši go tek shrono šöng Jerusalén kjokyo dwayo kjšöbö, ga tjšê šok ga “¡Domer kjwe goshko Beelzebú! Ä sëyaga iche to, dbo twara Ä sëya kägäyo ko Beelzebúrë ba kong ši go” še. 23Eni ga nopga šöng ši rokara Jesúsdë tek ba zšong bäng, ga tjšêno ba kong ðëbo jyãgšo go. Tjšê ga “¿Ä, e iche Ärë opshik om go sorëro? 24Pjšu ðë, ba nopga ëngkjwë ëng tjok kar kar wšeni ga e oppjik šok om go. 25Nopga tjeng u kjwaraso, e ëngkjwë ëng tjok kar kar wšeni ga e oppjik šok om go bakoe. 26¿Eni ga Ä, e ëngkjwë ba sëyaga tjok wšeni ga e pjir mašing ðëmdo? 27”Domer sök kjšara dbo ara ba ushko wšeni ga no jek äär opzrëk šûrkë ba u roshko ga äe. Woyde ga domer ši shara, pjrira bäm go guing. Enira ba ðëbo šûyotke ga pjšúe. 28”Šër bomi kong jšõkoyo ga ëye ðëbo owa shäryë, tjšõkwo šë owa ga owa ši šòya Sbörë ber dret ga pjšúe. 29Gueniyo ëye Sbö Sëya šãywë owa ga owa ši šòya ðëme. To beno pjang ba go îyadoe” še. 30Tjšêno eni, šunashko ga no pinggaga kjok ðgwekkšo tara Moisésdë ši go tjšêno šok ga “Domer kjwe goshko Ä sëya kjšara” šara eni kjîshko. 31Eshko ga Jesús mekë, ba šëmga, e shrono tjeng kjoko, ga no ichara šok kjšara ba rokë. 32Eni ga nopga sirkeno tjeng Jesús zšong bäng ši tjšê ba kong ga “Bop mekë, bop šëmga, e shrono tjeng bop wšêk kjoko” še. 33Kuya ga tjšê ba kong ga “¿Bor mekë, e ë? ¿Bor šëmga, e ë?” še. 34Eni ga ba oppinggaga sirkeno tjeng ba tjok ši îya ga tjšê ga “Bor mekë šër ši kjwepga. Bor šëmga šër ši kjwepga. 35Ëye Sbö košë ga era bor mekë wšeni, bor šëng wšeni, bor dor wšeni”

will be added

X\