Marcos 2

1Dbar kjwöbö irgo ga Jesús shrono sök Capernaúm kjokyo iröng obi ba ushko. Miydaraba ga shrono sök iröng ga 2oba shrono šöng träk ðëm ba shwoy, ga u ši dšino tjung no eröe. Oba ara ba u bongkjako bakoe. Ëye äär u bäng zšong ga äe. Jesús sök Sbö tjšõkwo roy šë oba kong kjër roshkoshko ga 3domerga tjwe šöng dogšo pkëng (4), swšo söno kjšara. Swšo ši buk töshko, dre kuga ðëm wšeniyo. 4Eshko ga söra šok shrono u bongkjako ga söya kjër roshko, Jesús sökshko šara, gueniyo to öötong ey ðëm, oba ara kjîy. Eni kuzong ga jem tyono šok u dbo kjing sdok ši kjing go, kjing döra sira, swšo ši šona ter pjang ba pogšo roshko öötong buk dew, Jesús sök šishko. 5Îya Jesúsdë ga swšo sögaga ši mär ba go ga tjšê swšo buk töshko ši kong ga “Domer, owa pjang bop go ši šönor beno drete” še. 6No pinggaga kjok ðgwekkšo tara Moisésdë ši go šöng eshko kjšöbö. Wotjšîk šok ga 7”¿Kjwe ëro? ¡Domer kjwe shäng Sbö šãywë owa, ber tjwšõ ðëm wšo še! Owa šöngga nopga kong ši Sbö eröe” še. 8Wotjšîk šöng ðë ši miydara Jesúsdë pjir kuzong ga tjšê ba kong ga “¿Pjãy wotjšîk owa eni ega? 9“Owa pjang bop go ši šönor beno drete” šoror ba kong. Gueniyo šönorde, de šönor ðëm, e îgömi ðëme. Gueniyo ga “Pja kojõzong. Bop bukkšo kjwe kjrozong. Pja jëkzong” šoror ba kong ga poptororde, de poptoror ðëm, era îgömi wêšëe. 10Kjok ëre kjing go ga no to ter kjok dogo dwayo ëre dbo ara, owa pjang nopga go ši šön ber dret wšo ga pjšúe. Miydëmi wšo ga ššëbo sharyër e" še. Eni ga tjšê swšo buk töshko ši kong ga 11”Šër bop kong ga pja kojõzong. Bop bukkšo kjwe kjros, ga pja nom bop ushko” še. 12Kuya ga kojono, ba bukkšo kjrara, ga to jek ba ushko. Îya šöng eshko širë ga beno šöng yëy še erä, ga Sbö poshrëra, ga tjšê šok ëng kong ga “Ðonoshko ga ðëbo îydë kjweni ðëme” še. 13E irgo ga Jesús jek öötong shäng di bäng buk kësbang ši kjako obi. E irgo ga nopga öötong šöng ara ba zšong, ga epga pîya Jesúsdë shäng. 14Jek jëk shängshko ga domer sök kjšara eshko ko Leví, e dbur töngga Roma so kong. E Alfeo wa. E sök ba pak šishko. Îya Jesúsdë ga tjšê ba kong ga “Pja tek bor tjok, pja pin wšo” še. Kuya ga kojono, ga to jek ba tjok. 15E irgo ga Jesús jek öötong sök ië Leví ushko, ba oppinggaga tjok. Ga nopga dbur töngga Roma so kong öötong šöng ië ba tjok eshko, nopga owa wšeniyo obšë öötong šöng ië ba tjok eshko bakoe. Nopga eniyo jëk šöng Jesús tjok ara. 16Eshko ga nopga šöng kjšöbö no pinggaga kjok ðgwekkšo tara Moisésdë ši go, epga fariseoga bakoe. Îya šok ga Jesús sök ië nopga eniyo tjok ga tjšê ba oppinggaga šöng ši kong ga “¿Bomi pingga kjwe ië nopga owa wšeniyo tjok kjweni ega?” še. 17Kuya Jesúsdë ga tjšê ba kong šok ga “Nopga šöng pjšú, swšo ðëm ga e dwšomnega woydë ðëme. Swšopgara dwšomnega woydë. Eni ga tja shrono shäng kjok ëreshko, nopga pjšo bek ši rokaga ðëm, nopga owa ši rokaga eröe” še. 18Ošö ga Juan oppinggaga, fariseoga, e ië ðëm Sbö kong. Pjšara ga šöng ië ðëm enishko ga nopga tek shrono šöng Jesús shwoy ga tjšê ba kong ga “Juan oppinggaga ië ðëm Sbö kong dbar kop ara. Fariseo oppinggaga omshäryë eni bakoe. ¿Bop oppinggagara omshäryë eni ðëm ega?” 19”Orkwosmozšong dbaryoshko ga domer orkwosmok wšo ši shäng ba tjok obishko ga nopga mak šöng eshko ši ië ðëm ga äe. 20Gueniyo domer ši söraba ba shjiryoshko ga epga ië ðëm eshko jã. 21”Shwong këguë bängyëy shwong šikyo tjagšën go ðëme. Shäryoroy eni kjwe ga shwong šikyo tjagšën ši, shwong këguë ši, e sreya, dwšer jek këgong. 22”Kjiðgwo bo dyo dbo ara tjagšën tyëy ba bapkwo këguë shäryak öng kwota go roshko ðëme. Shäryoroy eni kjwe ga ba bapkwo ši böptur. Eni ga kjiðgwo bo dyo ši, e ber ðëno ame, ba bapkwo ši ber eni bakoe. Eni kuzong ga kjiðgwo bo dyo dbo ara tjagšën tyëy wšo ga woyde bapkwo tjagšën” še ba kong. 23Woshtozšong dbaryo kjwara ga Jesús jëk shäng dwša dgak buk ši tjrëko ba oppinggaga tjok. Eshko ga ba oppinggaga šöng dwša bo kjrë, ue šok wšo. 24Îya fariseogarë ga tjšê Jesús kong ga “¡Bop oppinggaga kjwe îzong! ¿Šöng ðëbo shäryako woshtozšong dbaryoshko ðëm ši shäryë ega?” 25”¿Dënashko ga David, ba yorkagaga pjši šok arashko ga ðëye shäryara tak pjang Sbö tjšõkwo go ši, e šomirë ðëmdo? 26Abiatar sök syõshtaga Sbö kong ba pjeyoga kjîshko kësbangyo dbaryoshko ga David opzrëno jek shäng Sbö u roshko, ga pjšung shosho suk pjir iak beno tjeng dboy Sbö kong ši uara, ga twara ba nopga jëk šöng ba tjok ši kong, ue wšo bako, e uaga syõshtagagarë erö gueniyo” še ba kong. 27E irgo ga tjšê ba kong obi ga “Woshtozšong dbaryo, e shäryak beno nopga kjimtokšo. Nopga, e shäryak beno woshtozšong dbaryo kjimtokšo ðëme. 28E kjîshko ga woshtozšong dbaryo kägäyo ši, no to ter kjok dogo dwayo ëre ši e”

will be added

X\