Marcos 14

1Eshko ga Israel tjëyoga döktong tek Egipto kjokyo dwayo dbaryo shrëkkšo, pjšung shosho suk pjir shäryak ba uukkšo tjok ðëm dbaryo kjwe dbar pjök obi. Eshkoshko ga syõshtaga kägäyoga, no pinggaga kjok ðgwekkšo tara Moisésdë ši go, e töno šok, ga tjšêno šok ëng kong ga “¿Jesús, e shay, zröy wšo sorë ga pjšú? Shay wšo ga jyõyotkëy. 2Gueniyo dbar shrëzšong dbaryo ðëme. Ðëm ga oba ara ga wšikëba äe” še. 3Jesús jek öötong shäng Betania kjokyo, Simón ushko. Dënashko ga Simón ši pogšo go swšo ara, sho an do jîkong, gueniyo poptonoe. Jesús sök Simón ushkoshko ga wašë shrono shäng kjšara, wšoshko poshtikkšo bapkwo tjwšõ ara shäryak akkwo ko alabastro go, roshko poshtikkšo šõ pjšëbšë tjwšõ ara wšeniyo. Eshko ga söra jek Jesús sök ië šishko, ga ba bapkwo ši dšora, ga poshtikkšo ši tyara ba dšu kjing go. 4Îya no kjone kjone tjeng eshko širë ga iirkë jong, tjšê šok ëng kong ga “¿Kjwe zãya kjweni ega? 5Soynena kjwe ga dburyo shaya bayo domer parkë dbargwo sak dbäw pjšogšo mya (300) ãska wšeni, oba song wšeniyo kjimtokšo wšo dey” še. Ga wašë ši wšona šok ara. 6Eni ga Jesús tjšê ba kong ga “¡Wêyê! ¿Wašë kjwe šãywëmi kjweni egaro? Ðëye shäryara bor kong ëre beno pjšúe. 7Oba song wšeniyo šöng bomi tjok îyado, ga kjimtëmi, woydëmi ðono ga eshko. Gueniyo tjara ber shäng bomi tjok îyado ðëme. 8Ðëye shärye bor kong ga pjšú ši, e shäryayde bor kong. Poshtikkšo ši tyara bor doyo go, ëre bor poshäryayde, tja iëba ber buk sakshko wšo. 9Šër bomi kong jšõkoyo ga kjok kjwang jîkong kjone pogo ga Sbö tjšõkwo roy pjšú šëbashko ga ðëye shäryara wašë kjwerë bor kong ëre woyoshrëba, ga roy šëba bakoe” še. 10Jesús oppinggaga dogšo sak kjwara kjingsho pjök (12) kjšara ko Judas Iscariote. E öör shäng syõshtaga kägäyoga îk, Jesús soyneya, twe ba kong šok wšo še. 11Kuya šok ga beno šöng wopjšú, ga tjšê šok ba kong jšõkoyo ga “Enira pja potjwšênwa” še. Eshko jek šëkong ga beno shäng wotjšîk ga " “¿Jesús twër ba kong sorë ga pjšú?” še. 12E irgo ga pjšung shosho suk pjir shäryak ba uukkšo tjok ðëm dbaryo ši öötonge. E dbaryo ga öng wšêp ushko so ðgwokšë zröya, sho suya, Israel tjëyoga döktong tek Egipto kjokyo dwayo dbaryo shrëkkšo. Eshko ga ba oppinggaga tjšê ba kong ga “¿Israel tjëyoga döktong tek Egipto kjokyo dwayo dbaryo shrëkkšo ši, e dšiyo shäryërwa kjone ga pjšú?” še. 13Kuya ga tjšê ba oppinggaga do pjök kong ga “Pjãy nom jek u šok arashko. Eshko ga domer wšêmi shäng kjšara, di bapkwo sök jong kjwara, roshko di. Pjãy jek ba irgo. 14Îmi ga opzrëk jek u roy ga pjãy tjšê u sogo kong ga “Tjšapga no pingga tjšê ga ‘¿Israel tjëyoga döktong tek Egipto kjokyo dwayo dbaryo shrëkkšo ši, e dšiyo uër bor oppinggaga tjok ši kjëryo kjone?’ še” šëmi ba kong eni. 15Eni ga pjãy kong, kjër pîya jong kjomo kjwara kësbang, poshäryak pjire. Ðëye uëy wšo ši shäryëmi pjir ber tjeng bäm go eshko” " še. 16Eni ga ba oppinggaga do pjök ši to jek öötong šöng u šok arashko ga ðëye šara Jesúsdë ba kong ši wšêna tjeng eshko uunkong eni. E irgo ga dbar shrëkkšo ši dšiyo poshäryara šok. 17Öötong kjok shkë ga Jesús öötong shäng eshko, ba oppinggaga dogšo sak kjwara kjingsho pjök (12) ši tjok. 18Šöng ië wopro ga Jesús tjšê ba kong ga " “Šër bomi kong jšõkoyo ga pjãy šöng ië bor tjok kjšara, tja soyneya, twe oba kong” še. 19Kuya šok ga beno šöng woydë arae. Ga kjšara kjšara tjšê Jesús kong ga “¿Tja ðëm ðëmdo?” še. 20Kuya ga tjšê ba kong ga “Pjãy dogšo sak kjwara kjingsho pjök (12) kjšara. Ëye sök bor tjok, ba pjšung shosho suk pjir pöya sök bor tjok iokšo kjwaraso roy ga bor soynega ši e. 21No to ter kjok dogo dwayo ëre wošon, tak pjang Sbö tjšõkwo go sorë ši eni. Gueniyo bor soynega, era song jšõe. Weno ðëm kjwe ga pjšú ba kong dey” še. 22Šöng ië wopro ga pjšung shosho suk pjir kjrara Jesúsdë kjwara, ga tjšê Sbö kong ga “Tjawa kong dši tworop ëre. Tjawa ber wopjšú bop tjok e kjîshko” še. E irgo ga pjšung shosho ši tora, twara sira sira ba oppinggaga kong, ga tjšê ba kong šok ga “Kjrozî, ëre bor sho wšeni” še. 23E irgo ga di iokšo kjrara kjwara, roy kjiðgwo bo dyo dbo ara, ga tjšê Sbö kong ga “Tjawa kong kjiðgwo bo dyo tworop ëre. Tjawa ber wopjšú bop tjok e kjîshko” še. E irgo ga twara ba oppinggaga kjšara kjšara kong, ga iara šok sira sira uunkong. 24Ga Jesús tjšê ba kong šok ga “Ëre bor srëng wšeni. E go ga tjšõkwo twara Sbörë, beno îyado wšo ši, e shärye. Bor srëng ši kwon, nopga ara kong. 25Gueniyo šër bomi kong jšõkoyo ga kjiðgwo bo dyo iër ame, äär jong Sbö ber no pjšuyo dbaryoshko jã. Eshko ga iër obi” še. 26E irgo ga tono šok pjšara Sbö kong, ga to jem šok Olivos dšupyo. 27Öötong šöng eshko ga Jesús tjšê ba kong ga “Sbö tjšõkwo tak pjang eni: ““Öng daga ši zrör, ga öng wšêp ushko so tjeng ši shdär ber kjšoro erä.” Eni ga pjãy tjeng uunkong ëre, tja rayëmi pjire. 28Gueniyo ga tja wošono, ga tja woshrara Sbörë iröng obishko ga tja äär Galilea kjokyo bomi bäm go. Pjãy koshër shäng eshko” še. 29Kuya Pedrorë ga tjšê ba kong ga “Ðamora, pja rayara uunkong pjir ëmdë ga tjara, pja rayër ðëme” še. 30Kuya ga tjšê ba kong ga “Šër bop kong jšõkoyo ga pjesit kjok shränto ga kjörkö kjšuntë pjšogšo pjök ðëm obishko ga “Jesús, e ë miydër ðëme” šorop oba kong pjšogšo mya tjän” še. 31Gueniyo kuya ga tjšê ba kong obi ga še. “Eni ðëme. Tja zrökoba jek bop tjok ëmdë ga “Jesús, e ë miydër ðëme” šër ë kong ðëme” " Ba oppinggaga ðamo ši omšono e kjoyo bakoe. 32E irgo ga jek öötong šöng Getsemaní kjokyo. Eshko ga Jesús tjšê ba oppinggaga kong ga " “Tja to syõshtë Sbö kong wopro ga pjãy wšar ber tjeng na” še. 33Eni ga jek syõshtë šishko ga ba oppinggaga tjeng ši söra jek ba tjok dogšo mya, Pedro, Santiago, Juan. Jek šöngshko ga Jesús wosong, woydë ara ba pjšúshko. 34Ga tjšê ba kong šok ga “Tja woydë ara bor pjšúshko. Kur ga tja wošon kjoyoe. Pjãy ber tjeng na, ga pjãy sjëke” še. 35Eni ga opkwono jek këgo sit, ga kjök tono sök, kjujono bokdo kjšay kšung go, ga rokara Sbö kong ga ðëbo wen owa ba kong ðëm wšo, 36tjšê ga “Abba, Data, ðëye shäryëp woydë ši shäryëp ga pjšúe. Rokër bop kong sira ga ðëbo wen owa dörö ši, e tjwe bor kong ðëm kjwe dey. Woydër eni, gueniyo ga e šaga tjarë ðëme. E šaga ber pjarë” še. 37E irgo ga tek shrono shäng ba oppinggaga dogšo mya beno tjeng šishko ga wšêna bë tjeng pëe. Eni ga tjšê Pedro kong ga “Simón, ¿pja buk përe? ¿Pja sök së wop sira ga äre?” še. 38Ga tjšê mya jîkong ši kong ga “Pjãy pë ðëm, pjãy syõshtos dey. Eni ga pjãy tjšîya Ärëshko ga pjãy kjimte Sbörë, ðëbo owa shäryëmi ðëm wšo. Pjãy ðëbo pjšú shäryë woydë jšõ, gueniyo pjãy womae” še. 39E irgo ga jek syõshtë obi. Ga tjšêno jek obi, šara bäm go sorë ši eni. 40Syõshtono pjir ga tek shrono shäng iröng obi ba oppinggaga beno tjeng šishko, ga wšêna bë tjeng pë obi, bokkwo ðir woydë ëng go poywõrë kjîshko. Eni ga to dboryara šok ðëme. 41E irgo go ga öör pjšara obi. Shrono shäng iröng pjšogšo mya go ga tjšê ba oppinggaga kong ga “¿Pjãy šöng pë, woshtë obire? ¡Kjweni ga bue! No to ter kjok dogo dwayo ëre twëba ber tjeng nopga owa wšoshko ši dbaryo öötonge. Îzîa. 42Bor soynega kjwe tek shäng tjän. Pjãy kojõzong. Shji to ëng dowšêk ba tjok” še. 43Jesús tjšêydë pjitë ðëm obishko ga ba oppinggaga dogšo sak kjwara kjingsho pjök (12) kjšara ko Judas, e shrono shäng eshko. Nopga shrono šöng träk ðëm ba tjok, kjone kjone wšoshko dröng, kjone kjone wšoshko wšëng no shpokkšo. Epga ichaga syõshtaga kägäyoga, no pinggaga kjok ðgwekkšo tara Moisésdë ši go, judío tjšapgaga kjok ðgwega wšeniyorë. 44Šunashko ga ðgwera Judasdë nopga ši kong pjir tjän, Jesús, e ë miyde šok wšo. Tjšêno ba kong ga “Îmi ga ëye šõ shir ga domer ši e. E shami, ga sömi, dëmi yõtso” šara eni. 45Eni ga Judas jek öötong shäng Jesús zšong bäng ga tjšê ba kong ga “¡Miga, Tjšapga no pingga!” še ba kong, ga šõ shira. 46Eni ga shakza šok pjä erä. 47Eshko ga nopga šöng Jesús zšong bäng kjšara dröng shino kjwangna, ga syõshtaga kësbangyo ši parkaga kwomgwo zakza tas jer šon pjik buk töshko erä. 48Eshko ga Jesús tjšê nopga ši kong ga “¿Pjãy tjwe bor shak dröng tjok, wšëng no shpokkšo tjok kjweni ega? ¿Tja shamishko ga tja ëngkjwë bomi tjok šëmiro? 49Tja öör shäng oba ping ara, Sbö u zšong bäng, pjãy šöng šishko. ¿Tja sharomi eshko ðëm egaro? Gueniyo ëre shäryë jûni, Sbö tjšõkwo tak pjang ši ber jšõkoyo wšo” "še. 50Eshko ga ba oppinggaga Jesús rayono uunkong, ga töktong to šok ey dwayo. 51Eshko ga dwšas jek shäng kjšara ba irgo, taywono kjingokšo pjšubšún wšeniyo go döe. Îya nopga jek tjeng Jesús söga širë ga shakza šok pjä še, 52miga shara šok uriso, beno šöng ba shwong ši shayde erä. Eni ga opdöno jek wšes, ba shwong šira beno tjeng nopga ši wšoshko erä. Ey ga töktong jek shäng kjšop drete. 53E irgo ga Jesús söra šok to jongya syõshtaga kësbangyo sök šishko. " Pedro jek shäng kä kjwaraso kä kjwaraso ba irgo. Öötong šöng eshko ga opzrëno jek u ši roshko, ga Pedro beno sök iökkok, u bongkjako, Sbö u dagaga šöng ši tjok. Syõshtaga kägäyoga, judío tjšapgaga kjok ðgwega wšeniyo, no pinggaga kjok ðgwekkšo tara Moisésdë ši go, e töno tjeng uunkong u ši roshko tjän. 55Syõshtaga kägäyoga, Judío Kjok Ðgwegaga Këskësyo uunkong, Jesús zröya šok woydë. E kjîshko ga nopga rokara ara töno tjeng šishko, Jesús rotë wšo. Eshko ga nopga kojono ara, Jesús rotë wšo, gueniyo ba jyõyotkayde šok eröe. Kjšara kjšara tjšêno obšë obšë erä. E kjîshko ga Jesús rotokšo wšo wšêna šok ðëme. 57E irgo ga domerga kojono obšë, ga Jesús jyõyotkara jek obi. Tjšê ga 58”Kjwe kurorwa, tjšê ga “Sbö u ëre shäryak norë, e shdör dret, ga äär dbargwo mya ga shäryër kjwara obi shäryak norë ðëme” še eni” še. 59Gueniyo epga tjšêno bek ðëm, tjšêno šok obšë obšë erä. 60Eni ga syõshtaga kësbangyo ši kojono nopga töno tjeng ši bokshto, ga tjšê Jesús kong ga “Pja rote šöng ara. ¿Dboryëp ðëmde?” še. 61Kuya ga beno shäng kjinge. Dboryara ðëme. Eni ga syõshtaga kësbangyo ši tjšê ba kong ga “¿No pjšuyo ichara Sbörë shrono shäng ši, e pjare? ¿Sbö poshrërwa ši, pja ba Ware?” še. 62Kuya ga tjšê ga “Ëng, e tja. Sbö, ðëye shärye woydë ši shärye ga pjšúe. Ga ðono ga no to ter kjok dogo dwayo ëre îmi sök ba orkwo këšëkong, tja îmi ter tjwe kjok dogo pjäng sho tjrëko bakoe” še. 63Kuya syõshtaga kësbangyo širë ga ba shwong dwšëkza tjã tjã iirdë. Tjšê ga “¿Rotaga wšêy obi ðëno? 64¡Domer kjwe shäng Sbö šãywë owa, ber tjwšõ ðëm wšo še! E kuromi pjir tjän. ¿Kumi ga sorë?” še. Kuya nopga töno tjeng uunkong širë ga tjšê ga “¡Kjwe zrökko!” še. 65Eshko ga kjone kjone, Jesús go tröng twara šok, bokkwo go shwomzrëng kjrochara šok tuke. Eni ga yokza šok pjök pjök, ga tjšê ba kong ga “Pja yoga ërë šos borwa kong” "še. E irgo ga Sbö u dagaga omsöno, ga shpokza šok pjök pjök erä. 66E wopro ga Pedro sök kjoko, u bongkjako. Eshko ga kjogšo shäng kjšara, syõshtaga kësbangyo parkaga wšeniyo. 67Îya ga Pedro sök iökkok. Ga îya yõtso robyë wêšëshko ga tjšê ba kong ga " “¿Nopga jëk šöng Jesús, Nazaret so tjok ši kjšarayo pja ðëmdo?” 68”¡Jyõ! E ë miydër ðëme. Ðëye šëp shäng ši miydër ðëm bakoe” še ba kong. Ga jek öötong shäng kjër pjšor kašëkong. Eshko ga kjörkö sök kjwara, ga kjšuno pjšara. 69Eshko ga îya kjogšo širë jek obi ga tjšê nopga tjeng ši kong ga “Kjwe ëmdë ga ba kjšarayo” še. 70Kuya Pedrorë ga tjšê nopga ši kong ga “¡Jyõ!” še obi. E irgo ga nopga tjeng eshko ši tjšê ba kong ga “¿Pja Galilea so ðëmdo? E kjîshko ga miydërwa pjšú ga pja ba kjšarayo” še. 71Kuya ga tjšê ba kong ga “¡Jyõ! Šër bomi kong jšõkoyo ga domer šëmi šöng ši, e ë miydër ðëme. Eni ðëm ga rokër Sbö kong ga tja shdûya” še. 72Jekdo eshko ga kjörkö ši kjšuno jek pjšara obi, öötong pjšogšo pjök. Eshko ga woyoshre Pedrorë kjšay ga Jesús tjšêno ba kong ga “Kjörkö kjšuntë pjšogšo pjök ðëm obishko ga “Jesús, e ë miydër ðëme” šorop oba kong pjšogšo mya tjän” šara. Eni ga woroyë ga ä, ga sšatonge.

will be added

X\