Lucas 8

1E irgo ga Jesús jëk to shäng kjok kjrina kjrina, ga Sbö ber no pjšuyo sorë ši roy pjšú še shäng oba kong. Ga domerga kjrara dogšo sak kjwara kjingsho pjök (12) ši jek šöng ba tjok, 2wašëga jek šöng ba tjok kjšöbö bakoe. Wašëga ši bäm goshko ga kjone kjone swšo obšë obšë, kjone kjone goshko Ä sëyaga, ga poptara Jesúsdë beno pjšúe. Kjšara ko María Magdala so. Dämärshko ga Ä sëyaga tjeng ba goshko dogšo kjäk (7) ši ichara to uunkong. 3Kjšara obi ko Juana, e Cuza boy. Cuza, e parkë shäng Herodes kong, ba ðëbo daga. Kjšara obi ko Susana. Jesús kjimte wašëga širë šöng, ba dbur baîya ši go. 4Pjšara ga oba shrono kjok shto obšë obšë dwayo ga töno ara Jesús sök šishko. Eshko ga Jesús tjšêno ba kong ðëbo jyãgšo go. Tjšê ga 5”Domer shäng kjšara dwša sguingga. Pjšara ga opshino to jek dwša sguing. Sguîyashko ga kjone kjone šono tjeng irbo bäng, ga shgšëraba, uara sënwarë drete. 6Kjone kjone šono tjeng ak ara tjrëko. Gueniyo kšung sho ši shgšëk ðëm kjîshko ga dwša ši wenoshko ga danoe. 7Dwša kjrina obi, e šono tjeng shkö sho roshko, ga wenoshko ga ðgwîna drete. 8Dwša kjrina obi, e šono tjeng kšung sho pjšú kjing go, ga kuno, botjyono pjšúe. Kjoneshko ga sok kjwara botjyono kjwo sak dbäw (100)” E irgo ga tjšê ba kong jek sira obi ga “Ëye kwomgwo tjok ga woyde ga kuya yõtso” še. 9E irgo ga Jesús oppinggaga tjšê šok ba kong ga “Rokërwa bop kong sira ga ðëye šorop ðëbo jyãgšo go ši, e ðë šokšo pjšoðgwes borwa kong, miydërwa wšo” še. 10Kuya ga tjšê ba kong ga “Sbö ber no pjšuyo sorë ši roy miydaydëba ðëm ši pinaba bomi kong, miydëmi wšo. Gueniyo nopga obšë kongda, šër ðëbo jyãgšo go erä. Eni ga ““Îya šöng ga ðë îyde miyde šok ðëm, kuya šöng ga ðë šokšo miyde šok ðëm bakoe.” 11”Dwša sguingga šanyo, e ðë šokšo šër bomi kong. Dwša ši, e Sbö tjšõkwo šokšo. 12Dwša šono irbo bäng ši, e ëye Sbö tjšõkwo kuno ši šokšo. Gueniyo Ä tjwe eshko, ga döya ba pjšúshko dwayo, tjšõkwo ši kjre ðëm wšo. Eni ga epga där ðëme. 13Dwša šono ak ara tjrëko ši, e ëye tjšõkwo ši kuno ga beno shäng wopjšú ši šokšo. Gueniyo tjšõkwo ši äär ber ba pjšúshko jšõkoyo ðëm kjîshko ga tjšõkwo ši kjre dbar kjwöbö erä. E irgo ga ðëye wen ba kong sira tjšõkwo ši kjîshko ga raye, söya ame. 14Dwša šono shkö sho roshko ši, e ëye tjšõkwo ši kuno ši šokšo. Tjšõkwo ši kura, gueniyo wotjšîk sök ara, wo pjang dbur go, ðëbo pjšú kjok ëre kjing goshko ši woyotjšîya ara bakoe. E kjîshko ga tjšõkwo ši woyo ba kong ame, ga bo wen tjšõkwo ši kjîshko ðëme. 15E ga dwša šono kšung sho pjšú kjing go ši, e ëye tjšõkwo ši kuno, ga kjre jšõkoyo ba pjšúshko ši šokšo. Kjre, ga söya îyado, ga bo wen tjšõkwo ši kjîshko arae. 16”Iök shjiy borkey, kjinguëy wšo ðëm, jney bi bukkšo dorko wšo ðëm bakoe. Iëy jong kjókshko dey, nopga opzrëk jek eshkoshko ga kãšã të shjiy wêšë wšo. 17Ðëbo jney, miydëba jekdo ðëm wšo. Gueniyo ðono ga e miydëba dret, iök shjiy iak jong kjókshko wšeni. 18E kjîshko ga bor tjšõkwo kuzî yõtso, miydëmi pjšú wšo. Ëye ðëbo tjok ga sèya jek obi. Ëye ðëye ðëm ga ðëye tjeng sirawa ši döya ba shjiryo drete” še. 19Eshko ga Jesús mekë, ba šëmga, e shrono tjeng Jesús sök šishko, gueniyo öötong ba soshko ðëm, oba ara kjîshko. 20E kjîshko ga roy šaraba Jesús kong ga tjšê ga “Bop mekë, bop šëmga, e shrono tjeng bop îk kjoko” šëba. 21Kuya ga tjšê ba kong ga “Ëye, Sbö tjšõkwo kura, ga koše ga era bor mekë wšeni, bor šëng wšeni” 22Dbar kjwara ga Jesús opyono kjyong roshko ba oppinggaga tjok, ga tjšê ba kong ga “Shji to dipzë, di bäng buk kësbang ëre kjwo kašëkong” še. Ga jek šok. 23Jek šöng dipzë wopro ga Jesús ponoe. Eshko ga pjšuk tjwe jong träk ðëm, dbo ara di bäng buk kësbang ši kjing go. Di iõya ara, ga di dšin jong kjyong ši roy, pir sek seke. 24Eni ga ba oppinggaga äär šöng ba woðeng, tjšê ba kong ga “¡Tjšapga, shji ba pitoe!” še. Kuya ga kojono, ga pjšuk, di iõya, e wšona, ga beno tjeng tjëkso. 25Eshko ga tjšê ba oppinggaga kong ga “¿Pjãy oto? ¿Pjãy mär bor go ðëm ega?” še. Eshko ga epga beno šöng sëya ðëm, kjok bangkjre šok ara bakoe. Ga tjšê ëng kong ga “¿Domer kjwe ëro? Tjšêno pjšuk, di iõya ši kong ga koše pjšúe” še. 26E irgo ga öötong šöng Gadara kjokyo, di bäng buk kësbang ši kjwo kašëkong. 27Eshko ga domer shäng kjšara, goshko Ä sëya kjšara. Shäng dbar kop ara ga shwong pjung ðëm, sök u roshko ðëm, jëk to shäng sakshko erä. Ba orkwo, ba dre, e kjrocharaba dröng sho go pjšogšo kop ara, där ðëm wšo šaraba, gueniyo shaya sëya širëshko ga ba dröng sho ši skoya jek tas tas erä, ga iche sëya širë kjok dogro no ðëmshko. Eni ga Jesús opshino jek shäng kjyong roy dwayo ši îya sakshko dwayoshko ga tek shrono shäng ba zšong bäng ga kjök tono. Îya Jesúsdë ga tjšê ba kong ga “¡Ä sëya, pja opkjos domer kjwe go dwayo!” še. E kjîshko ga sëya ši tjšê ba kong dbo go ga “¡Sbö Tjwšõ Kësbangyo Wa ši pja! ¡Pja tek shäng bor barwë ðëme! ¡Rokër bop kong sira ga tja shdum ðëme!” še. 30Kuya ga tjšê ba kong ga “¿Pja ko ðë?” “Tja ko Kop Arae” še ba kong. Šara eni, Ä sëyaga tjeng domer ši go ara kjîshko. 31Eni ga rokara Jesús kong ga iche Ä sëyaga shdûzšong shtoyo ðëme še. 32Epga šöng šishko soshko ga köchi tjeng träk ðëm dšup pogšo go, ië. Eni ga rokara Jesús kong ga iche jek köchi tjeng ši go. Kuya ga “Jöšö” 33ga sëyaga ši opkjono šok domer ši go dwayo, ga jek šok köchi ši go shara. Wop eni ðëm ga köchi tjeng ši zrono jer ri ri dšup pogšo go, optono šok jer uunkong di bäng buk kësbang ši roshko, ga shteno šok dret eshko. 34Îya köchi dagaga tjeng širë ga töktong jek ey dwayo, ga öötong šöng nopga šöngshko ga ðëye shäryono ši roy šara nopga kong pjire. 35Kuya šok ga tek shrono šöng ara ba îk. Shrono Jesús shäng šishko ga îya šok ba zšong bäng ga domer dämär ga goshko Ä sëya ši, e wšêna šok bë sök eshko, doyono pjir shwong go, skwê ame, poptono sök pjšúe. Îya šok eni ga beno šöng sëya ðëme. 36Domer goshko Ä sëya ši poptara sorë, e šara ba îgaga tjeng eshko širë nopga shrono tjeng ši kong. 37Eshko ga kjok eshko sopga uunkong tjšê Jesús kong ga “Rokërwa bop kong sira ga pja opshis kjok ëreshko dwayo” še. Šara eni, kjok bangkjre šok ara kjîshko. Kuya ga jšõ šara, jer opyë sök kjyong ši roy. Eshko ga domer poptono ši tjšê ba kong ga “Rokër bop kong sira ga tja ios jek bop tjok.” “Ðëme. Pja nom bop ushko iröng dey. Ðëye shäryara Sbörë bop kong ši, e šëp oba kong, miydëba wšo” " še ba kong. E irgo ga Jesús to ey dwayo. Eni ga jšõ šara domer širë, ga to jek kjok eshko kjwang jîkong. Eshko ga e poptara Jesúsdë sorë ši roy še öötong shäng oba kong eshko. 40Jesús dipzono jek di bäng buk kësbang ši kjwo kašëkong iröng obi. Öötong shäng di kjako ga oba töno šöng träk ðëm eshko ba wšokjrë. " 41Eshko ga domer shäng kjšara ko Jairo. Judíoga syõ uyo jong eshko ši kägäyoga shäng kjšara ši e. Ba wa wašë kjšaraso ši wošontoe. E šu pjšogšo sak kjwara kjingsho pjök (12) erä. E kjîshko ga Jesús îya ga tek shrono shäng ba zšong bäng ga kjök tono, kjujono bokdo kjšay kšung go, ga rokara jek ba ushko. Kuya ga “Jöšö” še, ga to jek ba tjok. Oba ara kjîshko ga Jesús jëk shängshko ga poðikoba arae. 43Šöng ši tjrëko wašë shäng kjšara swšo ara šu pjšogšo sak kjwara kjingsho pjök (12) tjän. Ba dbar îya îyado, poptë ðëme. Öör shäng dwšomnega ara shwoy, ga ba dburwa tjeng ši zana drete. Eni ëmdë ga poptono ðëme. 44Eshko ga tek shrono shäng Jesús zšong bäng ba kokso shwo šëkong ga ba shwong worbo porwara, ga poptono jekdo eshko. 45Eni ga Jesús tjšê oba kong ga “¿Tja porwaga ërë?” še. Kjšara kjšara tjšê ga “Tja ðëme” še šok ba kong eni. E kjîshko ga Pedro tjšê ba kong ga “Tjšapga, nopga ara kuzong ga pja poðiya šöng pjšor kar kare” še. 46Gueniyo kuya ga tjšê ba kong ga “Tja porwara ëborë, e miydorore. Kuror ga ëbo poptono, bor dbo kësbang go” še. 47Eni ga miydara wašë širë ga Jesús porwara ši beno šûtshko ðëme. Eni kuzong ga tek shäng Jesús zšong bäng ga kjök tono sök kjšo dete erä. Eshko ga nopga uunkong bokso ga porwara ega, poptono jekdo sorë, e šara ba kong pjire. 48Kuya ga tjšê ba kong ga “Pja mär bor go kuzong ga pja poptonoe. Pja nom wopjšú bop ushko” še. 49Jesús tjšê shäng wašë ši kong wopro ga no tek Jairo ushko dwayo shrono shäng kjšara ga tjšê Jairo kong ga “Bop wa yê shinmotkonoe. Tjšapga no pingga kjwe twëy tjötö ame” še. 50Kuya Jesúsdë ga jšõ šara ðëme. Tjšê Jairo kong ga “Pja woydë ðëme. Pja mär bor go ga bop wa poptë dani” še. 51E irgo ga Jesús öötong shäng Jairo ushkoshko ga Pedro, Santiago, Juan, Jairo, Jairo boy, epgara ichara opzrëk jek ba tjok. No obšëra ichara opzrëk ðëme. 52Eshko ga nopga sšar wopjšuk jong träk ðëm, kjšoshtë ara bakoe. Jesús opzrëno jek u ši roshkoshko ga tjšê šöng ši kong ga “Pjãy sšar ame. Kjogšo, e wošono ðëme. Buk pë erä” še. 53Kuya šok ga Jesús joywe šok jong erä. Miyde šok ga kjogšo ši shinmotkonoe. 54Eni ga Jesús opzrëno jek öötong shäng kjogšo buk šishko, orkwo shara, ga tjšê ba kong dbo go ga “Kjwozirwa, pja kojõzong” še. 55Jekdo eshko ga kjogšo ši woshrono, ga kojono shäng. Eni ga ba data, ba mekë, e ichara Jesúsdë ba sëng. 56Eshko ga epga beno šöng yëy še erä. Gueniyo ga Jesús tjšê ba kong šok ga “Ðëye shäryono jûshko ëre šëmi ë kong ðëme”

will be added

X\