Lucas 7

1Jesús tjšêno oba kong pjir ga opzrëno jek öötong shäng Capernaúm kjokyo. 2Domer sök kjšara eshko, e Roma so, e ëngkjwagaga ara kägäyo bakoe. Domer ši parkaga tjwšêk shäng pjir wšeniyo buk kjšara, woyde ara wšeniyo, e swšo ara, wošontoe. 3Ga Jesús roy kura ba kägäyo širë, ga judío tjšapgaga kjok ðgwega wšeniyo ichara kjšöbö, Jesús rokë, ba parkaga ši poptë wšo. 4Öötong šöng Jesús shwoy ga tjšê ba kong ga “Tjšapga, rokërwa bop kong ga domer ši kjimtos sira. E judío bishîya dik ðëm, gueniyo bi tjëyoga woyde ara. Tjawa kong syõ uyo shäryara kjwara om go. E kjimtako jšõe” še. 6Kuya ga to jek ba tjok. Jek šöng ääto ba ushko ga ëngkjwaga kägäyo ši, ba pjeyoga ichara kjšöbö, šan Jesús kong obi wšo. Öötong šöng ba shwoy ga tjšê šok ba kong ga “Domer ši tjšõkwo ichono bop kong. Tjšê ga “Tjšapga, pja tek bor ushko ðëm ga bue. Tja ðëno ðëm, tjwšõ ðëm, pja opzrëk tek bor u roshko wšo. 7Pja înor jek om go bop shwoy ðëm e kjîshko. Bor parkaga poptë šëp erö ga poptë dani. 8Tja kägäyo tjok. Ðëye še bor kong ši shäryër eni îyado. Tja ëngkjwagaga ara kägäyo. Ðëye šër ba kong ši shärye šok eni îyado bakoe. ‘Pja nomo’ šër kjšara kong ga toe. ‘Pja tegö’ šër kjšara kong ga teke. Bor parkaga tjwšêk shäng pjir wšeniyo ichër ðëbo shäryë ga shärye eni” še bop kong eni” še. 9Kuya ga beno shäng yëy še erä. Ga nopga jëk šöng ba tjok ši îya ga tjšê ba kong ga “Šër bomi kong ga domer, e mär bor go jšõkoyo, Israel tjëyoga uunkong kjinmo” " še. 10E irgo ga domerga ichara ši öötong šöng ëngkjwaga kägäyo ši ushko iröng obishko ga ba parkaga swšo ara ši wšêna shäng pjšú tjän. 11E irgo ga Jesús jek shäng jongya kjok ko Naín, ba oppinggaga tjok. Oba jek šöng ara ba tjok bakoe. 12Jek šöng ääto eshko ga shinmo sökoba jek pjang kjšara, iëba sakshko wšo. Shinmo ši meyo, e syã, ga wa domer obšë drete. Kjok eshko sopga jek šöng ara ba yorkë. 13Îya Tjšapga Jesúsdë ga songe še, ga tjšê ba kong ga " “Pja sšar ame” še. 14E irgo ga jek öötong shäng shinmo ši zšong bäng ga ba bapkwo söya šok pjang ši porwara. Ba sögaga jek šöng ši sšongtëng šönge. Eshko ga Jesús tjšê shinmo ši kong ga “¡Dwšas, šër bop kong ga pja kojõzong!” še. 15Ga shinmo ši wšoktëng sök, ga tjšêno. Eshko ga ichara Jesúsdë to iröng ba mekë tjok obi. 16Îya šöng širë ga bangkjre šok träk ðëme. Ga Sbö poshrëra šok ara. Tjšê šok ga “Sbö tjšõkwo šaga weno shäng bi tjrëko kjšara kësbange” še. še. Ga tjšê šok obi ga “Sbö shrono shäng, ba nopga kjimtë wšo” " še. 17Jesús roy shdöktong Judea kjokyo kjok kjwang jîkong, kjok shto obšë obšë ber tjeng ba worbo go bakoe. 18E irgo ga ðëbo shäryak eni ši, e roy kura Juandë pjir, šaga ba oppinggagarë ba kong. Eni ga ba oppinggaga rokara ba shwoy do pjök, 19ga ichara tjšê Tjšapga Jesús kong ga " “¿No pjšuyo iche še Sbörë koshërwa šöng ši pjare, de obšë koshorwarë?” še. 20Eni ga öötong šöng Jesús shwoy ga tjšê ba kong ga “Tjawa ichara Juan No Wagarë tjšê bop kong ga “¿No pjšuyo iche še Sbörë koshërwa šöng ši pjare, de obšë koshorwarë?”“ še šok ba kong eni. 21Jekdo eshko ga nopga swšo obšë obšë wšeniyo, nopga goshko Ä sëyaga, e poptara Jesúsdë ara. Ga nopga kjok îgö ðëm wšeniyo poptara ara, beno šöng kjok îgö pjšúe. 22E irgo ga Jesús tjšê Juan oppinggaga ši kong ga “Ðëye înomi, kuromi ši to šëmi Juan kong. Nopga kjok îgö ðëm wšeniyo kjok înoe. Nopga jëk ðëm wšeniyo jëktonge. Nopga pogšo go swšo ara, sho an do jîkong wšeniyo poptonoe. Nopga kjok kugö ðëm wšeniyo kjok kunoe. Shinmoga woshrono iröng obi. Nopga song wšeniyo kong Sbö tjšõkwo roy pjšú šak ba kong. 23Ëye mär bor go, ga tja raye ðëm ga era ber sök wopjšúe” še. 24Epga toshko ga Jesús tjšêno oba kong Juan kjîshko. Tjšê ga “¿Pjãy jek šöng kjok dogro no ðëmshko, Juan îkshko ga pjãy äätë eshko ðëm obishko ga domer, e kjwe sorë šoromi? ¿E sjro bakwara pjšukdë wšeni šoromire? 25¿Eni ðëm ga e kjwe sorë šoromi? ¿E doyono shäng shwong wošësowa, tjwšõ ara wšeniyo go šoromire? Miydëmi pjšú ga nopga dbur ara eniyo šöng pjšu ushko. 26¿Eni ga e kjwe sorë šoromi? ¿E kjwe Sbö tjšõkwo šaga šoromire? E jšõe. Ga e tjwšõ ara, Sbö tjšõkwo šagaga obšë kjinmo. 27Sbö tjšõkwo tak pjang ši goshko ga Sbö tjšêno Juan kjîshko. Tjšêno beno eni: “No ichër kjšara bop bäm go, bop roy šaga, irbo poshäryë bop kong wšo.” 28Šër bomi kong ga nopga uunkong kjok ëre kjing go äätë tjwšõ ara, Juan kjinmo ðëme. Eni gueniyo ga nopga šöng Sbö sök no pjšuyoshko kjšobi ši tjwšõ ara, Juan kjinmo” še. 29(Jesús tjšõkwo kugaga uunkong, nopga dbur töngga Roma so kong ëmdë ga tjšê ga “Sbö tjšõkwo, e beke” še, optwono Juan kong, we jer di roshko ši kjîshko. 30Gueniyo ga fariseoga, kjok ðgwekkšo tara Moisésdë ši miydagaga pjšú wšeniyo, era optwono Juan kong, we wšo ðëme. E kjîshko ga Sbö tjšõkwo kjrara šok ðëme.) 31Ga Jesús tjšê obi ga “Eerishko dbaryo sopga, ¿pjãy so ðë kjoyo šër bomi kong? 32Pjãy so kjwozirga öö še šöng ëng kong ðëbo soynezšong shtoyoshko tjör kjoyoe. Tjšê šok ga ““Tjawa dbonmo bakwono ga bëyotkoromi ðëme. Tjawa tono tëkwo woydokšo ga pjãy sšatong ðëm bakoe” še šok eni. 33”Šër ega šër bomi kong. Juan No Waga shrono shäng ga iono ðëm Sbö kong dbar kop ara, ga kjiðgwo bo dyo iono ðëm bakoe. Eshko ga “Kjwe goshko Ä sëya kjšara” šoromi. E irgo ga no to ter kjok dogo dwayo ëre shrono ga tja ië ara, tja kjiðgwo bo dyo ië bakoe. Eni ga “Domer kjwe ië sîyo, nešõtkë äe, jëk nopga owa wšeniyo tjok, ië nopga dbur töngga Roma so kong ši tjok bakoe” šëmi eni. Šër bomi kong ga pjãy so kjwozirga šöng ši kjoyo e kjîshko. 35Sbö kjok miydë ši, e jšõe miydëba ba sögaga ši go” še. 36Fariseo shäng kjšara. Pjšara ga Jesús mana jek ba ushko ië, ga Jesús jek öötong sirkeno sök ië ba tjok eshko. 37Kjok eshko ga wašë shäng kjšara, ðëbo owa shäryaga wšeniyo. Kuya ga Jesús sök ië fariseo ši ushkoshko ga jek öötong shäng eshko, wšoshko poshtikkšo bapkwo tjwšõ ara, roshko poshtikkšo šõ pjšëbšëe. 38Öötong shäng Jesús zšong bäng ga sšar ëëe. Ba boryo ši tjöno Jesús dre kjing go, ga dõya sök ba käkzong go. Eni ga ba dre ši šõ shira, ga kjing go poshtikkšo ši kwona. 39Îya fariseo, Jesús maga širëshko ga wotjšîk ga “Domer kjwe Sbö tjšõkwo šaga wšeniyo jšõkoyo kjwe ga wašë sök ba porwë kjwe owa miydara pjire” še. 40Fariseo ši ko Simón. Eni ga Jesús tjšê ba kong ga “Simón, tjšõkwo šër woydë bop kong sira” še. Kuya ga tjšê ba kong ga “Tjšapga no pingga, šozong” še. 41Eshko ga tjšê ba kong ga “Pjšara ga nopga tjeng do pjök, pogo tjwšõ dbur poskwongga wšeniyo kong. Kjšara pogo tjwšõ ba kong bayo domer parkë dbargwo sak dbäw pjšogšo shkëng (500) ãska wšeni. Kjšara obi pogo tjwšõ ba kong bayo domer parkë dbargwo sak shkëng (50) ãska wšeni. 42Ga potjwšêya šok ga ä kuzong ga dbur poskwongga ši tjšê ba kong šok ga “Wêyê, tja potjwšêmi ame” še. ¿Eni ga kjone dey ga e woyde ara anmoyõ?” 43”Bor kong ga kjšara pogo tjwšõ ara, potjwšêkkšo ame ši e” še. Kuya ga tjšê ba kong ga “Šëp ši eni jšõe” še. 44Eni ga wašë ši îya ga tjšê Simón kong ga “Wašë kjwe îzong. Tja shrono tek shäng bop u roshkoshko ga tja kong di tworop, tja dre shkwë e go wšo ðëme. Gueniyo bor dre pöra kjwerë ba boryo go, ga dona ba käkzong go. 45Tja wšokjroropshko ga tja šõ shirop ðëme. Gueniyo tja shrono tek šëkong ga bor dre šõ shiya kjwerë wop sit wop site. 46Kjyo kwonop bor dšu kjing go ðëme. Gueniyo poshtikkšo kwona kjwerë bor dre kjing go. 47E kjîshko ga šër bop kong ga owa pjang ba go ara ši šönor beno drete. E kjîshko ga tja woyde ara anmoyõ. Gueniyo ëye kong, owa pjang ba go ši šönor sira dö ga tja woyde ara anmoyõ ðëme” še. 48E irgo ga Jesús tjšê wašë ši kong ga “Owa pjang bop go ši šönor beno drete” še. 49Eshko ga nopga mana tjeng ië ba tjok ši tjšê ëng kong ga “¿Kjwe ëro? ¿Owa pjang oba go ši šòya sorë?” še. 50Gueniyo ga Jesús tjšê wašë ši kong ga “Pja mär bor go kuzong ga pja döktonge. Pja nom wopjšú bop ushko”

will be added

X\