Lucas 6

1Woshtozšong dbaryo kjwara ga Jesús jëk shäng dwša dgak buk ši tjrëko ba oppinggaga tjok. Eshko ga ba oppinggaga šöng dwša bo kjrë, ga kjwokäya or go, ue šok wšo. 2Eni ga fariseoga kjone kjone tjšê ga “¿Ðëbo shäryako woshtozšong dbaryoshko ðëm ši shäryëmi šöng kjweni ega?” še. 3Kuya Jesúsdë ga tjšê ba kong ga “¿Dënashko ga David, ba yorkagaga, e pjši šok arashko ga ðëye shäryara tak pjang Sbö tjšõkwo go ši, e šomirë ðëmdo? 4David opzrëno jek shäng Sbö u roshko, ga pjšung shosho suk pjir iak beno tjeng dboy Sbö kong ši uara, ga twara ba nopga jëk šöng ba tjok ši kong, ue wšo bako, e uaga syõshtagagarë erö gueniyo” še. 5Ga tjšê ba kong obi ga “Woshtozšong dbaryo kägäyo ši, no to ter kjok dogo dwayo ëre ši e” še. 6Woshtozšong dbaryo obšëshko ga Jesús opzrëno jek judíoga syõ uyo jong kjok eshko ši roshko, ga nopga tjeng eshko ši pina. Domer shäng kjšara eshko orkwo këšë sšosšoe. 7Fariseoga, no pinggaga kjok ðgwekkšo tara Moisésdë ši go, e šöng eshko bako, Jesús dë, swšo ši popte woshtozšong dbaryore îya šok wšo, rote e go wšo. 8Wotjšîk šöng ðë ši miydara Jesúsdë pjir kuzong ga tjšê swšo ši kong ga “Pja kojõs shäng nopga šöng kës ëre tjrëko” še. Kuya ga shäryara eni. 9E irgo ga Jesús tjšê nopga tjeng ši kong ga “Pjãy kong ðëbo kjakrokër kjrina. ¿Woshtozšong dbaryo ga ðëye shäryëy obšë kong ga pjšú? ¿Ðëbo pjšúre, de ðëbo owa? ¿Ëre dbaryo ga kjšara buk ba ðëmdo shinmotkë wšo ga ðëye shäryëy? ¿Wêyêre, de kjimtëy?” še. 10Eshko ga šöng ba zšong bäng pjribri ši îna uunkong, ga tjšê swšo ši kong ga “Pja orkwo roshwîzong” še. Kuya ga shäryara eni, ga ba orkwo poptono beno pjšúe. 11Gueniyo ga nopga šöng ši iirkono ara, tjšê šok ëng kong ga “¿Ðëye shäryëy Jesús kjwe kong ga pjšú?” še. 12Eshko dbaryo ga Jesús opshino to jem shäng dšup jong kjwara bigdo go, syõshtë Sbö kong wšo, ga syõshtono shkëe. 13Wêshko kjok shröng ga ba oppinggaga rokara tek šöng ba zšong bäng. Eshko ga kjrara dogšo sak kjwara kjingsho pjök (12), ber šöng Sbö tjšõkwo roy šaga ba ãska wšo. Epga ko šok eni: 14Simón, e koiara beno Pedro; Andrés, e Simón šëng; Santiago; Juan; Felipe; Bartolomé; 15Mateo; Tomás; Santiago, e Alfeo wa; Simón, e zelote; 16Judas, e Santiago wa; Judas Iscariote, e Jesús soynega. 17E irgo ga Jesús to ter dšup ši dwayo ba oppinggaga kjrara ši tjok, ga öötong šöng sdam šëkong. Eshko ga nopga tjeng träk ðëm, opping ba tjok wšo. Nopga shrono šöng ara ba kuk wšo, ba swšo ðë ši popte wšo bakoe. Shrono šöng ši, e Judea sopga, Jerusalén sopga, Tiro sopga, Sidón sopga bakoe. Tiro kjokyo, Sidón kjokyo, e tjeng dšung sor go. Ëye tjeng eshko goshko Ä sëyaga ga e poptara Jesúsdë. 19Eshko ga ëye ba shwong porwono ga poptono ba dbo kësbang go. E kjîshko ga uunkong wotjšîk šok ba porwë še. 20Eshko ga ba oppinggaga îya Jesúsdë ga tjšê ba kong ga “Nopga song wšeniyo, pjãy ber wopjšú, Sbö ber bomi pjšuyo kjîshko. 21Pjãy šöng pjši ara wšeniyo, pjãy ber wopjšú, ðono ga pjãy ber šöng bö tjung kjîshko. Pjãy šöng sšar ëë wšeniyo, pjãy ber wopjšú, ðono ga pjãy ber šöng jar kjîshko. 22Pjãy îywaba shjiktëng, pjãy wšokjrëba ðëm, pjãy šãywëba owa, bomi ko e owa šëba, shäryëba eni no to ter kjok dogo dwayo ëre kjîshkoshko ga pjãy ber wopjšúe. 23Eni ga pjãy äär kjok dogoshko ga pjãy potjwšên ara. E kjîshko ga shäryëba owa bomi kong enishko ga pjãy woydë ðëme. Pjãy ber woowa ðëm dey. Sgšik šëmi, öö šëmi ara, pjãy šöng wopjšú kjîshko bakoe. Dënashko ga Sbö tjšõkwo šagaga shdunaba eni bakoe. 24Gueniyo ga pjãy nopga dbur ara wšeniyo, pjãy song jšõ, ðono ga pjãy šöng pjšú dbaryo ši pjitong kjîshko. 25Pjãy šöng bö tjung wšeniyo, pjãy song jšõ, ðono ga pjãy ber šöng pjši ara kjîshko. Pjãy šöng jar wšeniyo, pjãy song jšõ, ðono ga pjãy ber šöng sšar ëë kjîshko. 26Pjãy poshrëkoba arashko ga pjãy song jšõe. Dënashko ga nopga to šöng tjšê ga “Tja Sbö tjšõkwo šaga” še, gueniyo ichaga Sbörë ðëme. Eshko ga epga poshrëraba ara bakoe. 27”Gueniyo ga šër pjãy bor kuga ši kong ga bomi moskwoga woydozî ara. Ëye, pjãy îywa shjiktëng ga kong ðëbo shäryozî pjšú dey. 28Ëye wotjšîk owa bop tjok ga pjãy wotjšîk pjšú ba tjok. Ëye, pjãy bokrotke ga pjãy syõshtë Sbö kong ba kjîshko dey. 29Pjãy kwomso shpora obšërë pjšara ga kašëkong twëmi ba kong, shpoya wšo bakoe. Bomi shwong kop šëkong döra ga bomi shwong ter šëkong twëmi ba kong bakoe. 30Ë pogo tjwe bomi shwoy ðëbo rokë ga twëmi ba kong. Ðëbo döra bop shjiryo ga wêyê. 31Pjãy ðëbo shäryos obšë kong, woydëmi ga shärye šok bomi kong sorë ga eni. 32”¿Bomi woydagaga woydomirë dö wšeni ga pjãy potjwšêkkšo ðë šëmiro? Nopga owa ëmdë ga omshäryë e kjoyoe. 33¿Bomi kjimtagaga kjimtomirë erö ga pjãy potjwšêkkšo ðë šëmiro? Nopga owa ëmdë ga omshäryë e kjoyo bakoe. 34¿Dbur poskwomi, tjwšõ shimi iröng wšo dö ga pjãy potjwšêkkšo ðë šëmiro? Nopga owa ëmdë ga omshäryë e kjoyoe. 35Eni ðëme. Nopga kong ðëbo shärye Sbörë pjšú bako, “Tja kjimtara Sbörë” še ðëm gueniyo. E kjîshko ga bomi moskwoga woydozî ara. Ðëbo shäryozî pjšú ba kong. Dbur poskwõzî oba kong, ga tjwšõ shimi ðëme. Eni ga bomi potjwšêkkšo ber kësbange. Ga pjãy ber šöng Sbö Tjwšõ Kësbangyo ši wapga jšõkoyo. 36Pja songe še bomi Datarë oba kong. Pja songe šozî oba kong eni bakoe. 37”“No obšë ðëbo owa shäryono” šëy ë kong ðëme. Eni ga “Pjãy ðëbo shäryono owa” še Sbörë bomi kong ðëm bakoe. “Pja shdungko” šëy ë kong ðëme. Eni ga “Pjãy shdungko” še Sbörë bomi kong ðëm bakoe. Ðëbo shäryara obšërë bomi kong owa ši iozî ber tjwšõ ðëme. Eni ga owa pjang bomi go ši šòya Sbörë ber dret eni bakoe. 38Oba sèzîa. Eni ga pjãy sèya Sbörë bakoe. Pjãy kong ðëbo twe bayo ara, so resgwo bapkwo tjung kjoyo, resgwo bapkwo ši roshko resgwo yoroy, kjing ðiy or go, sigwo yoy ber ðiktëng wšo, kjing goshko iëy jek obi, ber tjung kjopkwo shopte jong om go wšeni. Shäryëmi obšë kong sorë ga shärye Sbörë bomi kong eni bakoe” še. 39E irgo ga tjšêno ba kong ðëbo jyãgšo go obi. Tjšê ga “Nopga tjeng do pjök kjok îgö ðëm wšeniyo. ¿Kjšara wšosöya ba kjšara širë še ga šon jer tjeng pjöyîkong pjšëbgwo kjwaraso roy ðëmdo? 40Oppinggaga tjwšõ ara, ba pingga kjinmo ðëme. Gueniyo ga oppino pjirshko ga äär ber ba pingga dik. 41”Bomi kjšara bok bäng kjor pjšoyo îmi kjër. E wopro ga bomi bok roshko kjorkwang buk kjwangna ši îgömi ðëme. ¿Shäryëmi eni egaro? 42¿Kjorkwang buk bomi bok roshko ši îgömi ðëm ga “Kjor pjšoyo buk bop bok bäng kjwe shir bop kong” šëmi bomi kjšara kong sorëro? ¡Pjãy Sbö tjšõkwo söga jšõkoyo šëmi, gueniyo pjãy wotjšîk owa bomi pjšúshko! Kjorkwang buk bomi bok roshko ši shizî bäm go. Enira kjor pjšoyo buk bomi kjšara bok bäng ši îgömi wêšë, shimi ba kong wšo. 43”Kjor doyo pjšú ga botjyë ga owayo drete. Kjor doyo owa ga botjyë ga pjšúyo dret bakoe. 44Kjor, e sorë miydëy ba bo go. Kjor bo kjrëy shkšik doyo go ðëme. Kjiðgwo bo kjrëy shkö sho doyo go ðëm bakoe. 45No pjšú ga tjšê pjšú, wotjšîk pjšú ba pjšúshko kjîshko. No owa ga tjšê owa, wotjšîk owa ba pjšúshko kjîshko bakoe. Ðëbo tjeng bomi pjšúshko šomirë bomi kjamo go. 46”Pjãy tjšê bor kong ga “Pja bor Tjšapga jšõkoyo” šëmi, gueniyo tja košëmi ðëme. ¿Shäryëmi eni egaro? 47Ëye tjwe bor shwoy, tja tjšõkwo kuya, ga ðëye šoror ši shärye ga e so domer u ywaga kjšara kjoyoe. U shäryarashko ga shwšeyo pjšona rong, ga ak iara ba so bäng pjribrie. Shäryara pjir ga di to jer, pjono u ši goshko ga to wito ðëm, u ši shäryara pjšú kjîshko. 49Gueniyo ëye, tja tjšõkwo kuya, ga ðëye šoror ši shärye ðëm ga e so domer u ywaga obšë kjoyoe. U shäryarashko ga ba shwšeyo pjšona uriso, rong ðëme. Shäryara pjir ga di to jer, pjono u ši goshko ga skwara pjir, söra dirë drete”

will be added

X\