1 E irgo ga Jesús opzrëno jek Jericó kjokyo roshko, tur pjšor kašëkong wšo še. 2 Domer sök eshko kjšara ko Zaqueo, e dbur ara. E parkë shäng dbur töngga Roma so kong ši kägäyo. 3 Jesús, e sorë îya woydë. Gueniyo domer ši sok chirawa töshko, ga oba ara. E kjîshko ga îya ga äe. 4 Eni kuzong ga Jesús tek tjwe irbo e go miydarashko ga jek zron jong ba bäm go këm jûni. Ga tjyono jem kjor jong eshko kjšara ši ko roy, îya wêšë wšo. 5 Jesús jek shäng irbo e goshko ga îya sök kjomo, ga tjšê ba kong ga “Zaqueo, pja opšõs kjwey dwayo ter töshko mašing. Eeri ga tja ber sök bop ushko” še. 6 Kuya ga opšono ter töshko mašing, ga Jesús wšokjrara shäng wopjšúe. 7 Eni ga îya šöng eshko širë ga Jesús šãywe šok owa ara. Tjšê šok ëng kong ga “Domer kjwe ðëbo owa shäryaga. ¿Jesús kjwe jek ba ushko ðëno?” še šok eni. 8 Eshko ga Zaqueo kojongö shäng, tjšê Jesús kong ga “Tjšapga, bor ðëbo tjeng kës ši twër bëy oba song wšeniyo kong. Ga ëbo ðëbo šûyotkoror jyãpgwër î wšeni ga ãska twër iröng bayo ðëbo kjroror ši pjšogšo pkëng (4)” še. 9 Kuya ga tjšê ba kong ga “Eeri ga pja döktong, bop pjeyoga šöng bop ushko ši tjok. Jšõkoyo ga pja Abraham tjëyo. 10 No to ter kjok dogo dwayo ëre shrono shäng no jeno šöng wšeniyo, e wšêga, e döga” še. 11 Jesús jek jëk shäng ääto Jerusalén kjokyoshko ga nopga jëk šöng ara ba tjok, ðëye še ši kuya šok wšo. Wotjšîk šok ga äär Jerusalén kjokyo ga Sbö ber no pjšuyo dbaryo ši eshkoro šara. Miga eni ðëme. E kjîshko ga Jesús tjšêno ba kong ðëbo jyãgšo go. 12 Tjšê ga “Pjšara ga domer shäng kjšara, tjwšõ ara wšeniyo. To kjok shto obšë pjola, iëba ber sök ba kjokshko sopga pjšuyo wšo, ga tjwe iröng ba kjokshko wšo še. 13 Opshiydë ðëm obishko ga ba parkagaga rokara dogšo sak kjwara (10). Kjšara kjšara kong dbur twara bayo ara, ga tjšê ba kong šok ga “Pjãy ber šöng dbur shak ëre go, tja tjwe iröng obi guing” še ba kong, ga toe. 14 ”Gueniyo îywa kjok eshko sopga širë shjiktëng. E kjîshko ga nopga ichara kjšöbö ba irgo, tjšê ga “Kjwe woydërwa ber borwa pjšuyo ðëme” še šok eni. 15 Woydara šok eni ðëm ëmdë ga iaraba beno sök ba pjšuyo. “E irgo ga tek shrono iröng ba kjokshko. Shrono shäng ga ba parkagaga kong dbur twara ši, e rokara, dbur shano e go kjöme miyde wšo. 16 ”Parkaga shrono shäng bäm go ši tjšê ba kong ga “Tjšapga, bop dbur tworop bor kong ši go ga kjingsho sharor kjringgwo sak kjwara (10) obi” še. 17 ”Kuya ga tjšê ba kong ga “Pjšúe. Pja parkaga pjšú wšeniyo. Pja kong ðëbo tworor chira, ga dorop pjšo beke. E kjîshko ga pja iër ber no ichaga kjok kjringgwo sak kjwara (10)” še. 18 ”E irgo ga parkaga shrono shäng kjšara obi, tjšê ba kong ga “Tjšapga, bop dbur tworop bor kong ši go ga kjingsho sharor kjringgwo shkëng (5) obi” še. 19 ”Kuya ga tjšê ba kong ga “Eni ga pja iër ber no ichaga kjok kjringgwo shkëng (5)” še. 20 ”E irgo ga parkaga shrono shäng kjšara obi, tjšê ba kong ga “Tjšapga, bop dbur tworop bor kong kjupargue ši kjros iröng. Popgoror beno tjeng jangsher roshko, jer ðëm wšo. 21 Miydër pjšú ga pja kjange. Pja parkono ðëmshko ga pja dbur shak eshko, ga pja dwša bo kjrë, dwša dgorop ðëmshko bakoe. E kjîshko ga pja bangkjroror ara” še. 22 ”Kuya ga tjšê ba kong ga “Pja parkaga owa wšeniyo. Pja ðgwer, tjšõkwo šëp shäng om go ši go. Miydëp pjšú ga tja kjange. Tja parkono ðëmshko ga tja dbur shak eshko, ga tja dwša bo kjrë, dwša dgoror ðëmshko bakoe. 23 E kjîshko ga bor dbur ëre sörop, jnenop beno dbur jnezšong uyo roshko kjwe dey. Eni kjwe ga tja tjwe iröng obi ga tja dbur töno e kjinmo kjwe” še ba kong. 24 ”Eshko ga pjšu ši tjšê ba parkagaga obšë šöng eshko ši kong ga “Ba dbur tjeng ba wšoshko kjwe dözî, twozî kjšara shäng dbur shara kjringgwo sak kjwara (10) ši kong” še. 25 ”Kuya šok ga tjšê ba kong ga “Tjšapga, kjwera dbur tjeng kjringgwo sak kjwara (10) tjän” še. 26 ”Kuya ga tjšê ba kong ga “Šër bomi kong ga ëye ðëbo tjok ga sèya jek obi. Ëye ðëye ðëm ga ðëye tjeng sirawa ši döya ba shjiryo drete. 27 E ga bor wšoyoga šira, tja woydara ber ba pjšuyo ðëme. Epgara to shami, ga tek sözî, zrömi bor bokshto wšo”“ še. 28 Jesús tjšêno eni pjir ga jek jongya Jerusalén kjokyo obi, 29 ga öötong shäng Betfagé kjokyo, Betania kjokyo, e ber šöng Olivos dšupyo pogšo go. Eshko ga ba oppinggaga jek šöng ba tjok ši rokara do pjök, 30 ga tjšê ba kong ga “Pjãy nom kjok buk bi bokshto kjweshko. Eshko ga öng so kwomgša kjoyo dre töshko ðgwokšë wšeniyo wšêmi sök kjro go kjšara wšënggša, kjing go ëye opyoydë ðëm wšeniyo. Komi, ga tek sömi bor kong. 31 Eshko ga ëbo tjšê bomi kong ga “¿Komi kjweni ega?” še bomi kong wšeni ga “Woyde Tjšapgarë” šëmi ba kong eni” še. 32 Eni ga jek öötong šöng eshko, ga öng wšêna sök kjšara, šara ba kong sorë ši eni. 33 Kõya šöngshko ga îya ba sogogarë ga tjšê šok ba kong ga “¿Öng kjwe komi ðëno?” 34 ”Woyde Tjšapgarë” še ba kong. 35 Eni ga öng ši tek söra shrono šöng Jesús kong, ga ba shwong kop šëkong iara šok öng ši kokso kjing go. Eshko ga Jesús kjimtara šok opyë sök öng ši kjing go, ga jeke. 36 Jek sökshko ga nopga jëk šöng ba tjok ara. Kjone kjone, ba shwong kop šëkong skwara šok, ga kwoptara šok irbo bäng go ba bäm go. 37 Jek sök ääto kjujõzšong irboyoshko ga nopga jëk šöng ba tjok ši, öö še šok, wopjšú kjîshko. Ga Sbö poshrëya šok träk ðëm, ðëbo îydëba ðëm wšeniyo îna šok ara kjîshko. 38 Tjšê ga “Pjšu kjwe ichara Tjšapgarë shrono kjok ëreshko. Kjwe kjimte Sbörë. Šöng kjok dogo ši šöng wopjšú Sbö tjok, poshrëya šok träk ðëme. “Pja kësbange” še šok ba kong” še. 39 Fariseoga šöng eshko kjšöbö, nopga ši tjrëko. Kuya šok ga tjšê Jesús kong ga “Tjšapga no pingga, bop oppinggaga kjwe kjinkozong” še. 40 Kuya ga tjšê ba kong ga “Šër bomi kong ga kjwepga kjinkoror kjwe ga akkwo tjeng kjwey, öö še shara” še. 41 Jek sök ääto Jerusalén kjokyo ga kjok ši îna, ga sšatong ara, 42 tjšê ga “Jerusalén sopga, pjãy iaga ber šöng wšêp ši ë, e miydomirë ðëm obi. Woydoror ga miydoromi tjän, gueniyo jnek tjeng pjir bomi kong, miydëmi ðëm wšo. 43 Sbö shrono sök bomi îkshko ga wšokjroromi ðëme. E kjîshko ga dbar tjwe bomi kong owa kjrina. Eshko ga pjãy popde bomi moskwogarë šok, ga pjãy kopjrîya šok pjribri, pjãy opshik tök ðaw ðëm wšo. Bomi kjok kjëryo shäryak ak go pjribri kjókshko kjwe dšoya šok ber tjeng töshko, akkwo ëmdë ber tjeng ëng kjing go kjwara ðëme. Eshko ga pjãy zröya šok” še. 45 Jesús opzrëno jek Jerusalén kjokyo roshko irgo ga öötong shäng Sbö u zšong bäng ga nopga šöng eshko ðëbo soynek ši ichara opshik ey dwayo, 46 tjšê ga “Sbö tjšõkwo tak pjang eni: “Bor u, e kowëba ber syõ uyo wšo. Gueniyo ioromi beno jong šû uyo”“ še. 47 Dbar kjwobi go ga Jesús öör shäng nopga ping Sbö u zšong bäng. Ga syõshtaga kägäyoga, no pinggaga kjok ðgwekkšo tara Moisésdë ši go, tjšapgaga tjwšõ ara wšeniyo, e tjšê ëng kong ga “¿Zröy sorë ga pjšú?” še šok eni enido. 48 Gueniyo shaya šok ga ä, Jesús zšong bäng nopga šöng ara ba kuk kjîshko.
