Lucas 18

1Eshko ga Jesús tjšêno ba oppinggaga kong ðëbo jyãgšo go, epga syõshtë ber šöng Sbö kong îyado wšo, wosonkë ðëm wšo. 2Tjšê ba kong ga “Kjok buk kjrinashko ga no shäng kjšara no ðgwega, ëye bangkjre ðëm, Sbö ëmdë ga bangkjre ðëm bakoe. 3Kjok eshko ga syã shäng kjšara. Tjwe tjšapga kjok ðgwega wšeniyo ši shwoy enido, tjšê ga “Bor wšoyo, e ðgwep bor kong sira. Tja wšikozong” še ba kong eni enido. Kjok ðgwega sök ši îya öör ga ðgweya woydë tjšapga širë ba kong ðëme. Eni ga îya jek tjwe obi, îya jek tjwe obi. “Gueniyo pjšara ga tjšapga ši wotjšîk ga “Tja, ëye bangkjrër ðëm, Sbö ëmdë ga bangkjrër ðëm bakoe. 5Gueniyo wašë kjwe tjwe shäng bor barwë ara enido. E kjîshko ga ðëbo ši ðgwer ba kong, tja barwe ame wšo. Ðëm ga tjwe bor barwë jek obi, ga tja ie ber sök wšêp ðëme” še. 6”Ðëye šara no ðgwega owarë ši, e woyotjšîzîa. 7¿Pjãy wotjšîk ga Sbö, ba nopga kjrara tjeng ši wšike ðëme šëmiro? Epga syõshtë šok ba kong shkë dba, wšike wšo. ¿Pjãy wotjšîk ga dborye mašing ðëme šëmiro? 8Šër bomi kong ga wšike mašing. ¿Gueniyo ga no to ter kjok dogo dwayo ëre tjwe kjok ëre kjing goshko ga nopga wšên šöng mär bor gore?” še. 9Nopga šöng eshko kjšöbö, wotjšîk ga “Tjawa jëk pjšo bek, obšëra jëk bëy ðëme” še eni. Eni ga Jesús tjšêno ba kong ðëbo jyãgšo go. Tjšê ga 10”Domerga öötong šöng Sbö u zšong bäng do pjök syõshtë. Kjšara, e fariseo, kjšara obi, e dbur töngga Roma so kong. 11Eshko ga fariseo ši syõshtono shäng kojong, tjšê ga “Sbö, tja no obšë dik ðëme. Tja šûrkë ðëm, tja ðëbo owa shäryë ðëm, tja pë oma boy obšë tjok ðëm bakoe. Dbur töngga kjwe jëk owa, tjara jëk eni ðëme. Tja wopjšú bop tjok e kjîshko. 12Sondë kjwobi go ga tja ië ðëm bop kong dbar pjök. Ðëbo wšênor ši shtër äär ba sakyo (10) go, ba sakyo (10) go, shir kjrina kjrina, ga twër bop kong” še eni. 13”Dbur töngga šira beno shäng ro pjola sira. Ðëbo owa shäryara ši bangyo ba kong ara kjîshko ga beno shäng pjšú kjing shpok, ga kjok dogo jem îya woydë sira ðëm, šöktkë ara Sbö bokso kjîy. Eni ga syõshtono, tjšê ga “Sbö, tja ðëbo owa shäryono ara. Tja songe šozong” še. 14”Šër bomi kong ga brik šokshko ga dbur töngga ši beno shäng pjšo bek Sbö bokso, fariseo šira ðëme. Ëye opyë ber tjwšõ ara ga ie ber tjwšõ ðëme. Ëye opyë ber tjwšõ ðëm ga ie ber tjwšõ ara” še. 15Eshko ga kjwozirga sökoba jek Jesús kong, Jesús orkwo ië ba kjing go wšo. Îya ba oppinggagarë ga kjwozirga sögaga ši wšona. 16Eni ga ba oppinggaga ši rokara Jesúsdë tek ba shwoy, ga tjšê ba kong ga “Kjwozirga somi ðëm, tek wêyê bor shwoy. Ëye ber kjwozirga jûni ga Sbö ber ba pjšuyo. 17Šër bomi kong jšõkoyo ga ëye Sbö tjšõkwo kjrë kjwozirwa dik ðëm ga äär ber sök Sbö sök no pjšuyo îyado šishko ðëme” še. 18Tjšapga shäng kjšara eshko tjwšõ ara wšeniyo. Tjšê Jesús kong ga “Tjšapga no pingga, pja pjšúe. ¿Ðëye shäryër, tja ber sök së îyado Sbö tjok wšo?” 19”¿Tja pjšúe šëp ega? Pjšú ši, e Sbö eröe. 20Kjok ðgwekkšo tara Moisésdë ši, e miydëp tjän. “Shji pë oma boy obšë tjok ðëme. Shji no zrök ðëme. Shji šûrkë ðëme. Shji obšë jyõyotkë ðëme. Bop data, bop mekë, e bangkjros, ios ber tjwšõ ara”“ še. 21Kuya ga tjšê ba kong ga “Tjšõkwo šëp shäng kës ši, e shäryër shäng enido, tja tek dwšas šë obishko” še. 22Kuya ga tjšê ba kong ga “Ðëbo shäryorop kës ši, e pjšúe. Gueniyo ðëbo beno kjrina obi. Pja nom bop ðëbo tjeng kës ši soynek pjir, ga dburyo twos oba song wšeniyo kong. Enira pja ðëbo ara kjok dogo. Pjir ga pja tek bor tjok, pja pin wšo” še. 23Kuya ga beno shäng woydë ara, dbur ara kjîshko. 24Woydë ara ši îya Jesúsdë ga tjšê ga “Nopga dbur ara wšeniyo äär ber šöng Sbö sök no pjšuyo îyado šishko wšo ga kjange. 25Öng jëkkšo sok kësbang wšeniyo opzrëk jek shkö bokkwo bäng go ga kjange. Gueniyo nopga dbur ara wšeniyo äär ber šöng Sbö sök no pjšuyo îyado šishko wšo ga kjang anmoyõ” 26Kuya šöng eshko širë ga tjšê šok ba kong ga “¿Enira ëye därdo?” 27”Ðëye shärye norë ga ä ši, e shärye Sbörë ga pjšúe” še. 28Eshko ga Pedro tjšê ba kong ga “Borwa ðëbo tjeng kës ši rayororwa beno pjir, tjawa jek bop tjok wšo” še. 29Kuya ga tjšê ba kong šok ga “Šër bomi kong jšõkoyo ga ëye, ba u, ba boy, ba kjšara, ba data, ba mekë, ba wapga, e rayara, Sbö ber ba pjšuyo wšo ga 30ãska wšêya ara anmoyõ. Kjok ëre kjing go ga wšêya ðëye rayara ši pjšogšo ara obi. Ga ðonoshko ga ber sök së îyado Sbö tjok” še. 31Eshko ga ba oppinggaga dogšo sak kjwara kjingsho pjök (12) ši rokara dboshko, ga tjšê ba kong ga “Shji to Jerusalén kjokyo. Eshko ga ðëye tara Sbö tjšõkwo šagagarë no to ter kjok dogo dwayo ëre kjîshko ši, e shäryë eni. 32Tja twëba nopga judío ðëm wšeniyo kong, ga tja joywe šok, tja šãywe šok owa, tröng twe šok bor go, 33tja shpoya šok no shpokkšo go, ga tja zröya. Gueniyo äär dbargwo mya ga tja woshre Sbörë iröng obi” " še. 34Ðëye šara ši, e ðë šokšo miydara šok ðëme. E tjšõkwo rong kjîshko ga ðë šokšo miydara šok ðëme. 35Jesús jëk shäng ääto Jericó kjokyoshko ga domer sök kjšara eshko kjok îgö ðëm wšeniyo. E sök dbur rokë irbo ši sor go. 36Kuya sök ga nopga jëk šöng träk ðëm ga tjšê ga " “¿Oba jëk šöng ðë kjîshko?” 37”Jesús, Nazaret so ši tekdo shäng” šëba ba kong. 38Kuya ga tjšê ba kong dbo go ga “¡Jesús, David tjëyo, tja songe šozong!” še. 39Kuya nopga jëk šöng Jesús bäm go širë ga tjšê ba kong ga “Pja kjinkozong” še ba kong, gueniyo kjinkë ðëme. Tjšêno dbo go jek obi, tjšê ga “¡David tjëyo, tja songe šozong!” še. 40Eni ga Jesús kojongö shäng ga tjšê šöng ši kong ga “Tek sözî bor shwoy” še, ga söra šok jek ba shwoy. Eshko ga tjšê ba kong ga 41”¿Ðëye woydëp ga shäryër bop kong?” “Tjšapga, tja kjok îk woydë” še ba kong. 42Kuya ga tjšê ba kong ga “Kjok îs jek obi. Pja mär bor go kuzong ga pja poptonoe” še. 43Jekdo eshko ga beno shäng kjok îgö wêšë, ga to jek shäng Jesús tjok Sbö poshrëk. Îya nopga šöng eshko širë ga beno šöng Sbö poshrëk bakoe.

will be added

X\