Lucas 17

1Eshko ga Jesús tjšê ba oppinggaga kong ga “Ðëbo tjeng ara, pjãy iche ðëbo owa shäryë wšo. E ber eni îyado. Gueniyo ëye obšë ichono ðëbo owa shäryë ga era song jšõ, shdungko. 2Kjwozirwa bor tjšõkwo kjraga kjšara ichayde ðëbo owa shäryë ðëm obishko ga ba ichaga ši shakko, apkwo kësbang pjrikko ba bëngshko, ga dbukko jer dšung dorong dey. 3E kjîshko ga pjãy sjëke. “Bop kjšara, e ðëbo owa shäryono ga pîzong, “Shäryëp eni ame” šos ba kong. Eni ga “E owa jšõe. Shäryër ame” šara bop kong wšeni ga ðëbo shäryara owa ši ios ber tjwšõ ðëme. 4Dbar kjwara ga ðëbo shäryara bop kong owa pjšogšo kjäk (7) ëmdë ga tjwe bop shwoyshko ga tjšê bop kong ga “E owa jšõe. Shäryër ame” šeshko ga owa ši ios ber tjwšõ ðëme” še. 5Eshko ga Sbö tjšõkwo roy šagaga ba ãska ši tjšê ba kong ga “Tjawa mär šöng Sbö go. Tjawa kong dbo twos, tjawa mär ba go jek këgong wšo” še. 6Kuya ga tjšê ba kong ga “Dwšagwo chirawayo ëmdë ga kun jem ga pjšúe. Eni wšeni ga pjãy mär Sbö go sirawa dö ëmdë ga pjãy tjšêno kjor kësbang kjwe kong ga “Pja opshis ëre dwayo, pja nom wen jong dšung roy” šoromi ga pjãy koše, ga shäryë eni. 7”Pjãy kjšara, parkaga shäng kjšara wšeni ga brik shäng kšung workwë, ðëm ga öng dë. ¿Tjwe shäng iröng bop shwoyshko ga ðëye šëp ba kong eshko? ¿Pja tjšê ba kong ga “Pja tegö. Pja sirkes sök ië jekdo” šëp ba kong enire? Eni ðëme. 8Pja tjšê ba kong ga “Bor dši shäryos bor kong jekdo. Pja poshäryos, pja shwong skwos stek wšeniyo, bor dši pjšorguëp bor kong wšo. Tja iono pjir ga ië pja shara” šëp ba kong eni dani. 9¿Shäryara bop kong eni pjir ga pja tjšê ba kong ga “Tja kjimtorop ara, tja wopjšú bop tjok” šëp ba kong enire? Eni ðëm bakoe. 10Pjãy parkaga eniyo wšeni bakoe. Pjãy ichara Sbörë parkë ga pak ši shäryoromi pjir ga woyde ga pjãy tjšê ga “Tjawa tjwšõ ara ðëme. Tjawa parkaga eröe. Ðëye šara Sbörë borwa kong ši shäryorwarë erä” šëmi eni” še. 11Jesús jek shäng Jerusalén kjokyo wšo šeshko ga jëk shäng Samaria kjokyo, Galilea kjokyo, e tjrëko. 12Jek äär shäng kjok kjrinashko ga domerga wen tjeng dogšo sak kjwara (10), pogšo go swšo ara, sho an do jîkong wšeniyo. Tek shrono šöng pjola sit, 13ga öö še, tjšê ba kong ga “¡Tjšapga Jesús, tjawa songe šozong!” še. 14Îya ga tjšê ba kong šok ga “Pjãy nom opping syõshtagaga Sbö kong ba pjeyoga kjîshko ši kong, pjãy îya šok wšo” še. Jek šöng jëkko wopro ga poptonoe. 15Kjšara opîno ga beno drëpdrë, sano iröng, ga Sbö poshrëya shäng pjšuk ara. 16Eni ga jek öötong shäng Jesús zšong bäng ga kjök tono, kjujono bokdo kjšay kšung go, ga tjšê ba kong ga “Tja poptorop. Tja beno wopjšú bop tjok e kjîshko” še. Domer ši, e Samaria so. 17Kuya ga tjšê nopga šöng ši kong ga “¿Domerga poptono, e dogšo sak kjwara (10) ðëmdo? ¿Ðamo dogšo shkaw (9) ši kjwono ðong? 18Domer ëre Samaria so, e judío ðëme. Era shrono iröng obi Sbö poshrëk. ¿Judíogara kjwono ðong?” še. 19Eshko ga tjšê domer ši kong ga “Pja kojõzong. Pja nomo. Pja mär bor go kuzong ga pja poptonoe” še. 20Pjšara ga fariseoga kjone kjone tjšê Jesús kong ga “¿Sbö ber no pjšuyo wšo ši, e dbaryo tjwe ðono?” “Sbö ber no pjšuyo ši, e ðëbo îkko wšeni ðëme. 21“Sbö, e no pjšuyo shäng îzong” šëy ga äe, îgöy ðëme. Sbö ber no pjšuyo ši, e ðëbo wen bomi pjšúshko” še ba kong. 22Eshko ga tjšê ba oppinggaga kong ga “Dbar tjwe kjwara ga no to ter kjok dogo dwayo ëre îmi woydë ara jek pjšara obi. Gueniyo eshko ga tja îmi ðëme. 23Eshko ga no tjwe shäng tjšê bomi kong ga “¡Shäng na îzîa!” še. Obšë tjšê ga “¡Shäng kjwe!” še bomi kong, gueniyo jšõ šëmi ðëm, pjãy jek eshko ðëme. 24Tja tjwe iröng obishko ga e ber so ðgwšëng ðer kãšã ðetðet kjok dogo ðaw pogo kjoyoe. Eni ga tja îga nopga uunkongdë wêšëe. 25Gueniyo e bäm go ga tja shdungoba ara guing. Tja wšokjre nopga šöng eerishko dbaryo širë ðëme. 26”No to ter kjok dogo dwayo ëre tjwe iröng obi döröshko ga ðëbo shäryë kjok ëre kjing go ši, e ber so ðëbo shäryono Noé dbaryoshko ši dik. 27Eshko ga kjok ëre pitë ðëm obishko ga nopga to šöng wšêp dši uë, di ië, orkwosmok ëng tjok, öötong Noé opzrëno jem kjyong kësbang roshko dbaryoshko. Eshko ga shunyo shrono kësbang, ga nopga ši söra dirë, shtena drete. 28”Lot dbaryo ga nopga opshäryono eni bakoe. To šöng dši uë, di ië, ðëbo tjwšêk, ðëbo soynek, dwša dguë, u ywë, beno šöng ðë še. 29Gueniyo Lot opshino Sodoma kjokyo dwayo irgo ga akkwo šono ter iök, shunyo shrono wšeni, ga nopga ši pjira drete. 30Ga tja wen obishko ga shäryë eni bakoe. 31”Eshko dbaryo ga ëye sök ba u dbo kjing sdok ši kjing go ga jek ðëbo beno tjeng ba u roshko ši kjrë ðëm, tök jekdo dey. Ëye shäng ba kjokshko ga jek ba ushko iröng, ðëbo beno tjeng ši kjrë ðëm bakoe. 32Ðëye weno Lot boy kong dënashko ši woyotjšîzîa. 33”Ëye wotjšîk opdë om go, zrökoba bor kjîshko ðëm wšo še ga äär kjok dogo ðëme. Gueniyo ëye jëk bor tjok jšõkoyo, e zröraba bor kjîshko ëmdë ga era ber sök së îyado kjok dogo. 34Šër bomi kong ga eshko dbaryo ga nopga tjeng do pjök bukkšo kjwaraso kjing go. Kjšara söya, kjšara ie ber buk eshko. 35Ga wašëga šöng do pjök ðëbo kšäk. Kjšara söya, kjšara ie ber shäng eshko” še 37Kuya šok ga tjšê ba kong ga “Tjšapga, ¿shäryë eni ši, e kjone?” “Shinmo doyo buk kjone ga šà tjwe tön tjeng ara eshko” še ba kong.

will be added

X\