Lucas 14

1Woshtozšong dbaryo kjwara ga Jesús öötong shäng fariseo tjwšõ ara wšeniyo, e ushko, ië ba tjok wšo. Nopga šöng eshko ši šöng ba dë, ðëye shärye ši îya šok yõtso wšo. 2Domer sök kjšara eshko swšo ara, pogšo dguë do jîkong. 3Îya Jesúsdë ga tjšê fariseoga šöng ši kong, kjok ðgwekkšo tara Moisésdë ši miydagaga pjšú wšeniyo šöng ši kong ga “¿Woshtozšong dbaryo ga shji swšo poptë ga pjšúre?” še. 4Kuya šok ga beno šöng kjing erä. Eni ga Jesús orkwo iono swšo ši go, ga poptara, tjšê ba kong ga “Pja nom ga pjšúe” še. Kuya ga toe. 5Eshko ga Jesús tjšê nopga ši kong ga še. “¿Bomi wa, bomi öng, e šono di bäng roshko woshtozšong dbaryoshko ga shimi jekdo mašing ðëmdo?” 6Kuya šok ga dboryara ðëm, beno šöng kjing erä. 7E irgo ga îya Jesúsdë ga nopga mak ši shrono šöngshko ga sökkšo wšêya šok pjšú wšeniyo, oba tjwšõ ara tjeng šishko. Eni ga tjšêno ba kong ðëbo jyãgšo go. Tjšê ga 8”Ëbo orkwosmok wšenishko ga pja mana ië ba tjokshko ga pja jek sirkek sökkšo kjing, oba tjwšõ ara tjeng šishko ðëme. No tjwšõ ara bop kjinmo tjwe shäng eshko wšeni ga 9bomi maga ši tjwe tjšê bop kong ga “Pja kojõzong. Sökkšo kjwe twos kjšara wše kong” še kjwe. Eshko ga pja šöktkë ara, ga pja ber sök sökkšo tjeng iröng wšeniyo kjing go shara. 10”Pja manabashko ga pja shronoshko ga pja jek sirkek sök sökkšo tjeng iröng wšeniyo kjing go dey. Eni ga bop maga ši tjwe tjšê bop kong ga “Tjšapga, pja tjwšõ ara. Pja tek sirkek sök sökkšo ëre pjšú anmoyõ kjing go shara” še bop kong eni kjwe. Eshko ga pja îkoba ga pja tjwšõ tjok. 11Ëye opyë ber tjwšõ ara ga iëba ber tjwšõ ðëme. Ëye opyë ber tjwšõ ðëm ga iëba ber tjwšõ ara” še. 12Eshko ga tjšê ba maga ši kong ga “Pja dši shäryono bayo arashko ga woyde ga oba ðëbo ara wšeniyo mapdë dö ðëm, bop pjeyoga mapdë dö ðëm bakoe. Shäryorop eni wšeni ga dbar obšë go ga pja kjwe kar maya eni bakoe. Eshko ga pja potjwšêkkšo tjok. 13Pja dši shäryono bayo arashko ga nopga song wšeniyo, nopga jëk ðëm wšeniyo, nopga jëk yökyök wšeniyo, nopga kjok îgö ðëm wšeniyo, e mapdë dey. 14Epgara, pja potjwšêya ga äe. Gueniyo shäryorop eni wšeni ga pja ie Sbörë ber wopjšú, ga pja potjwšêga erë, nopga pjšo bek ši woshre iröng obi dbaryo šishko” še. 15Eshko ga sirkeno sök kjšara ba tjok eshko ši tjšê ba kong ga “¡Sbö ber no pjšuyo dbaryo öötongshko ga ëye öötong sök ië ba nopga tjok eshko ši ber wopjšúe!” še. 16Kuya ga tjšê ba kong ga “Domer shäng kjšara, nopga mana träk ðëm, tjwe ba ushko ië ba tjok wšo, ga opyono beno shäng dši shäryë ba kong bayo ara. 17Öötong iozšong dšoyo go ga ba parkaga ichara kjšara, tjšê nopga mana ši kong ga “Pjãy tegö. Dši kwirkonoe” še eni. 18”Gueniyo kuya šok ga kjšara kjšara ðëbo wšêno, jek mana šishko ðëm wšo. Bäm go ši tjšê ga “Tja kjok tjwšêno kjrina. Tja jongya ba îk. Tja jnep kësbange” še. 19”Kjšara obi tjšê ga “Tja sögša kšung workwokšo dopshiga wšeniyo tjwšêno dogšo sak kjwara (10). Tja jongya ba tjšîk. Tja jnep kësbange” še. 20”Kjšara obi tjšê ga “Tja orkwosmok sök eeri jã. Tja jek ga äe” še. 21”E irgo ga parkaga ši tek shrono shäng iröng obi ba pjšuyo shwoy, ga roy šara ba kong pjire. Kuya ga iirkono ara, ga tjšê ba kong ga “Pja to u šok ara wšeniyo tjrëko, irbo pjšara pjšara bäng go, irbo chilawa obšë obšë bäng go bakoe. Eshko ga nopga song wšeniyo, nopga jëk ðëm wšeniyo, nopga kjok îgö ðëm wšeniyo, nopga jëk yökyök wšeniyo, e tek söba” še. 22”Shäryara eni pjir ga shrono tek shäng iröng obi, tjšê ba pjšuyo kong ga “Tjšapga, ðëye šorop bor kong ši shäryoror pjire. Gueniyo iozšong shtoyo obie” še. 23”Kuya ga tjšê ba kong ga “Pja nom nopga wšêk kjok shto obšë shara. Pja to u šok kjwöbö kjwöbö wšeniyo tjrëko. Eshko ga ëye wšênop ga ichëp tek bor ushko, bor u ëre dšin ber jong tjung wšo. 24Šër bop kong ga nopga manor šöng bäm go ši, bor dši ši ue sira ðëme” še ba parkaga kong” še. 25Jesús jek jëk shäng irbo go, ga oba jëk šöng ba tjok ara. Eni ga bojono iröng, tjšê ba kong šok ga 26”Ëye jëk woydë bor tjok jšõkoyo ga woyde ga ba data, ba mekë, ba wapga, ba pjeyoga uunkong, e ie ber woyo ba kong ame. Woyde ga wotjšîk ga “Tja wošonde, de tja wošon ðëmde, tja jëk ba tjok” še îyado bakoe. Shärye eni ðëm ga e ber bor oppingga ga äe. 27Woyde ga ðëye shäryëba ba kong bor kjîshko ðë pogoshko ši, e zrökoba pjang kjšös go ëmdë ga e ba kong ga ðëye ðëme še. Eni ðëm ga e ber bor oppingga ga ä bakoe. 28”¿Pjãy kjšara wotjšîk ak sho shäryë jong kjókshko wšeni ga pja sirkek sök ba woyotjšîk ga “¿Tjwšõ kjöm? ¿Dburyo kjwõrde?” šëp bäm go ðëmdo? 29Eni ðëm ga u shakkšo ši shäryorop pjirshko ga dbur pjir eshko wšeni ga pja îkoba ga pja joywëba, 30tjšê ga “Domer kjwe ba pak soyono, ga kjra šara ga pjitong ðëm îzîa” šëba eni. 31”¿Pjšu ðë opshik jek ba ëngkjwagaga dogšo sak dbäw dbäw pjšogšo sak kjwara (10,000) tjok, ëngkjwë pjšu obšë tjok wšeni ga îya ga pjšu obšë ši ëngkjwagaga dogšo sak dbäw dbäw pjšogšo sak pjök (20,000) wšeni ga ðëye shärye eshko šëmi? ¿Wotjšîk ga “¿No kjwõrde? ¿Shji ëngkjwë ba tjok sorë? ¿Shji kjangde, de ðëmde?” še eni ðëmdo? 32Eni ga “Shji songe” še wšeni ga pjola obishko ga nopga iche jek kjšöbö, šan pjšu obšë ši tjok wšo, ie ber sök wšêp wšo, ëngkjwë ba tjok ðëm wšo. 33Bomi ðëbo tjeng kës ši iëmi ber iröng ðëm ga pjãy ber bor oppingga ðëm eni bakoe. 34”Dšungna, e pjšúe. Gueniyo ga pjšë ameshko ga iëy ber pjšë ba shtoy iröng obi ga äe. 35Eshko ga ðëno ame, ioroy kšung kjing go ëmdë ga ðëno ðëme. E dbukko erä. Ëye kwomgwo tjok ga woyde ga kuya yõtso”

will be added

X\