Judas 1

1Kjibokwo ëre taga tja Judasdë. Tja Jesucristo parkaga. Tja Santiago šëng. Nopga rokara Sbörë šöng ši, kjibokwo ëre ichër jek bomi kong. Pjãy woyde Data Sbörë ara, ga pjãy de Jesucristorë. 2Rokër Sbö kong ga pjãy songe še îyado, pjãy ie ber šöng wšêp, pjãy woyde ara bakoe. 3Pjeyoga, woydoror ga shji döra Sbörë beno šöng sorë ši roy šër bomi kong kjibokwo ëre go. Gueniyo kur ga tjšõkwo ichër jek bomi kong obšë kjšuwe. No kjone kjone wotjšîk ga owa pjang bi go ši šòya Sbörë ber dret ba wopjšú ši kjîshko kuzong ga shji ðëbo owa shäryë ga pjšúe še. Epga opyono beno šöng bi Tjšapga, bi pjšuyo Jesucristo ši wšoyo. Nopga eniyo, e shdungko. E tak beno pjang Sbö tjšõkwo go eni dëna tjän. Ga eerishko ga nopga eniyo kjone kjone opzrëno šöng bomi tjrëko, pjãy jyãpgwe wšo še. E kjîshko ga rokër bomi kong ga tjšõkwo roy pjšú ši wšikozîa. E twaga Sbörë beno ba nopga kong pjšaraso, ber îyado wšo. 5Ðëbo kjone kjone woyoshrër woydë bomi kong, e miydëmi šöng pjir gueniyo. Dënashko ga Israel tjëyoga shira Tjšapgarë tek Egipto kjokyo dwayo irgoshko ga kjone kjone mär ba go ðëm ši pjira drete. 6Dënashko ga ba parkagaga kjok dogo so kong pak twara Sbörë obšë obšë. Gueniyo kjone kjone omrayono. E kjîshko ga pjrira Sbörë dröng sho go, iara beno šöng kjok ro sî roy, äär jong ba ðgwezšong dbaryo šishko. 7Dënashko ga Sodoma sopga, Gomorra sopga, kjok shto obšë obšë šöng ba soshko sopga, e pono no orkwosmono ba tjok ðëm ši tjok ara, ga ðëbo shäryako ðëm ši shäryara šok obšë obšë bakoe. E kjîshko ga shduna Sbörë iök go, beno nopga owa shdûya iök pjë jong ri ri sjer ðëm shtoyo ši go îyado wšo ši miydokšo. 8Nopga owa šöng bomi tjrëko ši, e ðëbo shäryë eni bakoe. Ðëbo shärye šöng owa ba doyo go, šara Sbörë ba kong yoshko še kjîshko. Wotjšîk šok ga ichaga ërë ðëme še, ga kjok dogo sopga šãywe šok owa bakoe. 9Sbö parkaga kjok dogo so kägäyo Miguel ëmdë ga ëngšono kar kar Ä tjok, Moisés doyo ši kjîshkoshko ga Ä šãywara owa sira ëmdë ðëme. Eshko ga tjšê ba kong ga “Pja wšongga ber Tjšapgarë” še ba kong eni eröe. 10Gueniyo nopga ërera, ðëbo šãywe šok owa obšë obšë, gueniyo ðëye šãywe šöng ši, e ðë miyde šöng ðëme. Epga so öng ðë kjoyo, ðëbo shärye ga woyotjšîya ðëme. Wotjšîk tjwe ðë ši shäryayde eröe. Ga ba pjikkšo ši e. 11Epga opshäryë owa, Caín dik. Ðëbo shärye ðë pogo, dbur shak wšo, Balán dik. Ga Sbö koše šok ðëm kjîshko ga ðono ga pjir, Coré dik. ¡E kjîshko ga epga song jšõe! 12Pjãy tön, ië ëng tjok, pjãy wopjšú Sbö tjok kjîshkoshko ga ðëbo shärye šok owa ši šökyokjre šok ðëm, gueniyo bomi kong ga ðëbo owa wšeni, e ber šökyo ara bomi kong bakoe. Epga opwoyotjšîk šöng om go erö, öng daga opsëng om go erö wšeni. Ðëbo še šok ara, gueniyo ðëbo pjšú shärye šok ðëm, pjäng sho roshko di ðëm, bakwe pjšukdë ðaw pogo wšeni. Ëye kjimte ðëme. Kjor bo kjrozšong dbaryo ga kjor ðë botjyono ðëm ga e ðëno ðëm, kjëtong jong wšeni. Eshko ga shiy ba sšeng tjok. Enira kjëtong jšõkoyo. Nopga ëre so e kjoyo bakoe. Ëye kjimte ðëme. 13Epga so dšung iõya dbo ara kjoyo, ðëbo owa shärye ši îgöy wêšë, dšung bung sho wšeni. Epga so dbala jëk ba irbo bäng ðëm kjoyoe. Epga šöng shdungko kjok ro sî anmoyõ ši roy îyado wšo. 14Dënashko ga domer shäng kjšara ko Enoc. E tjok ga Adán tjëyoga tek beno ba irgo ši öötong kjringgwo tjer (6). Eshko dbaryo ga Enoc tjšêno nopga ëre kjîshko. Tjšê ga “¡Tja kuzîa! Ðono ga Tjšapga Jesús tjwe ba parkagaga kjok dogo so ara tjok, shtëy ga äär ðëme. 15E tjwe nopga uunkong ðgwega, nopga owa ši shdungga, ðëbo owa shäryara kës ši kjîshko, tjšõkwo šara šok owa ba kjîshko kës ši kjîshko bakoe” še. 16Nopga ëre kjšoshtë ðë pogo kjîshko, ðë pogo šãywe owa bakoe. Jëk šöng ba wotjšîk owa ši go erä. Krë šok ara om goshko, ga obšë jyãpgwe šok tjšõkwo wošëso go, ðëye woyde ši wšêya wšo. 17Pjeyoga, ðëye šara Sbö tjšõkwo roy šagaga bi Tjšapga Jesucristo ãskarë bomi kong ši, e woyoshrozîa. 18Tjšêno šok ga “Kjok pjir šëshko ga nopga Sbö tjšõkwo joywë ä wšeniyo wen tjwe, ga jëk šöng ba wotjšîk owa ši go” šara šok eni. 19Nopga eniyo šöng bomi tjrëko, bomi shdögaga ber šöng dboy dboy wšo ši epga. Epga go Sbö Sëya ðëm, jëk šöng ba wotjšîk owa ši go erä. 20Gueniyo pjeyoga, pjãy ëng kjimtos mär Sbö go jek këgong këgong. Pjãy syõshtë Sbö kongshko ga pjãy kjimtaga ber ba Sëyarë. 21Pjãy woyde Sbörë ara, ga pjãy songe še bi Tjšapga Jesucristorë bakoe. E kjîshko ga ðono ga pjãy ie Sbörë ber šöng së îyado ba tjok. E koshëmi šöng wopro ga tjšõkwo ëre woyoshrozîa. 22Ëye, tjšõkwo kjrëy wšo ši kjone dey miyde ðëm ga e songe šozîa. 23Ëye, tjšõkwo bek ðëm ši kjre woydë kjwšë ga dözî, nopga tek shiy iök roy dwayo wšeni. Ðamoga songe šozî, gueniyo pjãy sjëk, pjãy opshäryë baîya dik ðëm wšo. Woyotjšîzî ga ðëbo owa shäryara ši kjîshko ga ba shwong ëmdë ga beno owa, porwako ðëm wšeni. 24Sbö bi döga, e eröe. Pjãy kjimte dir ðëm wšo ga pjšúe. Pjãy ie äär ber šöng ba bokshto ga pjšú bakoe. Eshko ga pjãy pogo ðëye dret, pjãy wopjšú anmoyõ bakoe. Bi Tjšapga Jesucristo kjîshko ga e iëy ber bi pjšuyo kësbang, tjwšõ ara, dbo ara îyado. Ber eni.

will be added

X\