Juan 4

1Jesús roy kura fariseogarë šok ga nopga pîya shäng, we shäng jer di roshko ara, Juan kjinmo, miga shäng no wë om go ðëm, waga ba oppinggagarë šok. E miydara Jesúsdë, ga to Judea kjokyo dwayo, jek jongya Galilea kjokyo iröng obi. 4Irbo ši jek jong Samaria kjokyo go kuzong ga 5jek öötong shäng kjok buk kjrina ko Sicar, e Samaria kjokyo obi, kjok twara Jacobdë beno ba wa José kong dënashko ši buk soshko. 6Eshko ga di bäng jong kjwara, shiga Jacobdë dënashko. Dšo dšuw dik ga Jesús sjeno jërbo kuzong ga sirkeno sök di bäng jong ši zšong. 7Ba oppinggaga jek šok u šok arashko dši tjwšêk, Jesúsda beno sök eshko. Eshko ga wašë Samaria so tek tjwe shäng kjšara di shik. Wašë ši îya sök ga tjšê ba kong ga “Tja sès di sira” še. 9Kuya ga tjšê ba kong ga “Pja judío, ga tja wašë Samaria so. ¿Eni ga tja kong di rokëp sorëro?” še. (Šara ba kong eni, judíoga pjë Samaria sopga tjok ðëm kjîshko.) 10Kuya ga tjšê ba kong ga “Ðëbo twe woydë Sbörë bop kong, gueniyo e ðë miydëp shäng ðëme. Ga di rokaga sök ëre, tja ë miydëp shäng ðëm bakoe. Miydëp kjwe ga tja kong di rokorop, di shji ie ber šöng së jšõkoyo wšeniyo” še. 11Eshko ga wašë ši tjšê ba kong ga “Tjšapga, di bäng ëre jong rong, ga pja di shikkšo drete. ¿Eni ga di shji ie ber šöng së šëp sök ši ship sorëro? 12Bi tjšapga tek dënashko so Jacob di shino di bäng ëre dwayo, ga iara beno ba wapga kong, ba öng kong bakoe. Pjir ga iara beno jong bi kong. ¿Pja tjwšõ ara ba kjinmore?” 13”Ëye di ëre iono ga pjesit ga jek wodogro obi. 14Gueniyo di twak tjarë ši, ëye omiono ga ber wodogro ame. E ber pjang di shšäšä wšeni, ga ie ber šöng së îyado Sbö tjok bakoe” še ba kong. 15Kuya ga tjšê ba kong ga “Tjšapga, di šëp sök ši twos bor kong sira, tja wodogro ame wšo, tja tek shäng di shik kjër jûshko ame wšo bakoe” še. 16Kuya ga tjšê ba kong ga “Pja nom bop šanma wšokjrë. Wšênop ga tek söba” še. 17Kuya wašë širë ga tjšê ba kong ga “Tja šanma drete” še. Kuya ga tjšê ba kong ga ““Tja šanma drete” šëp shäng ši, e šorop beke. 18Jšõkoyo ga pja šanmaga rayono öötong dogšo shkëng (5) tjän, ga eerishko ga domer sök bop tjok ši, e bop šanma ðëme. Šëp shäng ši, e šorop beke” še. 19Kuya wašë širë ga tjšê ba kong ga “Tjšapga, miydër ga pja Sbö tjšõkwo šaga. 20Borwa tjšapgaga Samaria so tek dënashko so ši Sbö poshrëno dšup ëreshko. Gueniyo pjãy judíogara tjšê ga “Sbö, e poshrëy wšo ga woyde ga shäryëy eshko Jerusalén kjokyo dey” šëmi eni” še. 21Kuya ga tjšê ba kong ga “Tja tjšõkwo kjrozong. Dbar tjwe kjwara ga Data Sbö poshrëmi wšo ga pjãy tek dšup ëre go ame, pjãy jek Jerusalén kjokyoshko ame bakoe. 22Samaria sopga, Sbö poshrëmi šöng ši miydëmi šöng ðëme. Gueniyo tjawa judíoga tjrëko no shäng kjšara, kjrara Sbörë ber no döga wšo. E kjîshko ga Sbö poshrërwa šöng ši, e miydërwa šöng pjšúe. 23Gueniyo dbar tjwe kjwara ga ëye Data Sbö poshrëk woydë jšõkoyo ga e poshrëya jšõkoyo ba pjšúshko, Sbö Sëya go, woyde Sbörë sorë ši eni. Ga dbar tjwe šër shäng ši, e shrono tjän. 24Sbö, e sëya. E kjîshko ga woyde ga e poshrëy jšõkoyo bi pjšúshko, ba Sëya go” še. 25Kuya ga tjšê ba kong ga “Miydër ga no pjšuyo iche še Sbörë ši tjwe. Shrono ga ðëbo tjeng kës ši pjšoðgweya borwa kong drete” še. 26Kuya ga tjšê ba kong ga “Tjwe šëp shäng ši, e tja” še. 27E irgo ga Jesús oppinggaga shrono šok iröng obi. Îya šok ga sök šan wašë tjok ga yëy še erä, ga wotjšîk šok ga “¿Ðëye woyde? ¿Sök šan wašë kjwe tjok ðëno?” še, gueniyo kjakrokara šok ba kong ðëme. 28Eshko ga ba di bapkwo iara wašë širë beno jong eshko, ga to jongya u šok arashko. Öötong shäng eshko ga tjšê nopga kong ga 29”Domer sök këm kjšara, tja, ðëye shäryoror dö ši, e miyde sök pjir, ga šara bor kong pjire. ¿No pjšuyo ichara Sbörë shrono shäng ši ero ðëm? Pjãy tegö. Shji to îk” še. 30Kuya šok ga opshino to jek šok ba tjok, jongya Jesús sök šishko. 31E wopro ga Jesús oppinggaga tjšê ba kong ga “Tjšapga no pingga, pja ios sira” še šöng eni. 32Kuya ga tjšê ba kong ga “Tja ðëbo uako tjok, gueniyo ðë miydëmi šöng ðëme” še. 33Kuya šok ga tjšê šok ëng kong ga “¿Ëbo dši söno ba kongdo?” še. 34Gueniyo tjšê ba kong šok ga “Ðëye woyde bor ichagarë ga shäryër še ši, e shäryër woydë äär jong shäryoror pjir guing. Bor kong ga pak ëre, e bor dši wšeni. 35Pjãy tjšê ga “Kjwe mogšo pkëng (4) obi ga dwša bo shjiye” šëmi. Gueniyo šër bomi kong ga nopga tek tjeng kjwe îzîa. Nopga koshëy Sbö tjšõkwo kjrë ame, tek šöng Sbö tjšõkwo kjrë eniwa tjok wšo. 36”Ëye dwša skok ga dburyo shaya. Ga dwša skozšong dbaryo ga dwša skogaga ši šöng wopjšú, dwša dgagaga tek dënashko ši šöng wopjšú bakoe. Sbö tjšõkwo, e eni wšeni bakoe. Ëye tjšõkwo kjrono ga ber šöng së îyado Sbö tjok. Gueniyo eshko ga tjšõkwo pjšoðgwegaga ba kong, kjre wšo ši, e šöng wopjšú, tjšõkwo šagaga ba kong tek dënashko ši šöng wopjšú bakoe. 37Oba tjšê ga “Kjšara dwša dguë, kjšara obi ba bo töng” šëba eni. Eni jšõe. 38Pjãy ichër tjšõkwo pjšoðgwek oba kong, kjrëba wšo. Gueniyo tek dënashko ga nopga obšë öör šöng tjšõkwo šë oba kong. Ba pak ši kjange. Ga ðëbo weno pak shäryara šok kjîshko ši, e beno bomi kong” še. 39Eshko ga Samaria sopga šöng kjok eshko ši mär beno šöng Jesús go ara, ðëye šara wašë širë ba kong ši kjîshko. Tjšêno ga “Ðëye shäryoror dö ši, e miyde shäng pjir, ga šara bor kong pjire” šara ba kong šok eni. 40Eni ga öötong šöng Jesús shwoy ga rokara ber sök ba tjok, ga beno sök eshko ba tjok dbar pjök. 41Eshko ga nopga mär beno šöng ba go ara obi, tjšõkwo šara om go ba kong ši kjîshko. 42Eni ga tjšê šok wašë ši kong ga “Bäm go ga tjawa mär Jesús go, ðëye šorop borwa kong ši kjîshko. Gueniyo kurorwa tjawarë om go shara. E kjîshko ga miydërwa pjšú ga nopga kjok ëre so döga ši e” še. 43Dbar pjök irgo ga Jesús opshino to eshko dwayo jongya jong Galilea kjokyo. 44(Pjšara ga Jesús tjšê ga “Kjok kjone pogo ga Sbö tjšõkwo šaga, e iëba tjwšõ ara. Gueniyo ba kjok om go šishko ga iëba tjwšõ ðëme” še eni.) 45Gueniyo kjupäbä ga Jesús sök Jerusalén kjokyo, Israel tjëyoga döktong tek Egipto kjokyo dwayo dbaryo shrëzšong dbaryoshko. Eshko ga ðëbo îydëba ðëm wšeniyo shäryara ara. Galilea sopga kjone kjone öör šöng eshko bako, ga ðëye shäryara kës ši îna šok. E kjîshko ga Jesús öötong shäng Galilea kjokyoshko ga e wšokjrara šok wopjšúe. 46Dbar kjwara ga Jesús jek öötong shäng Caná kjokyo jek obi. Caná kjokyo, e Galilea kjokyo obi, di kjšopswara beno kjiðgwo bo dyo dbo ara kjupäbäshko šishko. Domer shäng kjšara Capernaúm kjokyo, parkaga pjšu kong wšeniyo. Wa buk kjšara swšo ara. 47Kuya domer širë ga Jesús shrono shäng Judea kjokyo dwayo ga jek öötong shäng ba shwoy ga tjšê ba kong ga “Bor wa swšo ara, buk wošontoe. Rokër bop kong sira ga pja jek bor tjok bor ushko, poptëp wšo” še. 48Kuya ga tjšê ba kong ga “Ðëbo îydëba ðëm wšeniyo shäryër bomi kong ðëm ga pjãy mär bor go ðëme” še. 49Kuya domer širë ga tjšê ba kong ga “Tjšapga, shji to jekdo, bor wa wošontë ðëm obi tjok” še. 50Kuya ga tjšê ba kong ga “Pja nom bop ushko. Bop wa poptono tjän” še. Kuya ga tjšõkwo kjrara, ga toe. 51Wêshko ga jëk shäng ääto ba ushko ga ba parkagaga tek šöng ba wšokjrë irbo, ga tjšê šok ba kong ga “¡Tjšapga, bop wa, e poptono beno pjšúe!” še. 52Kuya ga tjšê ba kong šok ga “¿Kayo yonkë kjok orë?” “Kjšik ši zeno kjupke dšo jõya kjwšëshko” še šok ba kong. 53Eshko ga miydara domer širë ga Jesús tjšêno ga “Bop wa poptono tjän” šara ba kong ši, e dšoyo e go. Eni ga beno shäng mär Jesús go, ba pjeyoga šöng ba ushko uunkong tjok. 54Jesús tek Judea kjokyo dwayo shrono shäng Galilea kjokyo irgo ga ðëbo îydëba ðëm wšeniyo shäryara e tjok ga öötong pjšogšo pjök tjän.

will be added

X\